ليته لم يولد

﮼البارت،الثاني،عشر

ليته لم يُلد. البارت الثاني عشر
دانية رسول

فادية

ضليت ادور الفكرة براسي
حسيتها فكرة زينة مابيها
شي خوش فكرة هم اني ارتاح
واهلي يمي وهو شكو عليه
امي تحبه وعادي ونخلص
من المشاكل بين ما يحسن

وضعه ونشتري بيت النا
بس المشكلة الي عندي
عمتي شلون تنقتنع
وهو نادر يقبل السالفة
لو لا واخاف بالعكس
تكوم عمتي تكرهني بزيادة
بقيت طول الوقت
صافنة افكر شلون ممكن افاتحه بالموضوع وادور طرق ببالي

انداريت على امي

فادية : يعني تتوقعين نادر يقبلها وشلون افتح وياه الموضوع بله كال لا ورفض  مادري بس احسه ابدا مرح يتقبلها يعني

وردة : باعي انتي ابدي بهداوة وعرفي شلون تحجين
لا تبقين تجفصين ثانياً واذا رفض ماكو مشكلة عود هو

اقتراح وانتهى بس ما اتوقعه يرفض هيج شي المهم انتي اليوم كوليله السالفة وحليها بعينه خوما اضل  اعلم
شغلي مخج

فاطمة : اكلج فادية يعني هي نور خباثة تسوي المشاكل لو انتي هم تحركين اعترفي ولج اعرفج متكعدين راحة
مو فقيرة ها ها كوليلنا الحقيقة الصحيحة

فادية : انچبي ولج والله هي بس تريد تتعارك واني
من تحجي ما اسكت الها اطلع لساني يعني ارد حقي
قابل اخليها تهين بيه واني ساكتة طبعا لا تعرفون عنب
ما اسكت

وردة : احسن هيج ناس لا يهموج يستاهلون الجواب
لان من يسكت الواحد الهم يتمادون عليه لذلك جاوبي لا تسكتين

ورى ساعة هيج شي اجى عليه نادر سلمت على امي وخواتي وطلعت
بالبداية جنت ساكتة طول الطريق بعدين قبل لا نوصل للبيت بشوية انداريت عليه

فادية : نادر عندي سالفة اريد اكولها الك
نادر : شنو احجي
فادية : اليوم داحجي ويه امي وهاي تدري يعني المهم
نادر ... هسة اني شنو الي فهمته

فادية " عيني نادر اني
داكول للامي على المشاكل الي مداعرف احلها ويه

مرت عمار نور وهي كالتلي شنو رايكم تجون تكعدون يمي تنطينا الغرفة الصغيرة النا نبقى يمها واني اشوفها فكرة صالحة ومابيها مشكلة "

نادر : لا ابداً لا تفكرين بهذا الموضوع اني حاليا مرتاح واذا على المشاكل ترى كل بيت عيال تصير مشاكل مو

شي جديد اكو يسوون الاسوء وعادي ساكتين ومتحملين لا تكبرين المواضيع وتنطيها اكبر من حجمها مشيها

يعني شرح تسويلج نور تاكلج قابل دمشيها يابه متسوى والله "

فادية : يعني انت هسة مقتنع بكلامك اذا صدك مقتنع
فاحسنلي اسكت وما ارجع افتح الموضوع مرة ثانية لان عرفت انت شنو راييك بالسالفة ف خلص ميحتاج نعيد اكثر من مرة