ليته لم يولد

﮼البارت،السابع

مساء الخير

دانية رسول. ليته لم يولد
البارت السابع

يا حظّ المكان بيك
يا حظّ من هم حواليك
يا حظّ ناس تشوفك
وأنا مشتاق إليك.

أي سرّ يعتري شوقي إليك
إنّ شوقي حائر في مقلتيك
كلّنا أسرى صبابات الهوى
فادنُ منّي .. إنّني ملك يديك.

إن كان ذنبي أنّ حبّك شاغلي عمّن سواك
فلست عنه بتائب.

حب وأشعار
أُحبّكَ مهما طالَ انتظاري
لأنّكَ لستَ قدري ولكن اختياري.
وما كنت ممّن يدخل العشق قلبه
و لكن من يبصر جفونك يعشق.

كافي خايفة تعبانة متعرف شنو تسوي اكو غصة بداخلها كان مدتشعر بالدنيا

والارض اشتدت بيها وكعت الخاشوكة من ايدها بقلة حيلة وابوها طلع من البيت منين تستفسر ومنين تعرف شلون رح تعبر عن الي

جواها شرح تجاوب من يسالوها شبيج ؟ ليش دتبچين هلكد؟مو رح يشكون بيها باوعت ماكو احد سدت الباب

وكعدن تبجي بدون صوت ومابيدها حيلة حتى الدمعة ماتكدر تطلعها من كل كلبها البارحة تنتظر وتعاتب بكلبها واثاري هو متصاوب زين منين حتعرف شبيه

شنو الي صايرله استندت وخلت ايدها على الكرسي مشت على كيف وهي تشهك بصوت خافت وفتحت حنفية المطبخ وصلت تشمر مي على وجهه وكل شوية

تدحك على الشباك بلكي احد يفوت بلكي يوصلها خبر بس ضلت حايرة خمس ساعات الام يم الجوارين وماكو لا ابوها ولا اخوانها منين تعرف طول هذا الوقت ايدها

على كلبها ودموعها ما سكتوا
ابداً تنتظر وتنتظر وكانها تنتظر عودة مسافر ولا عبالك يمها متحملت لبست

عبايتها وطلعت تهف وصلت للبيت عمها ودخلت بس

(تائهة بين الطرقات لا تعرف اين تذهب ومن تسال تحترق بداخلها ولا تظهر ) وصلت للبيت عمها دخلت

وبقوة فتحت الباب عبالك سارقين منها شي وتريد تاخذه بس سرعان ما حست على نفسها ووضعها وبدلت

ملامحه وحركاتها حتى تبين حزينة كأي شخص مقهور على احد اقاربه وماكو شي يثير الشك نظرات ام

نصار وهي تباوع عليها من فوك لليجوه وكانها تتفحصها بنظراتها وخواته الي كاعدات ومن شافوها دارو
وجههم للجهة الثانية ومهتموا حست انو محد

مهتم معقولة ابنهم وعادي عدهم سمعت صوت امه وهي تكول للبنتها الكبيرة كولي للجاسم يصيح على نصار اريده

اندارت على مرت عمها وفتحت عيونها على كبرها
كافي : ليش خالة نصار هنا؟؟؟؟؟؟
جميلة : شلون رهمتيها هاي يل ذكية مو هسة كدامج كلت يروحون يصيحون
كافي : لا خالة مو قصدي هيج بس اني ابويه
قبل لا يطلع كلي نصار تصاوب واني كلت خاف
اصابته خطيرة لو بيه شي لا سامح الله
وجيت اسالج هذا قصدي