ليته لم يولد

﮼البارت،الثلاثون

ليته لم يولد.  البارت الثلاثون
والبارت الاول ( الجزء الثاني )

بقلم / دانية رسول

عنوان الحلقة ( خبر مؤلم )

امتزجت رائحة التراب مع المطر في ايام ديسمبر الباردة
قطرات الندى لامست بشرات العامة
مسحها عن وجهه رجلاً يرتدي قفازات بلون اسود
اما السيدة الجميلة ذات الشعر البني فقدت فتحت مظلتها الوردية برغم انه قليل لكنها خشت ان يتبلل وجهه وملابسها الراقية
....

بايدي جنطتي مستعجلة والدنيا بدات تنگط البوت الكعب ضايقني ماكدر امشي بسرعة انملئ طين من الشارع بين ما ركبت بالسيارة اخذت كلينكس وبديت

انظفه بعدها لفيت الكلينكس ب وحدة نظيفة وخليتها على جهة ماريد اشمرها بالشارع انتچيت ورجعت نفسي
نعسانة نمت متاخر بقيت اباوع على الطريق حتى لا اغفى

برغم اني دوم اركز بالطريق يعجبني اشوف الناس وهي رايحة وراجعة خصوصا من يكون ازدحام ابدي احلل شخصياتهم بلا سبب يمكن هذا الشي غلط بس اني هيج طبعي يعني حتى لو ماريد
بلا سبب هيج تطلع مني

صارت عادة عندي وماعرف اتخلى عنها بسهولة شسوي بعد وصلت للمستشفى نزلت اول ما دخلت استقبلني دكتور صالح بملامح جدية مبينة تجاعيد وجهه بوضوح

باوع اليه وكال وهو يقلب الملفات الي بايده

- اتاخرتي اليوم اصيل
صفنت شنو اكول اله راحت عليه نومه هي حجة وحدة ماكو غيرها
جاوبت - اعتذر دكتور ازدحامات
باوع بنظرة بين الي مصدك وبين ال لا

- المهم هسة جهزي نفسج اكو مجموعة رح نرسلها للمخيمات واختاريتج وياهم لذلك حضري نفسج
-

- تمام دكتور ماكو اي اشكال

انطلقنا ويه مجموعة من الكادر مالتنا الطريق جان طويل واغلبه طسات غفيت شوي بالسيارة بعدين فزيت بسبب طسة كلش قوية جنت خايفة اسوي اي غلطة تخرب عليه كلشي وصلنا
جان الوضع سيء والاطفال حالة
حسبي الله ونعم الوكيل بس

- في تلك الاقمشة المشكلة على شكل خيمة ينامون بالبرد القارص والمطر والبَرد ( حالوب) كانوا يسكنون في بيوت عامرة دافئة تملئ ضحكات اطفالهم اركان البيت وحكايات جداتهم القديمة والان قد سرقوا منهم كل شيء وتركوا لهم اثار جروح بقيت محفورة حتى في قلب الاطفال ....-

جانت نهاية سنة 2014 سنة سيئة دموية
مبقت غير ايام وندخل سنة 2015 وكل مرة نتمنى السنة القادمة تكون افضل مو غيرها

بس الوضع كل يوم يصير اسوء واسوء وماكو حل
الله يساعدهم

بقينا نفتر الصبح ماطرة والطين رطب حذائي وبنطروني
كلها طين برغم اني لابسة بوت وبقية الكادر هم الله يساعد ويعين الناس الي عايشة هنا
حسبي الله ونعم الوكيل