[Unicode]
သစ်ကိုင်းသစ်ရွက်တွေကြားထဲကတိုးထွက်လာတဲ့ပျောက်ကျားနေရောင်ခြည်က အောက်မှာ ထိုင်နေတဲ့ဆူဘင်းရဲ့ ဆံပင်နက်နက်နဲ့ ညစ်ပေနေတဲ့ကျောင်းအင်္ကျီအဖြူပေါ်မှာ ကျိုးတိုးကျဲတဲ..
"အစ်ကိုဆူဘင်း.."
တအံ့တသြနဲ့ဟျူနင်းမြင်လိုက်တာက မြေပေါ်မှာထိုင်နေတဲ့ဆူဘင်းတင်မဟုတ်..ဘေးမှာ တုံးလုံးပက်လက်အနေအထားတွေနဲ့တခြားကျောင်းသား ၃ယောက်ပါရှိနေသေးတယ်..
"ဟင်.."
ဟျူနင်းရဲ့ခေါ်သံအဆုံးမှာတော့ ဆူဘင်းမျက်နှာနည်းနည်းမော့လာတယ်..ပြီးတော့ မျက်စိကျိန်းသွားသလို မျက်လုံးကိုပုတ်ခလတ်ပုတ်ခလတ်လုပ်ရင်း ပြူးတူးကြောင်တောင်ဖြစ်နေတဲ့ဟျူနင်းကိုကြည့်တယ်..
"အစ်ကို..ရန်ဖြစ်ထားတာလား.."
ဆူဘင်းကမတ်တပ်ရပ်လိုက်ပြီး ဘောင်းဘီမှာကပ်နေတဲ့ ဖုန်တွေသဲတွေကို လက်နဲ့တဖတ်ဖတ်ခါချတယ်..
"မျက်နှာမှာလဲ ဒဏ်ရာတွေနဲ့!အရင်ဆုံး ဒီနားကနေမြန်မြန်သွားရအောင်"
"ဘယ်ကိုသွားရမှာလဲ.."
လွယ်အိတ်နှစ်လုံးနဲ့ဟျူနင်းက ပေကပ်ကပ်လုပ်နေတဲ့ဆူဘင်းလက်ကိုဆွဲပြီး ဟိုဘက်ကြည့်ဒီဘက်ချောင်းနဲ့
တစ်နေရာကိုခေါ်လာခဲ့တယ်..
.
.
အမြဲတမ်း..သေသွားလဲကိစ္စမရှိဘူးလို့တွေးနေမိပေမယ့် တကယ်အကျပ်အတည်းထဲရောက်နေတဲ့အချိန်ကျရင်တော့..ငါလဲအသက်ရှင်ဖို့ ရုန်းကန်ခဲ့တာပဲ..လောကမှာသေချင်နေတဲ့လူမရှိဘူးဆိုတဲ့ အဘွားရဲ့စကားက တယ်မှန်တာပဲ..ပြီးတော့ ရှေ့ကတစ်ယောက်..လက်ကောက်ဝတ်ကိုဆွဲထားတဲ့သူ့လက်တွေက..ထူးထူးဆန်းဆန်းပဲ..
နွေးထွေးနေတာ ရင်ဘတ်ထဲအထိခံစားရတယ်..အဲ့ဒီတုန်းကလို..ငါ့လက်ကိုဆွဲထားပေးတဲ့ အဲ့ဒီလူရဲ့လက်တွေလို..
.
.
ဟျူနင်းရဲ့ဦးဆောင်မှုနောက်ကနေ ခပ်ဖြေးဖြေးပြေးနေတဲ့ဆူဘင်း လေအတိုက်မှာတလွင့်လွင့်မျောနေတဲ့ မြင်ကွင်းရှေ့ကဆံပင်အညိုရောင်လှိုင်းကောက်တွေကိုကြည့်ရင်း အတွေးများနေမိတယ်..
YOU ARE READING
𝑭𝒐𝒖𝒏𝒅 𝒚𝒐𝒖 𝒊𝒏 𝒕𝒉𝒆 𝑺𝒆𝒂《𝓗𝓾𝓮𝓫𝓲𝓷》
Fanfiction"𝐈 𝐟𝐨𝐮𝐧𝐝 𝐲𝐨𝐮 𝐢𝐧 𝐭𝐡𝐞 𝐬𝐞𝐚" #hueningkai #soobin #yeonjun #beomgyu #taehyun