مذكرات خائنة (كامله) لــ خديجه السيد

اغتصاب

الفصل الرابع

ابتلعت ريقهـا بصعوبه و تنهض لتغلق باب غرفتها و تعود بسرعه برعب أن يراها احد من أهلها
- انتي هتسكتي تاني ولا إيه ، لأ ابوس ايدك ردي أنا ما صدقت رديتي
بخوف محدثه نفسها قائله :
- أنا كان اللي خلاني ارد عليه بس
- خلاص براحتك واضح أنك رجعتي في كلامك ، علي العموم أنا آسف مره تانيه و مش هبعتلك رساله تاني
نظرت بفزع للشاشه ثم صمتت قليلٱ وهي تفكر و تطلعت يمينها تنظر إلى باب غرفتها مغلق ، لتأخذ نفس عميق ثم تحدثت بهدوء قائله وهي تكتب :
- لاا استني أنا بس مش عارفه اقول ايه أصل دي أول مره اكلم شاب في حياتي و مكسوفه جدآ والله مش اكتر
- طب خلاص بالراحه و اتكلمي خدي نفس كده و بعدين الموضوع سهل جداً مش صعب ، أنا دلوقتي هسالك وانتي ترد بهدوء بس كده
- طب اتفضل عايز تسأل عن ايه
-اسمك ايه ؟

تطلعت باستغراب و كتبت بتوتر :
- ما هو اسمي مكتوبه علي الفيسبوك نور
- مممممم طب بصي بقى انا من اولها كده ما بحبش الكذب ، وانا متاكد ان ده مش اسمك الحقيقي اسم مستعار انا عاوزه اعرف اسمك الحقيقي ايه

ارتبكت بشده ولا تعرف ماذا تجيب عليه.
- وبعدين انتي كل شويه تسكتي ما تتكلمي تقولي اسمك ايه انا يعني هاذيكي باسمك ، مجرد فضول مش اكتر عاوز اعرف اسمك ايه
ابتلعت لعبها بصعوبه و كتبت بتردد :
- سميره
- سميره مممم اسمك حلو بس أوعي يكون اسم مستعار ومش اسمك الحقيقي ، انا قولتلك ما بحبش الكذب
حركت رأسـها نافيًه و ردت بتلقائيه عليه :
- لأ والله اسمي الحقيقي انا مش بكذب عليك
- طب تمام صدقتك انتي عندك كام سنه بقي و بتدرسي ولا لا
كتبت بخجل :
-عندي 15 سنه وفي ثانويه عامه
- 15 سنه في فرق بيننا كبير بس مش مهم ، تحبي إنت تساليني عن حاجه هوعدك اجاوبك بصراحه
رسمت على محياهــا إبتسامة سعيده و إستمرت في الحديث معا حتي الصباح
في المدرسه ..قالت بارتباك :
- غاده كنت عايزه اقولك علي حاجه بس توعديني أنه هيفضل سر ما بينا
نظرت لها باستغراب و سألتــه :
- حاجه إيه
هزت سميره براسها بنفي وقالت بتوتر :
- لا اوعدني الأول
عقدت ما بين حاجبيـهِا بتعجب :
- أوعدك ، قوليلي في أيه بقي
تمتمت بصوتٍ مرتجف :
- أنا اتعرفت علي شاب على النت و بقلي شهر بكلمه
رمشت بعينيهــا وهي تقول بدهشة :
-نعــم؟! ، يا نهار اسود عملتي ايه ؟
دب الرعب في قلبهــا، ابتلعت ريقهـا هامسة بتوجس خائفه:
- يا غاده واطي صوتك لحد يسمعك
قالت غاده في جدًّ:
-إنتي بتستهبلي انتي متعرفيش نوعية الشباب اللي علي النت دول عاملين ازاي ، ده نصف كلامهم كدب و بيحاولوا ، يوقعوا البنات علشان يتسلوا وبس ، أبعدي عن السكه دي بسرعه ده
أكيد بيلعب بيكي
ردت سميره عليهــا بقلق جلي :
- بس سامح شكله أنسان كويس ، ومش بيلعب بي
حدقت بها بضيق و قالت بسخرية :
- يا سلام و إنتي عرفتي منين
هتفت بصوتٍ بعض من الامل :
- عشان كلامه معايا و طريقته كويسه و مطلبش مني حاجه وحشه
ردت عليها بحنق :
- ما هي البداية بتبقي كده يا فالحه ، و بعدين فكرتي في امك و ابوكي لما يعرفوا هيعملوا
معاكي ايه