مذكرات خائنة (كامله) لــ خديجه السيد

ليلة الزفاف

الفصل التاسع.

صاحت سميره بصدمه :
- نعم !! يعني ايه اديتي الناس كلمه خلاص ، هو انا مليش راي في الموضوع ، خلاص بقى اتجوزي انتي، اااه
صرخت بالم نتيجه صفعه قويه تلقتها من والدتها سعاد بغضب :
- احترمي نفسك يا قليله الادب ، انتي خلاص عودك فلت ، و بقيتي بتردي عليا
ادمعت عيناها بحزن :
- يا ماما مكنش قصدي بس غلط لما وافقتي من غير ما ترجعي لي و توافقي من غير ما تاخدي رايي

سعاد بحده :
- اسكتي مش عاوزه اسمع ليكي صوت ، وايه رايك بقي الجوازه دي هتم غصب عنك ، و وريني بقي هتعملي ايه
سميره بصدمه :
- ماما انتي بتقولي ايه انا باقول لك مش موافقة
نظرت لها بصمت قليلا ثم تحدثت :
- اسمه ايه
سميره بخوف :
- ه‍، هو مين ؟!
ردت موضحا بهدوء :
- اللي انتي عماله ترفضي العرسان عشانه ، ما انا مش عبيطه ولا مختومه على قفايا ، لو نيته كويسه و عاوز يتقدم ماشي يجي ونقول للناس اي حاجه ، هاااه اظن انا كده عملت اللي عليا وزياده
تنهدت بياس قائله :
- انا ما فيش حد بفكر في ، ولا الكلام ده في اصلا
سعاد بغضب :
- ما قولت ليكي خليه يجي مصرة تكدبي ليه ، ما هو لو مفيش فعلا ، يبقى الموضوع في ان

ردت قائلة بارتباك و اضطراب :
- ما هو مافيش حاجه قولت ، كل الحكايه عاوزه اكمل تعليمي و الجواز هيشغلني ، ممكن اصلا مايوفقش اللي هتجوزه اني اكمل تعليمي
سعاد :
- لو كده اطمني ، ادهم باين عليه كويس و امه قالت هيخليكي تكملي تعليمك بعد الجواز ، يعني ملكيش حجة
تطلعت فيها باستغراب :
- ادهم مين
سعاد ساخره :
- العريس يا اختي ، بقالك نصف ساعه قاعده مع الراجل ومش عارفه اسمه

***

قال ادهم بتعجب :
- وافقوا !! علي طول كده
زينب بحده :
- يعني ايه على طول كده امال انت عاوز ايه ، لما دخلنا في الجد رجعت في كلامك ولا ايه
اوما براسه بالنفي قائلا :
- يا ماما اكيد مش قصدي كده بس مش المفروض يبقي ياخذوا وقت عشان يفكروا براحتهم والعروسه تفكر ولا هما غصبو عليها الجواز ولا ايه

زينب بضيق :
- و هما هيغصبوا البت ليه ، انا بقالي فوق
الاسبوعين بروح اقعد معاهم عشان نعرف بعض و يثقه فيا ، خلينا في المهم شفت العروسه و عجبتك ولا لا
اشاح وجهه للجهه الاخر بارتباك قائلا :
-اه كويسه
تاففت زينب بغيظ :
- و الله شكلك ولا شفتها ولا حاجه و بتضحك عليا ، وعملت نفسي اللي بتعمله مع كلعروسه ومش بتبص عليها
تنهدت ادهم :
- يا ماما انتي عارفه طبعي كويس ، ومش بحب اغيروه

زينب :
- يا ابني افرض بعد الجواز طلعت وحشه و مش عجباك ، يبقي استفدت ايه دلوقتي
ادهم بلهفة :
- الحلاوه حلاوه الروح يا ماما ما فيش بنت وحشة ، وبعدين انا كل اللي يهمني اخلاقها وبس؟!
***

بعد اسبوع ،في منزل كمال ابو سميره ، كان يجلس في الصالون مع ادهم و زينب حيث جاء زياره مره ثانيه لهم
زينب بابتسامة :
- هاااه يا ابو سميره قولت ايه
كمال :
-والله يا ام ادهم انا عن نفسي ما عنديش مانع ، انا سالت علي ابنك و سمعت كل خير
ادهم بامتنان :
- تشكر يا عمي
كمال بجديه :
- بس لازم ناخد راي سميره ، هي اللي هتجوز
ادهم بسرعه :
- طبعا يا عمي
***