သူ
🌸pann
Part (6)
ဆယ်တန်း နှစ်စကျော်လောက်တုန်းက..
" ကျွီ.. "
" ဟင် ဘာဖြစ်လို့လဲ.. "
သူက စက်ဘီးကို ဘရိတ်အုပ်လိုက်တာမို့ နန်းမြတ် နောက်ထိုင်ခုံက ဆင်းပြီးမေးရသည်..။
သူက နန်းမြတ်မေးတာကို တန်းမဖြေဘဲ စက်ဘီးကနေ မဆင်းလာဘဲ နန်းမြတ်ကို မျက်တောင်မခတ်ဘဲ စိုက်ကြည့်နေတော့ ရပ် နေရတာတောင် မလွတ်လပ်လာသလို ခံစားရသည်.. ။
" ဟင် ဘာဖြစ်လို့လဲလို့.. "
" နန်းမြတ် "
သူက စက်ဘီးခေါင်းကို လက်တစ်ဖက်က ကိုင်ထားရင်းက နေ နောက်လက်တစ်ဖက်က နန်းမြတ်လက်ကို ကိုင်လာသည်..
အရင်ကလည်း ဒီလိုလက်ပွန်းတသီး နေလာခဲ့တာ ဆိုပေမယ့် ဒီနေ့ကျမှ နန်းမြတ်ရဲ့ ခံစားချက် က ထူးဆန်းနေတာပါလေ.. ။
" ငါ့ကိုကြည့်.. "
ထူးဆန်းတဲ့ ရင်ခုန်သံကြောင့် နန်းမြတ် မျက်လုံးလေး အောက်ကိုငုံ့ကြည့်နေမိတာ..သူက သူ့ကိုကြည့်လို့ ပြောတာမို့ မော့ကြည့်လိုက်သည်.. ။
" ငါ့ကို တစ်ခု ကူညီ.. "
ဟွန့်.. အကူညီ တောင်းတာ ရိုးရိုးတောင်းပါလား ကောင်စုတ်ရဲ့ ။
အလကားနေ လာပြီး ဒီလူရဲ့ခံစားချက်ကို လာကစားနေရလား..
မကျေမနပ်လေး ပြစ်တင်ပြောဆိုတဲ့ စကားလေးကို စိတ်ထဲ တီးတိုးရွတ်မိသည် ။
" နန်းမြတ် ငါပြောနေတယ်လေ.. ငါ့ကို ကူညီပေးလို့ "
" ဘာကူညီရမလဲ ဆိုတာ ပြောမှ ငါက ကူညီသင့် မကူညီသင့် စဉ်းစားလို့ရမှာပေါ့.."
" အကျိုးကြောင်းကို မမေးဘဲ ငါ့ကို ကူညီပေးရမှာ.. "
ကြည့်.. အဲ့လိုကောင်ပါလေ ။
နန်းမြတ်ကိုဆို အဲ့လို အနိုင်ကျင့်တတ်တဲ့ အကျင့်ပုပ်တဲ့ ကောင်လေ..
" နင်ကူကိုကူညီရမှာ.. နန်းမြတ် "
" အာ့ဆိုလည်း ဘာလို့ငါ့ကို မေးနေသေးလဲ.."
YOU ARE READING
သူ (Unicode)
Romance" ငါက ဒစ်ဖရန်ရှိတ် (differentiate) ဆို သူက အင်တီဂရယ် (integral) လို လူ.. ပုံစံဆင်တူပေမယ့် အကြောင်းရာ ကွာနေသလိုမျိုးပဲ " " နင်ဖွင့်တဲ့အချစ် အဓိပ္ပာယ် ကြီးကလည်း ဆန်းဆန်းကြီး " " သချာင်္ကျောင်းသူဆိုတော့ နီးရာ နှိုင်းပြရတာပဲ.. " . " နင် ငါ့ကို သဝန်တိုနေ...
