ليته لم يولد

﮼البارت،الحادي،عشر

مساء الخير
ليته لم يُلد. البارت الحادي عشر
دانية رسول

فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه

كافي
عمتي واكفة وتصيح مدري شبيها واني كل شوية
اباوع عليه وتدير عيونها

نصار: شكو يمة غير نفتهم
ام نصار : هاي مرتك كل من وراها الفگر جابت
العزة النا والمصايب هاي اختك سودة عليه رجلها
يريد يطلكها كل من ورى مرتك البلوة

نصار : يمة على كيفج هداي اذا هي متعارضة مرتي شعليها لو تنتظرين الزلة الها حتى تسوين هوسة هو هذا مرادج صار من تزوجنا لهسة تسمعيها كلام حتى تتعارك وياج وتطلع هي الغلطانة لا تذبون مصايبكم
عليها اذا انتو عدكم غلط هي شعليها بطلوا هاي السوالف لان رح تبزعونا مصار ايام من تزوجنا حتى كلامج مو مفهوم وماله اي ربط

ام نصار : اييي عيني اي كمت تدافع للمريتك من تالي وكت سودة عليه اني ما اتهنيت حجيتلي هل چلمة كلبتها عليه

نصار : هو انتي تجفصين بالبطن وتكولين شكلت
هاي صارلج ساعة تنوحين وتعيطين على شنو
وفوكاها تجين تتهجمين عليها شسوتلج هي

قابل  راحت لزوجج وكلتله اتعارك وياها لا وطلكها
بنتج من يوم يومها مشاكل هسة صار صوچ ـ كافي ـ
وقبل صوج منو لا اله الا الله حتى النوم طيرتوا من عيني

ام نصار : دسمع مشكلة اختك افهمها لاحك تصعد فوك
هاي المسمومة خاف متقبل تحجي ويه اختك حتى

نصار : اولاً اني حر بتصرفاتي ماااااشي اسوي الي يعجبني محد يامرني وهسة صاعد وماريد اسمع
لا صوت بچي ولا نواح خلونا نرتاح شوية موتونا

صعد فوك واني بسرعة صعدت طول هذا الوكت
جنت كاعدة بدون ما احجي خفت اتدخل وبعدين
تنگلب السالفة ضدي وعليه لذلك سكتت

حتى من صعد نصار كلشي محجيت واضح
عنده مشاكل بالشغل وامه خبصتنا على شي
تافه هي يوميا اخته تتعارك وتتصالح حسب
كلام نصار مدري شبيها اليوم كالت الدنيا

شفته تمدد وخله ايده على راسه تسحبت على
كيفي من الغرفة حتى انزل اكمل شغل  ولو ماريد 
انزل جوه بس شسوي نزلت على كيف

باوعت من فتحة الباب كاعدين بالغرفة مال عمتي
باوعت من بعيد طبعا منتبهوا عليه

رحت للمطبخ رتبته ورجعت صعدت فوك كعد
نصار من النوم

نصار : كافي امشي خلي نطلع نمر للبيت صديقي
محمد زوجته جابت نبارك الهم

كافي : يعني اني هم اجي
نصار : شنو كلامي مجان واضح لهدرجة
كافي : لا هيج بس يعني تاكيد للكلام