ليته لم يولد

﮼البارت،السادس

حبايبي اعتذر عن فترة الانقطاع تلفوني مكان يشتغل
وحتى ماعرف شلون اكدر اكتب البارت وانشره
والبارحة كتبت بارت وهسة كملته طويل لان
تعويض الكم ❤️

دانية رسول
ليته لم يولد 

بسكوت .. مثل ﺒﭽﻲ الحلم بسكوت
مثل ضحك الحلم .. بسكوت
أحبك لا تظل مثلي ﻋﺸﮒ .. بسكوت
ﺃﻨﺍطر عاﻠﻀﻭه من ينسد الباب
وأخضرﱢ عالتراب البيه أثر جدمك ..
وأصيحن ياب
عطاب الهوه البسكوت ..عطاب
لاهو فرح .. لاهو دموع .. لاهو عتاب
علمني أغانيكﱢ حتى لوﭽﺍنت أغانيك ..
عذاب
ماني أكيف عالجرح من ﭽف الاحباب
ولايبقه اﻠﻌﺸﮒ بسكوت لاشباﭺ ..
إله ولا باب
لا شباﭺ إله ولا باب

كافي

...............................

خليت ايدي على كتفه
كافي : طلع الي بكلبك كافي دوم تبقى  تسمعك
نصار : تعبان تعبان انكسر ظهري يا كافي انكسر

كافي : لا تكول هيج يا بعد عيني كلشي
يتصلح والله شبيك وانت مؤمن وتعرف
انو الموت حق وكل واحد بيوم يجي يومه
نصار : بس ابويه مات واني احبه حيّل
شلون بيه على فراگه
كافي : ربك انعم علينا بالنسيان
صدكني جرحه صحيح ما رح يطيب
بس يمشي بالسنين
وانت تدري الدنيا متوكف النا
تستمر خوما نكضيها هيج
الموت حق وربك اخذ امانته

نصار : داموت داخلياً كافي مداتحمل
كافي : سودة عليه الله يعينك خليت
ايدي الثانية وجه ومسحت دمعة
نزلت غصب عنه

وميلت وجهي
ها؟ نصير اقوى

حسّيت نفسي داحجي وَيَه طفل من
جنت داوسي اتمنى يكون
كلامي جاب فائدة اله
وتحسن عليها ماعرف بعد

سمعت صوت خرخشة
التفت
نصار اعذرني مضطرة اروح اخاف لا
احد يشوفني وانت ادري شيصير

نصار : لا روحي الله وياج
طلعت من المطبخ خايفة لا يكّون احد
شافنا وتصير مشكلة

بس بالي وعقلي يم نصار
ما فد يوم شفته هيج مكسور
اي هُو الفراق مِو هين بعد

بقينا يم بيت عمي لان الخطار كووومة
احنا بمنطقة صغيرة والكل يعرف
الثاني

ورى مخلص الاسبوع مال فاتحة
ردينا للبيت ما بقينا كلنا
نرجع احسن خوما نضل
لازكين يم الناس

ما شفت نصار ابد وهاي مر
علينا الاسبوع الثاني
وماكو هُو ولا اشوفه
من الشباك حتى

ضليت بقلق خاف صارله شي
لو سالفة بس تعوذت من
الشيطان وطردت هاي
الافكار من راسي

مرت الايام ما نزعنا الاسود
للحد الاربعين

ابويه مشغول بشغلة عشائرية
هُو واخوتي وصايرين قليل
نشوفهم كلت يجوز
نصار هُم هُو الثاني مشغول