مذكرات خائنة (كامله) لــ خديجه السيد

عريس 2

الفصل الثامن.

دخلت سميره الجامع مثل عادتها و ادات فرضها و كادت ان تذهب و تفاجات بصوت احد ينده عليها من داخل الجامع ، التفتت سميره بتفاجاه و قالت السيدة :
- ازيك يا بنتي فاكراني ، انا الست اللي جبتي ليها العلاج
اومات براسها بالايجاب قائله :
-اه طبعا فاكره حضرتك ، يارب تكوني بقيتي كويسه
ابتسمت السيده :
- اه يا بنتي الحمد لله بقيت كويسه ، هو انتي بتيجي هنا الجامع
بدلاتها الابتسامه :
- ايوه ، وحضرتك كمان
السيده :
- ايوه ربنا يتقبل مني ومنك ، تعرفي انا كنت بتمنى اني اقابلك تاني
سميره باستغراب :
-ليه في حاجه

- اه كنت عايزه اديكي تمن الدواء والتاكسي اتفضلي كثر خيرك
نظرت سميره لها بعتاب :
- حضرتك لسه بتقولي لي اني انا زي بنتك ، يبقي لي عاوزه تعملي تكلفه بس
السيده بتعجب :
- بس ده حقك
ابتسمت سميره :
-  و انا مش عاوزه حاجه
السيده بإحراج :
- انتي بتحرجيني ليه يا بنتي بس ، انا مش عارفه اقولك ايه ، باين عليكي كويسه اوي و متربيه وسط ناس يعرفوا الاصول
سميره :
- شكرا ، بس على ايه انا ما عملتش حاجه ده وجبي ، عند اذنك عشان ما تتاخرش

السيده بلهفه :
- استني بس كنت عايز اسالك على حاجه هو انتي اسمك ايه ؟!
قبل ان ترد عليها تسمع صوت سعاد والدتها خلفها :
- خلصتي يا سميره ولا لسه
سميره :
- ماما ، ااه خلاص
السيده ابتسمت :
- هو انتي اسمك سميره ، و دي والدتك
سعاد باستغراب :
- ايوه خير حضرتك في حاجه ؟!
- لا ابدا ده لسه من شويه باشكر في بنتك اصلها ...)
تطلعت سعاد لبنتها و ابتسمت قائله :
- تشكر يا ستي ، اسمعي كلام سميره ومش عاوزين فلوس ، اعتبريها عربون المحبه بينا
ابتسمت السيده فهي قد اقتربت مما تريده :
- انا اسمي زينب و حضرتك اسمك
سعاد :
- سعاد ، اسمي سعاد يلا يا سميره عشان ما تتاخرش على ابوكي
سميره :
- حاضر يلا

زينب بلهفه :
- بسرعه كده مش نعمل الواجب معاكم، انا بيتي قريب لو حبين تيجوا
سعاد :
- معلش مره ثانيه ان شاء الله
زينب بسرعه:
- و انا اش ضمني اني في مره تاني ، بس عشان اتاكد اديني نمرتك ، لومش حابي براحتك ، خذ نمرتي انا كمان
سعاد طلعت من حقيبتها الهاتف :
- لا عادي ما فيش مشكله ، خدي التلفون و سجلي نمرتك و نمرتي عندك
زينب وهي تسجل النمره :
- و انتي بتدرسي على كده سميره 
تنهدت سميره :
- اه انا في كليه صيدليه

زينب بفخر :
-ما شاء الله عليكي شكلك شاطره
سميره بتذمر :
- شكرا
زينب تعطيها الهاتف بعد ان تبادلت الارقام و شكرت سميره مره ثانيه و ذهبت
سميره بغضب :
- ممكن اعرف ايه اللي انتي عملتيه ده يا ماما ازاي تدي نمرتك لواحده منعرفهاش
سعاد بخبث :
- يا عبيطة اصلا مش فاهمه اللي فيها ، الست عينيها عليكي
سميره بعدم فهم :
- يعني ايه مش فاهمه
ابتسمت سعاد تردد :
- شكلها كده عندها ابن وبتدور له علي عروسه وانتي عجبتها
سميره بصدمه :
-ايه اللي انتي بتقوليه ده بس ، اكيد فهمتي غلط هي عاوزه ترد الجميله وبس
سعاد بمكر :
- وبس لا في ان في الموضوع وبكره تقولي امك قالت
***