သူ
🌸pann
Part (14)
သူ့လက်ကို ကိုင်ပြီး ကျွန်တော်တို့ ပတ်လည်နေလိုက်သည်.. ။
နန်းမြတ်ကတော့ ကျွန်တော့်လက်ကိုဆွဲပြီး တစ်ခစ်ခစ် နဲ့ရယ်ကာ ပြုံးနေနိုင်ပေမယ့် ကျွန်တော် မပြုံးနိုင်..
' နန်းမြတ် ငါဘယ်လိုလုပ်ရမလဲ.. ငါ '
ကျွန်တော့် လည်ပင်းတွေ ခြောက်ကပ်လာကာ စကားလုံးတွေတောင် ဖြောင့်အောင်ပြောဖို့ နေနေသာသာ ဘာတစ်ခွန်းမှ ဟမရပေ..။
ဒီဆွဲထားတဲ့လက်ကို ကျွန်တော် မဖြုတ်ချင်ပါ..ဟင့်အင်း ဖြုတ်လည်းမဖြုတ်နိုင်ပါ ဒါပေမယ့် ဒါပေမယ့် လို့ အခု ကျွန်တော် ဖြုတ်ဖို့ ဖန်လာပြီ
ငါနင့်လက်ကို အမြဲတမ်း တွဲထားနိုင်မယ်လို့ ထင်ထားခဲ့တာပါ.. နန်းမြတ် ။
ဒါပေမယ့် ဟာ...
" စစ်သွေး ဟိုဘက်သွားကြည့်ရအောင်.. "
" ...... "
ကျွန်တော့်လက်ကို သူဆွဲခေါ်နေတာကို မလိုက်တော့ဘဲ ခြေစုံရပ်ကာ လက်ကိုအားနဲ့တင်းခံထားလိုက်သည်.. ။
" ဟင် ဘာဖြစ်လို့လဲ စစ်သွေး.. "
နန်းမြတ်ခေါ်နေတာ မပါလာတဲ့ စစ်သွေးကြောင့် သူ့ကိုလှည့်မေးရပြီ ။
" နန်းမြတ် "
" ဟွန်.. ပြောလေ "
" ငါ့အတွက် ဟန်ဆောင်ပေးတာ ရပ်လို့ရပြီ.."
" ဟင်.. ဘာလဲ "
နန်းမြတ် နားမလည်ပါ.. သူဘာတွေပြောနေမှန်းကို နန်းမြတ် မသိပါ ။
" ငါ့အတွက် ရည်းစားအဖြစ် ဟန်ဆောင်ပေးတာ ရပ်လို့ရပြီလို့.. "
" .......... "
နန်းမြတ် သူ့လက်ကို ကိုင်ထားရာကနေ ယောင်ပြီး လွတ်ပေးလိုက်မိသည်.. ။
နင် ဘာတွေပြောနေတာလဲ.. စစ်သွေး
" ငါ ယွန်းမီနဲ့ လက်ထပ်တော့မယ်.. "
" ဟမ်.. "
နန်းမြတ် တုန်လှုပ်မိသည်.. စစ်သွေးက နန်းမြတ်က ဘာတွေ စ နေတာလဲ ။
VOUS LISEZ
သူ (Unicode)
Roman d'amour" ငါက ဒစ်ဖရန်ရှိတ် (differentiate) ဆို သူက အင်တီဂရယ် (integral) လို လူ.. ပုံစံဆင်တူပေမယ့် အကြောင်းရာ ကွာနေသလိုမျိုးပဲ " " နင်ဖွင့်တဲ့အချစ် အဓိပ္ပာယ် ကြီးကလည်း ဆန်းဆန်းကြီး " " သချာင်္ကျောင်းသူဆိုတော့ နီးရာ နှိုင်းပြရတာပဲ.. " . " နင် ငါ့ကို သဝန်တိုနေ...
