ليته لم يولد

البارت السابع والثلاثون

ليته لم يولد. البارت السابع والثلاثون
... دانية رسول ...

عنوان الحلقة ( طعنة )

طلع هو واني هم اخذت كوت وطلعت هيج برا بالحديقة كتفت ايدي وبقيت اتامل منظر الحديقة الحلو واتمشى وبعدها شفت شي فاجئني
مراد واكف وبصفه نسرين خاله راسها على كتفه ....

تقدمت متفاجئة حطيت ايدي على حلگي ردت
اروح بس للاسف مراد انتبه عليه وصاحني انداريت

اصيل :- شكو
مراد :- خير اصيل شبيج

باوعت عليه عدلت خصلات شعرها بايدها وكالت

- يلا مراد بيباي
وطلعت
اصيل :- شهل حركات مراد صدك تحجي ؟!

مراد :- تره مابيه شي اني مثل اخوها لا تفهمين غلط

اصيل :- اكول عيني مثل اخوها ليش متكدر تصير مثل اخوها بدون تحضن !!

مراد :- لا تكبرين المواضع بزيادة انتي تفكيرج هيج

اصيل :- وافتخر بهذا التفكير على الاقل احنا ناس نعرف الحلال والحرام مو مثلكم

مراد :- هي هي انتي شقصدجج مثلا احنا بكيفنا شنسوي نسوي وفتحيلي هل دماغ المحجر ماشي

وضعهم غريب حسيت اهل مراد يضوجون من نسرين ولبسها وطلعاتها زين ليش ما يحجون او ينتقدوها شوي على الاقل

كلامه المستفز وياه خلاني اتنرفز هو طلع واني رجعت دخلت للبيت شافتني امه

ام مراد :- يمة هم شفتي نسرين ؟!

اصيل :- طلعت

ام مراد :- اها تعاي كعدي هنا اريد احچي وياج بموضوع

كعدت بس مستغربة شنو تريد تحجي ويايه اصلا

ام مراد :- اصيل اني اعرف انتي تتضايقين بجيه مراد هنا  بس تره هو جاي يشوفنا بس مو اكثر
وهو خوش شاب ودكتور ودارس وما شاء الله مابيه اي عيوب ولا اخطاء والكمال لله وحده مو لان ابني بس سالي اي احد يعرفه يكلج نفس الشي عنه

اصيل :- عمة افتهم بس باجر عكبه رح يصير عنده
طفل هم يبقى كل اسبوعين جاي هسة اني مو اهلي بصفي وكل اسبوعين يلا اروح يعني اني مو قصدي اخليه يقطع بيكم بس مو حالة  هاي يجي اسبوع يروح اثنين ويجي واحد انتي متزوجة عسكري ؟!!

وبعدين شلون ما بيه عيوب يا عمة

ام مراد :- قصدج لان جان مسجون يمه هنا جان مظلوم مو صدك

دماغي سوه Erorr مداستوعب شدتحجي صفنت كتلها

- يا سجن ؟؟؟؟؟؟

هي ارتبكت وتوترت مثل شخص چفص بكلمة ما يصير يكولها دخل مراد وياه نسرين والطفل
مراد باوع بنظرة مستغربة ونسرين دنكت شالت ابنها