[Unicode]
"လူကြီးမင်းတို့အားလုံးပဲ အင်ချွန်းလေဆိပ်ကနေ ကြိုဆိုပါတယ် ပြည်တွင်းအချိန်က ညနေ၄နာရီ ၂၁မိနစ်ပါ အပူချိန်ကတော့ ၃၄ဒီဂရီရှိပြီး......"
မကြားရတာကြာပြီဖြစ်တဲ့ ကိုရီးယားလေသံက ရင်ဘတ်ထဲကိုနွေးထွေးစေတယ်..လေယာဥ်ပေါ်ကဆင်းတာနဲ့ ရလိုက်တဲ့ ဆိုးလ်မြို့ရဲ့အငွေ့အသက်က တစ်ကိုယ်လုံးကနာဗ်ကြောတွေကိုလန်းဆန်းတက်ကြွနေစေတာ ငယ်ငယ်တည်းကရင်းနှီးကျွမ်းဝင်နေလို့လား..ဘာပဲဖြစ်ဖြစ်ပါ
ဒီမှာတော့ ကောင်းကောင်းနေမှရမယ်.."ဟယ်လို..မမ ကျွန်တော်ရောက်နေပြီ..ရတယ်ရတယ် တက္ကဆီငှားစီးလာမယ်"
ကွန်ကရစ်လမ်းမပေါ် ပြေးမောင်းနေတဲ့တက္ကဆီရဲ့ ကားမှန်ကိုချပြီး တဖြူးဖြူးတိုက်နေတဲ့ နေရောင်ခြည်အောက်က လေပြေကိုလက်နဲ့ခံစားကြည့်တော့ နူးညံ့တဲ့အထိအတွေ့က စိတ်ကိုကြည်နူးစေတယ်..
မျက်စိရှေ့မြင်နေရတဲ့ အဆောက်အဦးတွေက အရင်ကနဲ့စာရင် အတော်ကွာခြားသွားပြီ..
ကမ္ဘာပေါ်ကအရာဝတ္ထုတွေတင်မက လူတွေလဲ တစ်ချိန်မဟုတ်တစ်ချိန်မှာ အကုန်ပြောင်းလဲတတ်ကုန်ကြတယ်..သူရှာဖွေနေတဲ့တစ်ခုတည်းသောအရာက
မပြောင်းလဲခြင်း..ဒီကောင်းကင်အောက်မှာ အဲ့လိုစိတ္တဇနာမ်မျိုးဆိုတာရှိပါ့မလားမသေချာပေမယ့် သူကတော့ ဘဝဆုံးတဲ့အထိ လိုက်ရှာနေချင်တယ်..
ကြိုးစားရင် မဖြစ်နိုင်ဘူးဆိုတာမရှိဘူးမလား..
.
ဟျူနင်းရဲ့အိမ်က မြက်ခင်းပြင်စိမ်းစိမ်းအလယ်မှာအညိုရောင်နုနုနဲ့အဖြူစွတ်စွတ်ကိုညီညီမျှမျှသုတ်ထားတဲ့ နှစ်ထပ်အိမ်လေး..ခြံဝန်းကသိပ်မကျယ်ပေမဲ့ အနက်ရောင်ခြံစည်းရိုးရဲ့ဘေးတစ်လျှောက်လုံးမှာပန်းအိုးသေးသေးလေးတွေချထားတာမို့ ချစ်စရာကောင်းနေတယ်..
အိမ်ရဲ့အနောက်ဘက်မှာတော့ ကားလမ်းကိုကျော်လိုက်တာနဲ့ အရမ်းလှတဲ့ပင်လယ်ကြီးလဲရှိတယ်..
.
"မမ! ဒေါ်ဒေါ် !"အိမ်ရှေ့ရောက်တာနဲ့ စောင့်ကြိုနေတဲ့ အိမ်လေးနဲ့ မိသားစုဝင်တွေကတော့ မပြောင်းမလဲဒီအတိုင်းပဲ..
YOU ARE READING
𝑭𝒐𝒖𝒏𝒅 𝒚𝒐𝒖 𝒊𝒏 𝒕𝒉𝒆 𝑺𝒆𝒂《𝓗𝓾𝓮𝓫𝓲𝓷》
Fanfiction"𝐈 𝐟𝐨𝐮𝐧𝐝 𝐲𝐨𝐮 𝐢𝐧 𝐭𝐡𝐞 𝐬𝐞𝐚" #hueningkai #soobin #yeonjun #beomgyu #taehyun