قراءة ممتعة
ليته لم يولد. البارت الخامس والعشرون
دانية رسول
1986 العاصمة بغداد
البيت مليان ناس الكل فرحان ويشتغل بحماس وماكو واحد ضايج بيننا الهوسة والطبخ
ننتظر خالي يرجع من الحج البيت الفرحة ماليته
نركض منا ومنا حتى نلحك على الشغل رح يجون
كومة ناس لو نلحك لو ما نلحك
وخالي معارفه هواي بعد حضرنا الاعلام البيض
واحد نخلي بباب البيت والباقيات ياخذوها لمن يروحون يستقبلوه
بعد ما كملنا نص الاشياء تقريبا بقينا نبخر ونعطر
بالبيت
جتي امي وكف بصفي
وردة : مثل ما وصيتج من يجي خالج شتسوين
مو تنسين
فادية : لا ما انسى ببالي شلون انسى اصلاً
مرت ثلاث سنوات كبرت بنتي وصارت تمشي حاولت اني اجيب الها اخ
واخت بس مجان مكتوب اليه ميصير عندي طفل
بسهولة لذلك اتاخرت بحملي الاول وهسة ماعندي اطفال غير بنتي وحدها
هواي حاولت حتى يصير
عندي طفل ثاني بس ماكو حل فادني لذلك كالولي من
يرجع خالي من الحج انزعه
مثل حزام يلبسه احيانا يستخدومه
حتى يحطون فلوسهم و الخ .......
وبعدين اخذ هدومه واسبح بيهم
كلت بلكي هاي المرة تنجح
وصل خالي واستقبلوه بالهلاهل والمباركات سلمت عليه وبعدين سويت مثل ما كالت امي
بسرعة اول ما هو دخل اخذت حزامه
هو فز واني هم فزيت
التهينا بالهوسة والطبخ وكل
شوية على جدر والبيت انملئ ناس وكل شوية واحد
طالع يجي واحد ثاني
ومنلحك نصب المن والمن بقيت اني بالمطبخ اكثر الوقت
سرور جانت بالبداية يم سهى لان
هي بالهول كتلها بس عينج عليها بين ما اكمل هي
مكالت شي
ولو اني اخاف من الموقف
الي صار قبل ثلاث سنوات تقريبا
بيومها انفزعت رحت اركض
عليها اريد اشوف شبيها
لكيتها مختنكة معرفت شسوي من رجفتي
جتي امي عليها بسرعة ضربتها
على ظهرها وطلعت
حبة فاصوليا مكالتها بدون مندري امي بقت ترزل باختي واني اخذت سرور لحضني
اتخبلت عبالي رح يصيرلها
شي بقيت فترة ارتجف وكلبي يدك بسرعة بسرعة عبالك صار شي موزين الها
هو بالفعل صار بس الله قدر ولطف انو نلحك عليها بسرعة ماعرف شنو جان ممكن يصير
بدلت على السريع واجى نادر ياخذني بس مخبرته شي عن الي صار ...
__________________________
أنت تقرأ
ليته لم يولد
Non-Fictionحكاية حقيقية ( باللهجة العراقية ) تبدا من السبعينات الى يومنا الحالي عّن الحياة وكيف تدور ومن يكّون في الاعلى سياتي يوم ويكون في الاسفل تتحدث القصة عّن امراتان ترويان قصة حياتهم في زمنين مختلفين ( الجزء الاول) بين خدع وحيل بين نكران الجميل وعقوق...
