مساء الخير
ليته لم يولد. البارت الثالث والثلاثون
عنوان الحلقة ( مشاعر مختلفة )
بقلم / دانية رسول
فادية :- والله انتي فد وحدة طايحة حظ وبلا اخلاق
نيران :- ديله عيني ام الاخلاق جايه تحجي عليه وهي خلينا ساكتين
بصوت عالي . سرور :- شو انتي يرادلج تربية احترمي نفسج لا تعرفين
نيران تحجي وتحرك بايدها
:- يمة يمة متت من الخوف يلا عيني روحوا منا
سرور اندارت على امي وكالت الها
- بس عوفيني خلي اكتلها امي باوعت على نيران بقرف وكالت الها
- لا عوفيها هل شكولات حرامات واحد يتعب روحه عليهم ولو قطرة وتفلت عليها وراحت وسمعنا عياط نيران بس محد اهتم للموضوع
رجعنا للبيت
فادية :- يمة ولج يمة نار وشابه بكلبي اني تراب اختي بعده مناشف وهاي الحقيرة تريد اتزوجه
جيبلي كلاص مي ولج ريگي يبس
رحت جبت الها اخذته مني وشربته دفعة وحدة وخلته على الطاولة
حجت سرور بغيض وهي تعض باصبعها
سرور :- اخخخ بس لو عفتيني اطلع حيفي منها جان نتفت شعرها المعفن مثلها
بقينا كاعدين شوية واندكت الباب فتحناها خالي كمال
كلنا تفاجئنا بيه واكف ومخلي ايده على خصره وايد على جبينه واضح الاختلاف بلون بشرته بسبب مرض البهاق الي اصابه
نظرات امي المصدومة بيه وعن نفسي ما شفته حتى بالفاتحة ولا قابلته صار شكد نزل ايده وباوع لامي بجدية وكال
- انتي شلون تسوين هيج ؟! جايه ومتهجمة على مرتي رح تبقين تسوين مشاكل منخلص من سوالفج
وتدخلاتج !!
امي جاوبته بحدة ونبرة غاضبة
- والله انت شلون تسوي هيج اختك ترابها مناشف وتروح تزوج بنتك ! للهدرجة عديم الاحساس انت
كالت الجملة الاخيرة واندارت تدخل للبيت
دخل هو بحذاءه وكال بصوت عالي مع تحركات ايده
- والله هذا شي يخصني واشر على نفسه
وانتي ( ياشر على امي ) مو من حقج ابدا تفكرين تتدخلين بهيج شي
انتي حيري ببناتج احسن وياشر علينا بحركة سريعة
لاحظت نرفزة سرور وشلون انها ضاجت من الكلام وطبيعي هي متسكت
أنت تقرأ
ليته لم يولد
Phi Hư Cấuحكاية حقيقية ( باللهجة العراقية ) تبدا من السبعينات الى يومنا الحالي عّن الحياة وكيف تدور ومن يكّون في الاعلى سياتي يوم ويكون في الاسفل تتحدث القصة عّن امراتان ترويان قصة حياتهم في زمنين مختلفين ( الجزء الاول) بين خدع وحيل بين نكران الجميل وعقوق...
