مذكرات خائنة (كامله) لــ خديجه السيد

خارج توقعاتي

الفصل العاشر..

كانت غاده في منزلها تجلس بداخل غرفتها بقلق تفكير في حال سميره فاليوم كان زفافها ، كم كانت حالتها يصعب وصفها لقد اوقعت نفسها في مازق كبير ، حاولت نصحتها كثير علي التراجع عن هذه الزيجة فسوف تكون بالنسبة لها نهايتها ، لكن سميره كانت ضعيفه و خائفة جدا من اهلها لكن في النهاية وفي هذه الليله سوف ينكشف كل شئ ،

تاففت بقله حيله من حزنها عليها وهي تتذكر ما حدث قبل بداية مراسم الزفاف ،تنهدت بضيق غاده وهي ترى سميره على وشك الدخول في نوبة البكاء حاره و قالت :
- و بعدين يا سميره حرام اللي بتعملي في نفسك ده ، ما قولتليكي ريحي نفسك و قوله قبل الفرح
رفعت عينيهـا الباكيتين الحمراوتين وهي ترمقــها بالم، خفق قلبــها بعنف :
- خايفه اوي يا غاده من رد فعله لما يعرف اني مش اا بنت
هدرت فيها بحدة:
- وانتي بقي جايه تفكري دلوقتي صح و فرحك كمان ساعتين
اغمضت عينيهــا وهي تهدر بمرارة:
- تفتكري ممكن يقول لاهلي حاجه
هتفت غاده قائله :
- اكيد طبعا مفيش راجل هيقبل حاجه ذي دي مهما كان طبعه ايه ، حتي لو بيعرف ربنا اوي و متدين زي ما بتقولي ، في النهاية دي راجل شرقي ، ادعي انها تجي علي الطلاق وبس و ميفضحكيش

فتحت عينيهــا وهي تقول ببُكاء حــار:
- حرام عليكي يا غاده انا اعصابي تعبانه و مش بنام بسبب اني عماله اتخيل رد فعله هيكون ايه مرعوبه اوي
نظرت لها بعتاب :
- في ايدك الحل بس انتي اللي مش راضية و عماله تورطي نفسك و خلاص

سميره بضعف شديد :
- انتي عمرك ما هاتحسي و هتعرفي اللي فيه
عشان انتي مش مكاني انا خلاص اتورطت و اللي كان ، كان
غاده بقلق :
- يا سميره انا مش قصدي اخوفك بس خايفه عليك اوي من اللي هيحصل ليكي النهارده ، بقولك ايه هو يعني مش انت دكتوره و تعرفي دكاتره و كده
هزت راسـها ايجابيًا وهي تطالعت فيها بعدم فهم و اكملت هي بتردد :
- طب ما تشوفي حد ااا يعني يعملك عمليه و ترجعي بنت

اشتعلت الاستنكار في عينيـهِا و شعرت بالحرج من كلماتها قائله :
- انتي بتقولي ايه ، انا مش رخيصه عشان اعمل كده
قالت غاده بخجل من نفسها :
- انا اسفه والله مش قصدي كده بس انتي مغتصبة مش واحده غلطتي اعوذ بالله يعني
اغلقت عينيهــا و فتحتها عينيهــا و ردت بهدوء بحت:
- غاده اقفلي علي موضوع انا خلاص اخدت نصيبي و ابتلاء من ربنا وانا رضيت بيه من زمان عشان دي غلطتي من الاول
اضـاف بلهجة حزينـة:
- و ربنا اكيد هيسترها معايا ، يارب
افاقت من شردها و تنهدت قائله بحزن :
- يارب استرها عليكي يا سميره يارب
***

(الله اكبر، الله اكبر، الله اكبر، الله اكبر، اشهد ان لا اله الا الله، اشهد ان لا اله الا الله، اشهد ان محمدًا رسول الله، اشهد ان محمدًا رسول الله، حي على الصلاة، حي على الصلاة، حي على الفلاح، حي على الفلاح، الله اكبر، الله اكبر، لا اله الا الله).