منقولة
<3 حوش جدى <3
الحلقه التامنه <3 <3
وصلت نهال هيا واميره للكورس وحجزو كراسى وقعمزو فيهم .... وبدت المحاضره وفى عز دكتور مايشرح ... تلفتت اميره لنهال وقالتلها ....
اميره ... حى نهال غير شوفى طرف الاغبر هوا الا تانى صفه على يمين ... وين شايفته انى ... غير شوفى شوفى ..
نهال ... وينه .. مش باين ... ااااااه استنى ااااااااااااااااااااااااااه حى عليه هدا شن يدير هنا ..
اميره .... منى يابلوووووه ؟؟
نهال ... وسااااااااام .... ااااااااااه اعطينى شنطتى بسرعه..
اميره ... وينهااااا هبلتنى
نهال ... الكرسى الا جنبك يابلوووه..
اميره ... شن فى ؟؟
خدت نهال نقالها وبعتت رساله لى امجد ..
نهال .... اااااااااااااامجد رح نقتلك على كدبك ياامجد ...
وبعدين بعتت رساله لوسام وقالتله ..
نهال ... وسام شن دير فى الكورس ؟؟ انت علاش لاحقنى فى كل مكان
وسام ... لانى نحبك ياهبله ..
نهال .... وسام انتى ماتعيااااش خلاص اطلع بالله عليك الكورس بيبدا .
وسام ... هههههههه حلوه هادى .. انى طالب زينى زيك .. ولو سمحتى خلينى ننتبه مع دكتور ..
نهال ..... بجد انت تدوى ... قصدى انت تشوف فى منظرك كيف شكله .. زى طفل ماغولى بيناتنا
وسام .. << نسى نفسه انه فى قاعه ونفلق بالضحك >>
وسام ... هههههههههههههههههههههههههههههههههههههههههههههههههههههه
وفجأه القاعه كلها سكتت وتلفتوله .. ودكتور شبحله وقاله ..
الدكتور ... انت .. انت .. اى الى لابس طاقيه ..
وسام .. فاق لنفسه وقاله << انى ؟؟
دكتور ... اى انت لو سمحت اطلع برا ..
وسام ... اوك ومتأسف جدا
نهال واميره .... ههههههههههههه
نهال .... يستااااااااهل ... الا مانخليه يلزوه من الكورس كله ..
كملت المحاضره وطلعت نهال ولقاته لابس نظراته مقعمز ويستنى فيها برا .. بس ولا عبراته من ارضه ... وركبت سيارتها وروحت .. وهوا كان طول طريق وراها لين وصلت اميره وروحت للحوش <3
واول ماوصلت للحوش خش بسرعه قبلها ووقف قدام الباب من داخل بعد ماسكرت ورها باب وخشت ...... وقاللها ..
وسام ... انتى بديتى الحرب <3 ... وانى الا رح ننهيها ..
نهال ... مادكرنيش فى منظرك مبكرى وانت ملزوز هههههههههههههههههههه
وسام ... حى عليها .. هيا .. تى والله يانطفشك ياطفشينى ماشى ..
نهال ... تعب فى روحك بس ...
وسام ... باهى مالا استلمى هيا ... خالتى .. ياخاااااااااااااالتى ..
نهال ... شن تبى تقووووووول .. ااااااااااااص
وسام ... على كل شى درنه الايام الا فاتو ..
نهال ... مادرنا شى ياكدااااااااب اسكتتتتتت << وحطت ايدها على فمه >>..
وسام .. ايدك وريحتها تهبببببل <3 استاحشتك ياشينه ..
نهال ... نحت ايدها وقالتله ... انى ماستاحشتكش ..
وسام ... نحبببببببببببببببببببك ورح تكونى مرتى وبرى انتحرى ..
<< بدى حبك شو قلتى قبلتى ولا ماقبلتى .. فارض حبى عليك فرض الغيمه الا بتشتى على الارض مابتستادن لتشتى ..
نهال .... هههههههههه شنى بديت سميع ممتاز للاغانى العربيه ... تمام ..
ركبت نهال فوق وخدت شحن متع تلفونها ونزلت لوطه بدلت حوايجها وقعمزت مع العيله الملتمه زى العاده لوطه .. بينما وسام خش طول وقعمز معاهم وامه حطتله غداه واول ماقعمزة نهال خالتها قالتلها ...
خالتها .... شنى بكرا نطلع انى وامك نبدو نحجز صاله ؟؟معاش فى وقت ..
نهال ... << كيف بترد >> قطعها وسام وقال ..
وسام .. اكيد ياما .. واى شى ينقصكم كلمونى .. وانى مستعد نتكفل بكل شى .. حتى هيا اميره الا بناخدها مش اى بنت ..
ام نهال ... سلم وليدى <3 وان شالله ياربى ديما هكى تقعدو متفاهمين وربى يعقد عسلكم... وانتى شن رايك يانهال ..
نهال ... << سكتت شوى وقالت >> الا تشوفيه ياماما ديروه <3
ام وسام ... روووووووووووووووووووووووووووووووووووووووووووووووووووووووووووووووووووووووووووى ..
ام نهال .... روووووووووووووووووووووووووووووووووووووووووووووووووووووووووووووووووووووووووى
شبح وسام لنهال شبحه كلها حب ومشاعره حلووووووه وكمل ماكلته ..
وهنا تحشمت نهال فاخدت بعضها وطلعت فى جنان ومافاتتش ربع ساعه لين لحقها وسام وقاللها ...
وسام .. حبيبتى ممكن تسمعينى شوى <3 انى نحبك ومستعد نتغير على خاطرك <3 خلينى نحس الفرحه من قلبك ونبى نسمعها منك توا ... انتى مستعده تتزوجينى ؟؟
نهال .... ______________________
وسام ... جاوبينى ... انتى مازال تحبينى ومستعده تتزوجينى ونعيشو مع بعضنا لين نكبرو ونشيبو ونولو زى حناى وجدى ...
نهال ... << مسحت دموعها وسكتت شوى بعدين قالتله >> ... اىه ..
وهنا خش امجد الا كان واقف ويتسنط عليهم وقاللهم ...
امجد ....... رووووووووووووووووووووووووووووووووووووووى الف صلاة وسلام عليك يانبى الله محمد روووووووووووووووووووووووووووى <3
وسام .... ههههههههههههههه امتى تكبر ياعيل انت بس ...
امجد .... بعد مانهال تخدمنى فى موضوعى <3
نهال ... شن هوا ؟؟ ماتقووووليش اميررررره قصدك ؟؟
وسام .... شن اميره .. شن فى ؟؟
امجد ..... فضحتينا اسكتى ... شن بيسكته توا فارس ظلام هوا ...
نهال ..... هههههههههههه قصدك متوحش دركولا ههههههههههههههههه
امجد ... اص اص هادم كلهم اسماء سريه مايعرفش بيهم ..
نهال .... ههههههههههه اه باه .. حقا وين قصى معاش ريته ؟؟
امجد ... بوى بايت فى الاستراحه مع صحابه متزردين ومشى معاه .
نهال ... والله استاحشته معفن ..
وسام ... << مع تعويجة فم >> استاحشتييييييييه معفن .. ماتلاحظيش اخلاقك بازط الايام هيا ..
امجد ونهال ... ووووووووووووووووووووووووووووووووووووووووووه خلااااااااااااااااااااااااااااااص ههههههههههههههههههههههههههههههههههه
امجد .... مع احترامى ليك مع احترامى ليك وكونك اخى ورفيق دربى والبنك الخاص بى وفارس ظلام ودراكولا لى نهال بس انت نفاااااااااااااااااخ .. باى هههههههههههههه وهرب
وسام ... استنى هنااااااااااا تى والله الاماتاكله تيرووووو توا نوريك نفاخ من هوااااا
نهال ..... هههههههههههههههههههههههه بصراحه امجد نوعا ما يقول فى الحق ... قصدى هدا خوك صغير نهار ابيض ...
وسام .... تضحكى ها ها ها عجباتك انتى ... مش عارفه كيف مسترزفتيه هالفرخ والله مايبى الا طريحه ..
نهال .... يستاهل صح ... الحق فيه الا وصلك للكورس يا جاسوس ..
وسام .. تى تعرفى خدى منى 300 جنى ومحسسنى طول الوقت اننا بنخطفو حد ...
نهال .... هههههههههههههههههههههه فظيع الولد هوا ..
وسام .. < شبحلها شبحت مش هاضم الكلمه >> فضييييييييع .. استااااااااااااحشته .. معفففففن .. سد نفسك .. نوض خير .. يالا باى .. وغدو البسى واسع خيرلك .. تى والله نمشى ونلاقك لابسه سروايل << طز فى وسام >> الا ماتشوفى الايامات السوده ..
نهال .... ههههههههههه بالفعل طز فى وسام ..
وسام .... طز فى وسام .. ماشى ماشى غير خلى نقرو فاتحه بس وبعدين رح تدفعى تمن غالى صدقينى << يوما لاينفع ندم >> هههههههههههههههههههههههههههههههه
نهال ... انت سخيف ... والله الامانحرش حناى ..
وسام ... اما تفكيرك هوا مصدددددئ هههههههههه سلام
ام نهال .... نهاااااااااال تركبى معاى .. نحطو العشى على نار ؟؟
نهال .. شن بديرى ؟؟
ام نهال ... والله مش عارفه الحق ... وحناك قالت ديرو عصيده ..
نهال .. خلاص هيا ...
ركبت نهال مع خالتها ودارو العشى وتعشو وقعمزو ضحكو وهدرزو ... وخدو دربوكه ودارو بيها شوط وقعدو لصبح والعيله كلهاااااا متجمعه وحتى من امجد ووسام ختموهاالسهريه لصبح بالضحك والتهدريز والكارته ...
ناضت صبح نهال وراسها زى طبله .. وخشت للمطبخ وبدت توتى للفطور وبعدما فطرو وكملو قضيتهم بسرعه ومع ساعه 1 ظهر تحديدا .. نهال قالتلهم ..
نهال ... خالتى امى ... هيااااااااااااا قبل زحمه خلى نلحقو نشوف صاله ولا اتنين قبل موعد الكورس
امها ... والله الا تديرى فيه الا دلع زايد .. توا هدا وقته الكورس ؟؟ شن مازال على عرسك ؟؟ ل احجزنا عشى ولاصاله ولااى شى ...
نهال ... انى بنحجز معاكم الصاله والمزين .. وباقى انتى وخالتى احجزوه انى واتقه فى دوقك ...
امها ... انتى دفعتى حق الكورس ..
نهال ... لا مازال اليوم مفروض .. لانا من تالت يوم اجبارى تدفعى .. واول يوم وتانى يوم تقيمى دكتور لو مشى معاك او لا
امها ... خلاص بكرا بريلهم وادفعى حق تلاته محاضرات وفوتيها .. والهى بروحك ومزينك وديرى جلسات وحسسينى انك عروسه ..
نهال ... اوووووووووف اوك ماما حاضر تبى شى تانى ؟؟
امها .... ياوخيتى سلم بنتى الا تسمع فى كلامى ... هيا خلاص اطلعى هيا ... من وين بتبدو ؟؟
نهال .... خاطر نشوف مورينا واللبيب ... وبعدين قصر الهناء كانا لحقنا ..
امها .... هى مالا يالله ....
مشت نهال هيا وامها وخالتها ... وتفرجو على صالات ... وبناء عليه حجز وفى صالة اللبيب لانا نهال عجبتها مدخل العروسه وكبر صاله ..
وبعدما خلاص حجزو مشو لقصر الهناء وحجزو المحضر .. واليوم هادى كانت طلعتهم وكانو مقررين بكرا بيديرو لفه على المزين والا نهال مقرره مسبقا انها بتحجز عند فاطمه شعيب فى الحفله ..
وبعدما حطتهم نهال ... امها قالتلها ...
امها .... خودى حاجه على خفيف غادى وروحى تلقى عشاك واتى ..
نهال ... ماشى ماشى ..
وسام ... اهلن ... شنى ماشيه للكورس ؟؟
نهال ... اى وانت امتى روحت من خدمه ؟؟
وسام ... كيف وصلت وجعااااااان ..
نهال ..... اوووك معناها خلى نلحقو على كورس ومرات ناخدو حاجه من الكافتيريا
وسام ... خلاص برى انتى باش تخطمى على صاحبتك وتلقينى قبلك ..
نهال ... اوك باى حبيبى <3
طلعت نهال بسرعه وركبت سيارتها وطلعت وخطمت على اميره ومشو للكورس .. واول ماوصلت تلقها وسام بشكاره مليانه اكل ... وقاللها .. حطيها فى سيارتك ..
نهال ... علاش مكلف روحك ... كنت رح نروح وناكل ..
وسام ... خودى العصير توا معاك وشكلاته ... ودخليهم لبين ماخش دكتور ..
نهال ... اوك تسلم .. باى
خشت نهال وقعمزة فى صفت بنات ووسام وقعمز فى صفة الولاد وطلعت شكلاتة M&M,S لا شرهالها وبدت نتقرش فيها وتراجع فى محاضره هيا واميره ... اما وسام فكان فاتح نقاله ويقلب فيه لحد مالقى وحده فوق راسه تقوله ....
سمر .... وسااااااااااااااااااام شن جابك هنا ..
قام عيونه وسام ... وقاللها
وسام ... اه ... لحظه ... من انتى << برغم كان مدكرها >>
سمر .... لحظه بس نقالى يشرين خليك .. دقيقه ونجى ..
وهنا وسام .. بدى ياخد فى نفسه وحس قلبه غم عليه ودنيا سودة فى عينه وقلبه بيوقف وشبح لنهال ولقاها تشبحله ... وهوا قاعد كيف يشبحلها بعتتله رساله وقالتله ..
نهال ... من هادى ؟؟
وسام ... ماقالش شى وماعرفش شن يقول وفى نفس الوقت مايبيش يكدب ..
نهال .... رد عليا .... منى هااااااااادى ..
وسام .... انتى قريتى رساله صح ؟؟
يتبع
