ليته لم يولد

﮼البارت،العشرون

قراءة ممتعة
   ليته لم يولد. البارت العشرون
دانية رسول

سولاف. فاجئني كلام سميرة
وصدمني بقوة وبعدني
ممستوعبة الموضوع حتى بقيت صافنة بوجهه هي

حست عليه كالت. باعي سولاف اني رح اروح وانتي فكري بالموضوع ابني فقير وطيب وعلى نياته وبعده

شباب وانتي رح تكونين زوجته
وامه هم بنفس الوقت اني ماعرف شنو بهل دنيا اني مريضة سولاف مريضة واخاف اروح من هاي الدنيا واني مو مطمئنة على ابني

انتي الوحيدة الي اكدر اوثق
بيها اني هسة حروح وانتي فكري بالموضوع على راحتج ورديلي خبر بعدين مع السلامة

......... طلعت هي واني كلمة وحدة ما حجيت

لان اصلاً حسيت الكلام هرب مني
الي كالته يعني ميدخل العقل ما انكر اني جنت اتمنى

اتزوج شخص واعيش بسعادة معه بعد تجربتي الفاشلة بس عزيز

  *عزيز * بالنسبة اليه
مثل ابني او اخويه الصغير شلون ممكن اني اتقبله

يصير زوجي فوكاها الفرق بيننا
هواااااي يعني سمعت من جيراننا وحدة تتزوج واحد

اكبر منها ب 15 سنة بس العكس مفد يوم سمعت هيج بقيت الوب بمكاني ماكدر امشي واطلع حركتي ولا اكدر اكول لاحد وافضفض اله غمضت عيني ومددت

جسمي واني افكر بكلامها ماعرف شلون اجاني احساس غريب احساس يكولي وافقي على هذا الشي

برغم اني رافضته احساس يكولي رح تنسعدين ورح تعيشين وياه احلى عيشة بس عقلي والمنطق يرفض هذا الشي وميتقبله ابدا وشنو الحل ...

زين فرضاً تزوجته شلون رح نعيش منو الي رح يصرف على البيت منو الي رح يتولى المسؤولية

هو من عمر ابني شلون رح اعيش واتقبله معقولة اكدر صفنت ليش بهذه الاحساس موجود ليش مدارفض هاي

الفكرة ليش بس المنطق الي يرفضها مو  اني معقولة اني هم انعجبت بيه مثل ما هو انعجب بيه حسب كلام

امي هو حبني من صدك
لو بس لان عندي املاك وفلوس رادني  صعب التفكير

بيه حتى صعب بس منو يساعدني ويوجهني الصح المن اسال ومنو استشير

اوف ياربي استغفر الله شلون شغلة طلعت هاي من حيث لا احتسب
مر فوك الاسبوعين لا خابرت سميرة ولا شفتها ولا حجيت وياها حتى مروا الاسبوعين بتفكير طول الليل وتشتيت وهواي اشياء حتى جنت اصدع من كثر

التفكير رجلي صارت زينة الحمدلله فكوا اليه الجبيرة كل ما اريد  اطلع ابقى اباوع من الشباك خاف تصادفني