ليته لم يولد

﮼البارت،التاسع،عشر

مساء الخير
      ليته لم يُلد. البارت التاسع عشر
   دانية رسول

الموت الفراق والرحيل
ياذينا احنا العايشين مو بس الميتين
تبچينا كل ذكرى للميت
وكل كلمة نذكرها كل حچاية وكلشي
احنا بيوم الي يموت الميت نموت وياه
بس بعدين نرجع نحيا من جديد
بس يبقى جرحنا مفتوح ...

كرهت هذا العمر بعدك كرهت درب ما يجيلك كرهت عالم ما تحكمه عيونك وينك؟ يا فرح يومي وأمسي يا دفى نبضي وهمسي كل دقّة في خفوقي كل لحظه فيها شوقي تحترق بلهفة عيوني وينك؟!

جلست على الارض بكسرة الي هدت حيلها اطلقت صرخة من اعماقها
صوت بكاءها العالي الي يخلي الكل يحزن عليه ودموعها الي ملت وجاناتها كانها لبوة فقدت شبلها كسرت وهدمت بلحظة واحدة كلامهم ونظرات الشفقة التي تدخل قلبها كالسهم لم تستطع الكلام ولا النطق

ضربت الارض بقوة وهي غير مهتمة لالم ايدها كل مرة
تزيد بقوة الضربة ومن الارض الى  وجهها دموعها صاروا نهر جاري عيونها الي احمرت وصارت تشبه كرة من النار وهي غير مهتمة الى ان سقطت على الارض بدون حيلة
حيلها انهد وصار مابيها حيل حتى للبكاء ضربت على قلبها بقوة وصرخت باسمه 

كلمتها ملئتها المشاعر والحزن كوموها اخواتها بصعوبة
ونوموها على القنفة عسى ولعل تهدا شوية

كعدت ورى شوية افتر بالبيت
جتي اختي حميدة تباوعلي بشفقة

كافي : حميدة يكولون نصار مات بس هم جذابين
اني اعرف بيه عايش هو كلي انتظرني

حجت والدمع بعينها حميدة : كافي اختي البقية
بحياتج

صرخت. انتووووووووووو جذااااااااااااابييييييييين
نصاارررررررر عايششش هو كليييي رح يجي
وكعت على الكاع بقلة حيلة

باوعت على الكاع بيها تراب كمت اشمر بيه واحجي بمهس. نصار رح يجي ونعيش ويه ابننا مو بله
وبعدين نكعد ببستان صغيروني .. هي تباوعلي وتبچي

شفتهم يروحون اله كمت على حيلي ...

برغم محاولتهم على ايقافها بس هي كانت تدافع بيهم وتريد تروح تشوفه مهتمت للمنع اخوتها ولا اهتمت لمنع اي احد الها كامت بقوة
وركضت وراهم

حافية القدمين نزيف قدمها اصبح اخر اهتمامها بل لم تشعر به حتى فنزيف قلبها يحرقها من الداخل اكثر بكثير وصلت البيتهم وكعت على ركبتها يم سريره الرجال يحاولون يبعدوها وهي تدفعهم بقوة مقبلت يدفنوه

شالت الغطاء ورمت نفسها يمه حضنتها وهي متقبل احد ياخذه وصرخت من جوه الغطا
" دفنوني وياه ما اعوفه "