ليته لم يولد

﮼البارت،الثاني،والثلاثون

مساء الخير
ليته لم يولد. البارت الثاني والثلاثون
عنوان الحلقة ( ما لم نتوقعه )
بقلم / دانية رسول

مراد / المريضة الي وصيتج عليها البارحة حتى ما فتي وغيرتي المغذي مالتها شنو انتي شنو من عدهم اهتمام عندج

متكوليلي ما فد يوم دكتور متدرب لو متدربة
ولا ممرض او ممرضة اذوني بكدج مو معناها

اذا عندج واسطة يم دكتور صالح معناها نمشي كلشي الج اني ما اهتم الشكليات
وعندي كلام الج بعد يم دكتور صالح تكدرين تتفضلين

سمعني رزالة ما سمعتها حتى من اهلي مكدرت لا احجي ولا ارد حتى بس طلعت والدمعة بعيني

اني حتى اهلي ما يحجون ويايه هيج بقيت اغلط عليه بكلبي تالي عمري يجي مراد يصيح عليه ترى ما يصير هيج

بقيت اشتغل من ورى خشمي وهو بصفي واني
طاكه روحي لا وواثق من روحه يباوع عليه صفح من انكسر خشمك العالي مسوي روحه شخصية

وهاي الثانية سلمى تكولي
- طبج مرض حتى بعد لا تتاخرين

اصيل :- ولج اسكتي اسكتي انتي نار وشابه بكلبي اريد اخنكه

سلمى :- يلا عيني رامبو اصيل استقري تريد تخنگه هو مسح الكاع بيج ذهاباً واياباً وانتي ما حچيتي كلمة بس عليه لسانج شطوله يمة منج يمة

اصيل : ديلا ديلا هسة سكتي مالي خلك اعيد السالفة

علي : والله اذا تجين لرايي اني اكول ما يصير يرزلج هيج

بهل لحظة دخل مراد

دكتور مراد :- ليش مو طلب راييك ؟! وانتي اصيل تعالي للمكتب مالتي بسرعة

رحت بس توترت شيريد مني بعد النوب
كال

- اول شي الخبر نشرتي بالمستشفى اسرع من الشرقية بس خوش حتى الي يتاخر يكول يا لا يصير بيه مثل اصيل وما يتاخر المهم هسة مو هذا موضوعنا

اصيل :- لعد شنو موضوعنا متكولي دكتور البارحة فزة الانفجار والنوب انت الصبح ترزل بعد شكو شنو ما خلصت الرزالة بعد اكو اضافات

باوع عليه باستغراب
دكتور مراد :- ليش انتي جنتي بموقع الانفجار

اصيل :- لا بس جنت قريبة عليه
دكتور مراد :- هاي مو حجة بالنسبة اليه
بمناسبة تاخيرج اليومي قررت انطيج عقاب بسيط هل مرة حتى تبقى الج عبرة

اصيل :- كول دكتور بس خلي اخلص
دكتور مراد :- شوية لباقة المهم اليوم تبقين خفارة
بدل سلمى