ليته لم يولد

﮼نهاية،الجزء،الاول

صباح الخير والعافية ♥️
ليته لم يولد. نهاية الجزء الاول
دانية رسول ...

فادية ..
سنة 1988
انتهت حرب ايران والناس كلها طلعت تحتفل بساحة الاحتفالات والناس فرحت كلهم خصوصا انها حرب طويلة لمدة ثمن سنوات

بعدها ب سنة 1990 دخلوا العراقيين للكويت  وب سنة 1991 جانت الحرب وبعدها انفرضت على العراق العقوبات وصار الحصار الي تاذوا منه هواي ناس ماكو لا استيراد ولا تصدير

وخصوصا الانتكاسة جانت بسنة 1995 و 1996
العراق الوضع المادي صار صفر والعملة اتاذت
وخصوصا الناس الي جانوا محولين

فلوسهم للورق ف كاموا الناس يبيعون حتى من اغراض بيتهم

فادية متاثرت بهذا الوضع وجان عادي الها وتتفاخر بنفسها كدام الناس وتشيل
وتنگل لاهلها كلشي يحتاجوه
ومجانت مهتمة الي ديصير لان ما اثر عليها ..

بدات الناس تتعمق بالدين اكثر واكثر جان قبل ماكو حجاب الاغلبية بعد سنة 1995 ,1996 بداوا النسوان يلبسون حجاب وكاموا البنات والولد يروحون الجامع

يحفظوهم قران وبدا التعمق بالدين واني من الناس بسنة 1996 يلى لبست الحجاب

بقناعتي وامي هم جانت متاثرة هواي ودائما تنصحنا ف حتى خواتي بداوا يتحجبون

بسنة 1997 قررت امي نخطب بنت خالي  يعقوب ميساء لاخويه كمال بالبداية
وجانت السنة مال بيبتي هسة طالعة لان بيبي راجحة توفت الله يرحمها بسنة 1996

اني مجنت قابلة مادري ما استلطفها هواي بس امي جانت قابلة عادي حتى اني تعجبت من امي لذلك

انخطبوا بس صارت هواي مشاكل بيننا وتكول انتو تدخلون بكلشي بيوم رحنا نشتري الحلقة الهم بدون

ميكولون الها حتى واذا  يعني
قسناها على ايد سعادة نفس الشي هي وياها
وضاجت عود كالت " لا حلقة خليتوني اشتري ودزيتوا اليه ملابس عود جهاز اليه

وبيها حتى ملبوسة ومطكعة بعد شتسوون بيه ماكو شي اختاريته اني لذلك رح افسخ الخطوبة " فسخت الخطوبة وزادت المشاكل اكثر بين خواتي خصوصا

فاطمة وهي فاطمة تكولها "  خطبة اخونا وبكيفنا شنسوي نسوي" وذيج تكولها " هي خطوبتي مو خطوبتكم حتى الحلقة مو اني

اختاريتها " .....  بعد فترة من فسخوا امي تخبلت شلووون ميساء تفسخ الخطوبة من كمال

وهي شافيتلها مثله ومن هل حچي كتلها
" امشي خلي نطلع لسوك  نغير جو شوية "

وردة " والله من وراهن مال خلك لكلشي اني اعرفهم ذني خواتها بقى يزنون براسها والا هو منو يرفض ابني كمال الف وحدة تتمناه ..

فادية " شسويلها والله بعد احسن هي الخسرانة اني اصلا من البداية مرايدتها اله
متناسبه بعيداً عن القرابة او غيره
بس هم مو متوالمين سويه "