သူ (Unicode)

Part (11)

သူ

🌸pann

Part (11)

ကျောင်းနှစ်လပိတ်တယ် ဆိုပေမယ့် တကယ်တော့ နှစ်လဆိုတာ သိပ်မကြာလိုက်.. ။

×င်လှည့်ခေါင်းလှည့်နဲ့ အချိန်တွေက ကုန်မှန်းမသိ ကုန်ပြီ..

သင်္ကြန် တောင် ပြီးခဲ့တာ သိပ်မကြာသေးဘူး ထင်ရဲ့.. အခုတော့ ကျောင်းက ပြန်တောင် ဖွင့်တော့မယ်.. ။

မြန်လိုက်တဲ့ အချိန်..အကုန်များတဲ့ထဲမှာ ဒီအချိန်ဆိုတာလည်း ပါသည်

စစ်သွေးနဲ့နန်းမြတ် ဆိုတာလည်း အချိန်တိုင်း အတူတူရှိနေခဲ့ပါသည်.. ။

ဒီလိုလေးပဲ အတူရှိခဲ့မယ်လို့ နန်းမြတ် တစ်ထစ်ချ ယုံကြည်ခဲ့မိတာ နန်းမြတ်ရဲ့ အမှားတစ်ခုထင်ပါရဲ့..

ဒီကျောင်းပိတ်လိုက်တဲ့ နှစ်လက နန်းမြတ်အတွက် လေပြေလေးက နောက်ဆုံး လို့ တွေးမထင်ထားခဲ့တာလေ.. ။

ဘယ်သူထင်မှာလဲ.. ကံတရားက နန်းမြတ်ကို ရက်စက်လိမ့်ဦးမယ်လို့

အဲ့ကံကြမ္မာ မုန်တိုင်းက နန်းမြတ်ဆီတဖြေးဖြေး ရွေ့လာခဲ့မှန်း နန်းမြတ်မသိခဲ့..

ဘယ်ချိန်ကတည်းက နန်းမြတ်ဆီ ရွေ့လာနေခဲ့မှန်းလည်း နန်းမြတ် သတိမထားမိ.. ။

ကြိုသိခဲ့ရင်ရော နန်းမြတ် တစ်ခုခု လုပ်နိုင်ခဲ့ဦးမလား.. ကာကွယ်ဖို့ နည်းလမ်းတွေ လည်း နန်းမြတ် ချ မှတ်နိုင်ခဲ့မလား ။

နန်းမြတ် ဘာတစ်ခုမှ သတိမမူဘဲ နေခဲ့တာ နန်းမြတ်ရဲ့ အမှားများလား..

.

" ဘုန်း.. "

" ဟော ဟော.. လုပ်ပြန်ပြီ "

နန်းမြတ် ခုံကို ထုနေတာမို့ ကေဇင် နန်းမြတ်လက်ကို တားထားရသည်..

" နင်ပဲ စဉ်းစားကြည့်.. "

" ရပါပြီ.. နင်ငါ့ကို စဉ်းစားခိုင်းနေတာက တော်တော်ကို ကြာနေပြီ "

ဆိုင်ထိုင်ကတည်းက ' နင်ပဲ စဉ်းစားကြည့်.. နင်ပဲ စဉ်းစားကြည့် ' ဆိုပြီး စဉ်းစားခိုင်းနေတာ တော်တော် ကို ကြာနေပြီ ။

" ငါ့တို့ကို တစ်ခွန်းမှ မပြောဘဲ အဲ့သုံးကောင် ဘယ်ရောက်သွားပြန်ပြီလဲ မသိဘူး.. ဖုန်းဆက်တော့လည်း မကိုင်ဘူး ဘယ်ကို ခခွေးကွေ့နေလဲ မသိဘူး "