منقولة
<3 حوش جدى <3
الحلقه السادسه <3 <3
وهنا وسام لا أراديا انهار بالبكى وقاللها ...
وسام .... لا لا مافى شى خلاص ...
السكرتيره .... شوف احنا كنا اصدقاء .... وانى لازلت نعتبر فيك صديقى قبل كل شى وحتى لو الحب بينا انتهى فانقدر نوقف معا ك فى ازمتك .... خلينا نطلعو ونمشو لااى كافى شوب وتحكيلى انى متأكده انى نقدر نساعدك ..
وسام .... << وهنا قام راسه وقعد يشبحلها شوى وبعدين قاللها >> انتى تبى تريحنى ؟
السكرتيره ... ياريت والله ياوسام ؟؟
وسام ... بنعطيك توا ورقه توقعى عليها ...
السكرتيره ..... ؟؟؟ ورقة شنى ؟؟
وسام ... انتقالتك ..
السكرتيره ... ههههههه اكيد تنكت صح ؟؟ انى ماطلبتش هالشى ؟؟
وسام ... انى قررت شى هوا .. وعندك حل من الاتنين .. اما انك توقعى ورقت انتقالتك للفرع التانى لشركه او توقعى ورقة استقالتك ... اسمعينى ... انتى عارفه انى مهما حاولت نبين نفسى عادى .. بس انى وياك مانتلاقوش فى مكان ... وانى مش حابب نخسر اغلى شى فى حياتى بسببك ..
السكرتيره ... ههههههههههه انت خسرتها وفات .. انت متوقع بعد هالمرض هاتعيش ؟؟ تضحك على نفسك انت اكيد صح ... على عموم .. صدقنى .. انت ماتستاهلنيش ... وتهنى بيها مريضه هيا .. وعيش معاها احلى ايامك مع اخر ايامها ... وبالنسبه للعرض الواو الا قوتلى عليه .. رح تلقى ورقة استقالتى على وجهك .. ومانبيش منك اى شفقه ياباش مهندس ... بس والله والله رح تندم ..
وسام ... اعلى مافى خيلك اركبيه .. والباب وراك لو سمحتى ...
واول ماطلعت قام تلفون واتصل بهانى مدير العلاقات العامه ...
وسام ... ايوا فتحى ... من اليوم تكتب اعلان محتاجين فيه لسكرتيره جديده ...
هانى .... والجديده خيرها ؟؟
وسام .... ياريت تنفد من غير سؤال بس ... وابعتلى اى اداريه مؤقتا ... لانا عندنا اجتماع بعد شوى ..
هانى ... ماشى ماشى
حط وسام السماعه ... وحط ايديه على راسه على مكتب .. وقعد يفكر ... وبعدين اتصل بصاحبه ...
وسام .. الوو .
رمزى .. اهلين وسام .. شنى ياعريس كانك تزوجت تنسانا <3 مش منك هههههه شن الجو ؟؟
وسام ... ماشى الحمد لله <3 <3 والله مشاغل بس يارمزى وانت تعرفنى .. مهم نبيك فى خدمه <3 وبما انك فى مجال الطب .. نبيك تسألى على احسن دكتور اورام فى فى عالم .. احسن دكتور وفى اى بلاد .. ومادبيا تجيبلى معلومات فى خلال اسبوعين ...
رمزى .. تم خلاص <3 بعون الله رح نجيبلك كل معلومات عليه بس خير منى عندك عنده ورم عفانا الله ..
وسام ... قريبى .. مهم زى ماقتلك ماشى <3 خلاص تم <3
رمزى ... باهى توا شن عندك بعد ساعتين ؟؟
وسام ... ماعندى شى .. واليوم اصلا تلفت سكرتيره هههههه
رمزى ... من هيا ؟؟
وسام ... تو نحكيلك لما نتلاقو ..
رمزى .... خلاص شن رايك نتلاقو بعد ساعتين فى اكسبريسو ؟؟
وسام ... ماشى ماشى خلاص .. ديرلى رنه وانت طالع بس ..
رمزى ... خلاص انى اعتقد مازال عندى 4 حالات بس نكملهم ونطلع وقبل مانطلع نديرلك رنه ماشى
وسام ... تم خلاص ..
رمزى .. هيا مالا توا نتلاقو بعدين . سلام .
وسام .. ماشى سلام .. سكر وسام تلفون ... وطلع للاجتماع ... وبعد ساعتين ... سكر مكتبه وطلع ... ومشى لموعده ... واول ماوصل لقى رمزى قبله مقعمز واول ماشافو بعض وسلمو على بعض وقعمزو وسام قاله ...
وسام ... شن اخبارك ؟؟
رمزى ... والله ماشى .. كسودى لامراه ولاصغار ..
وسام ... ههههههه عقبالك يارب <3
رمزى .. لا لا صحيت انى مازال صغير ... تحسابنى زيك يامختش .. تى انت عمرك كله كله 30 كيف سكرتهم ... وتزوجت
وسام ... هههههههههههه فرصه ماتلقهاش الا مره وحده بس .. والا عندى كانت فرصة العمر <3
رمزى .. اى اى صدقتك ... ههههه هيا ليبيه وفرصه .. مالا كانك طحت فى وحده انجليزيه ولا امريكيه ولا المانيه شن تقول .
وسام .. تى برا يامريض انت هههههه تى والله مايجو فى ربع الا عندى .. واللبيبه مايعلى عليها ...مانى طلعت وشفت ... تى وراس امك خلينى ساكت خير .. والله بنت البلاد مافى منها .. هونى صاحبنا ايمن تجوز انجليزيه ..
رمزى ... من هوا ؟؟ ماتقوليش هدكا الا يقرا فى الاقتصاد ... الا كل خميس كان مدرس معنا فى البشرى ..
وسام .... ههههههههههههههه اص اص ايام سوده .. لكن والله كنت اعقل واحد فيكم ..
رمزى ... مش منك عاد البنات كلها تحت رجليك غير ارضى .. وانت تتجكتر عليهم .. وتكحل من لوطه من لوطه ..
وسام ... تى برا يامريض .. هههههههههه من الله انى اصلا ماكنتش نحب فيتهم بنات .. غير كنت نجى باش نسيركم بس ..
رمزى ... هههههههههههههه يابلعوط مالا الا متزوجها هادى شنى ؟؟ وهدكا الا كلمتها فتره شنى ؟؟
وسام ... اهنى موضوع كلللللله .. كارت هانا مخلوقه هيا طلعت لحياتى فجأه وحاس انها مش رح تتطلع بساهل ..
رمزى ... لا لا .. غير احكيلى احكيلى شن فى ؟؟
وسام ... قبل مانحكى . تشرب مكيطه ولاكابتشينو ؟؟
رمزى ... لا لا اليوم بطنى مقلوبه . جيبلى كابتشينو بالحليب ..
وسام .. اوووك .. والغدى اليوم عليا ..
رمزى ... كانا انت بتخلص ماعنديش مشكله هههههههه <3
مشى وسام ووسام وخدى لروحه مكياطه وخدى لصاحبه كابتشينو .. وولع دخانه وقعد يستنى ... لحد ماوتت طلبيه وبعدها قعمز مع رمزى وبدو يحكو .. وبعد ماشربو القهوه .. عزمه وسام على مطعم اللمه متع الحوت ... وتغدو وكملو باقى تهدريزهم .. ومع ساعه 4 عصر وسام وصل للحوش ... واول ماوصل وركب شقته لقى نهال ماركبتش .. فانزل لحوش بوه طول وهنا لقى امه مقعمزه تتفرج ... فاوقف قدمها وقاللها ..
وسام ... امى وين نهال ؟؟ قاعده راقده فى دارى ؟؟
امه ... لا ..<< وتكلم فيه من راسخ شمها >>..
وسام ... شن تقولى انتى ؟؟ وين مشت ؟؟
امها .. لمت شلاتيتها ومشت لحوش بوها ...
وسام .. وانتى خليتها عادى ؟؟
امه ... وساااااام ماتخلنيش نفتح فمى عليك وخلينى محترماتك ...
وسام ... شن تقولى انتى شنى فى .. انى ماشيلها ..
امه .. ماتعبش روحك اليوم .. مش رح تروح معاك .. ماهو البركه فيك .. وفى سموحه الا اتصلت بيها صبح ..
وسام .. من سموحه ؟؟ وشن قالتلها ؟؟
امه ... وسااااااااااااااااااام انى ماتكترش معاى الحكى .. وبرا اسألها هدا كان اصلا خدت معاك وعطت ... والغلط والله ماهو منك .. الغلط منى الا خديت كلام عيل زيك ... وخطبتهالك ...
وسام ... يامااااااا ماتزيدهاش عليا بالله عليك .. والله انى بنتفجر .. قسما بالله مايعلم بيا الا ربى .. ماتخلنيش ناخد حبل ونشنق روحى بيه .. ونريحكم ...
وطلع وراه وقربع الباب .... وركب لحوشه فوق ... وفعد يتصل بيها مره واتنين وتلاته بس تلفونها مسكراته ... .. وقعد لحد صلاة العشى وهوا يحاول بس نفس الشى استمر تلفون يعطيه مقفل ... فاقرر انه يمشى لحوش اهلها .... فالبس كندرته وطلع .... وولع سيارته ومشى ....
ام نهال ... محمد .. بنت من صبح وهيا تبكى ... ومسكره على روحها ضى دار ... والله تعبت وانى نقولها خيرك بس هيا ولا كلمه ..
عمى محمد ..... خليها من هنا لحد بكرا .. وبكرا بعون الله تكون هدت ونفهمو منها ...
وطبعا عمى محمد كمل جملته من هنا والباب شرين من هنا .. واول ماسمعو الباب شرين عمى محمد قال ...
عمى محمد ... من الا جاينا توا .. خليك انتى توا نفتح ..
ناض عمى محمد وفتح الباب ... واول مافتح لقى وسام وهنا قاله ..
عمى محمد ... وسام .. خش خش ياولدى ... ماتقوليس نهال خيرها ..
عمته سميره ... وسااااااام شن درت فى بنت اللطف ياربى ...
وسام ... والله ياعمتى مادرت معاها اى شى غلط .. بس ممكن تناديها بس نكلمها ونفهم منها ...
عمته .. اووك ...
خشت ام نهال لدار وفتحت ضى ... وهنا نهال غمضت عيونها والمنفخات من كتر البكى .. وقالتلها ..
نهال ... مانبيش نطلع لحد .. قوليله يروح ...
امها ... ماتجيش يابنتى اطلعى كلميه وفميه وفهمينا ..
وهنا نهال قعمزت وفتحت عيونها وكيف كانت بتقوللها جمله بس جتها صدمه وقعدت ساكته شوى وبعدين قالتلها ...
نهال ... ماما انتى فتحتى ضى ؟؟
امها .. اى علاش ؟؟
نهال ... ماما اكيد تبصرى ... الضى مش مفتوح ..
امها ... والله يابنتى الا ضى مفتوح ..
نهال ...
