သူ (Unicode)

Part (18)

သူ

🌸pann

Part (18)

စစ်သွေး ဆေးကုသမှုခံယူပါပြီ.. နန်းမြတ်သဘောကျ အတိုင်း ။

ဒီနေ့က သူပထမအကြိမ် ဆေးသွင်းကုသမယ့်နေ့..

နန်းမြတ်တို့အားလုံး သူ့ဘေးနားမှာနေပြီး လိုအပ်တာတွေ ပြင်ပေးနေလိုက်သည်.. ။

စစချင်းသွင်းတာက Doxorubicin ( 70 ) mg သွင်းရသည်.. သူ့ကိုနာလားမေးတော့ ဟင့်အင်း မနာဘူးတဲ့ ဘယ်လိုမှမနေဘူးတဲ့ ဆရာကိုမေးတော့ ဟုတ်ပါတယ် ဘာခံစားချက်မှ မရှိတာ အမှန်ပါတဲ့လေ

တော်သေးတာပေါ့.. နန်းမြတ် က သူဆေးသွင်းတာ မနာဘူးပြောတော့ နာကျင်ခံစားမှုကို မခံစားတတ်ဘူး ထင်ခဲ့တာ ။

70 mg ကို နှစ်ရက်ခွဲသွင်းသည်..

ဆေးတစ်ခါ တစ်ခါသွင်းရင် ခုနစ်ရက်ကြာသည်တဲ့.. ။

ပထမဆုံးဆေးသွင်းကုသတာမို့ ရက်နှစ်ဆယ် သုံးဆယ်လောက် ကြာတတ်တယ်တဲ့.. နန်းမြတ် တာဝန်ကျဆရာကို မေးထားတာ လေ

သူ့ကိုအားပေး ပေးဖို့ကလည်း အဓိကလိုတာမို့ စိတ်ခွန်အားပေးရသည်..

နောက် Daunorubicin 20 mg×4 nos× N/s သွင်းတော့ သူခေါင်းအရမ်းကိုက်လို့ လူးလိမ့်ခံစားရတယ်..

" အား.. "

" စစ်သွေး.. စစ်သွေးရေ "

" အား.. ကိုက်တယ် ကိုက်တယ် ဒုတ် ဒုတ် "

" စစ်သွေး မလုပ်ပါနဲ့.. ဟင့်အင်း မလုပ်ပါနဲ့ "

သူ ခေါင်းအရမ်းကိုက်လို့ သူ့လက်သီးနဲ့သူ့ခေါင်းကို ထုရိုက်နေသည်..

" ဆရာ.. ဆရာ ကြည့်ပေးပါဦး ဆရာရယ် "

ဆရာကို သွားခေါ်ပြီး နန်းမြတ်တို့သူ့ကို ကြည့်ခိုင်းရသည်.. သူကုတင်မှာ အခုလိုလူးလိမ့်ခံစားနေရတော့ နန်းမြတ်တို့မခံစားနိုင် ။

နန်းမြတ်နဲ့အမေနှစ်ယောက် ပွေ့ဖက်ကာငိုနေမိသည်.. သူခံစားနေရတာကို သက်သာအောင်ဘယ်လိုလုပ်ပေး ရမှန်းကိုမသိဘူး ဖြစ်နိုင်ရင် သူ့နာကျင်မှုတွေကို နန်းမြတ်တို့ယူပေးလိုက်ချင်သည်..

ခက်တာက သူနာကျင်နေရတာမြင်နေလည်းပဲ ဘေးမှာနေပြီး ဘာမှမလုပ်ပေးနိုင်ကြတာပဲ.. ။