[Unicode]
🌅
သာယာတဲ့နေ့လေးရဲ့အဆုံးသတ်မှာ နေမင်းကြီးက
အနောက်ဘက်အရပ်မှာဝင်အနားယူဖို့ ခပ်ဖြည်းဖြည်း
နိမ့်ဆင်းလာတယ်..
ပန်းနုရောင် အပြာနုရောင်နဲ့ ပုစွန်ဆီရောင် ရောခြယ်တဲ့ ကောင်းကင်ကြီးမှာတော့ အဖြူရောင်တိမ်မျှင်တွေက
စုတ်ချက်ချထားသလို ဟိုတစ်ဆုပ်ဒီတစ်ပြန့်..
အိပ်တန်းတက်မဲ့ ငှက်ငယ်တွေကလဲ ကောင်းကင်ကြီးအလယ်မှာ ပုံစံဖွဲ့ကာပျံဝဲနေကြပြီး သူတို့ရဲ့အသိုက်ရိပ်မြုံဆီသို့တန်းတန်းမတ်မတ်ပြန်နေကြတယ်..
တိမ်တောက်တယ်လို့ အများခေါ်ကြတဲ့ ဒီအချိန်မှာတော့ လောကကြီးဟာ တန်ဖိုးဖြတ်မရတဲ့ကမ္ဘာကျော်ပန်းချီကားတစ်ချပ်အလား.."ရပြီ.."
အလင်းရောင်သိပ်မရှိတဲ့အိမ်ခန်းလေးထဲမှာ ဖြစ်ပေါ်လာတဲ့ ခံစားချက်မဲ့ရင်ခုန်သံတွေကလဲ နေဝင်ဆည်းဆာနဲ့အပြိုင် လှပလွန်းပါတယ်..
ဟျူနင်းလက်ထဲက တစ်ရှူးစိုစိုကိုဆွဲယူလိုက်တဲ့ ဆူဘင်းက မသိမသာနဲ့ဘေးကိုလဲ နည်းနည်းတိုးလိုက်သေးတယ်..
ယောင်ကမ်းကမ်းနဲ့ ပြတင်းပေါက်ကနေ အပြင်ကိုလှမ်းကြည့်လိုက်တော့နေဝင်ချိန်တောင်ရောက်နေပြီ..
ဟျူနင်းကတော့ သူ့အခန်းဖြစ်လာတော့မယ့် အခန်းငယ်ကို ခေါင်းသုံးရာ့ခြောက်ဆယ်ဒီဂရီလည်ရင်း ကြည့်နေတုန်းပဲ.."ပြန်ရအောင်.."
"အင်း..အစ်ကို တော့ပိုကီစားမယ်ဆို.."
"နောက်မှ.." "ကျွန်တော်လဲဗိုက်ဆာနေတာ"
တစ်ပြိုင်တည်းထွက်လာတဲ့ စကားသံနှစ်သံက လုံးလုံးထွေးထွေး..
"..ဒီနေ့မသွားချင်တော့ဘူးလား"
ဟျူနင်းက ဂရုတစိုက်မေးလိုက်တော့ ဆူဘင်းကအားနာရပြန်တယ်..
"မဟုတ်ဘူး..သွားမယ် ဒီနားမှာ တော့ပိုကီကောင်းတဲ့ဆိုင်ရှိတယ်..မင်းကျွေးရမှာနော်!"
"ဟုတ်ပါပြီဗျာ.."
ဒီသုံးထပ်တိုက်လေးရဲ့ရှေ့တည့်တည့်မှာတင် စတိုးဆိုင်တစ်ဆိုင်ရှိတယ်..ဆူဘင်းတို့လမ်းနဲ့မတူတဲ့ အချက်က မကျဥ်းမကျယ်ကွန်ကရစ်လမ်းမတစ်လျှောက်မှာ အပင်တွေသိပ်မရှိတာပဲ..အဲ့ဒီအစား အိမ်တွေကပိုများတယ်..
YOU ARE READING
𝑭𝒐𝒖𝒏𝒅 𝒚𝒐𝒖 𝒊𝒏 𝒕𝒉𝒆 𝑺𝒆𝒂《𝓗𝓾𝓮𝓫𝓲𝓷》
Fanfiction"𝐈 𝐟𝐨𝐮𝐧𝐝 𝐲𝐨𝐮 𝐢𝐧 𝐭𝐡𝐞 𝐬𝐞𝐚" #hueningkai #soobin #yeonjun #beomgyu #taehyun