Kisa nou ka fè pou nou kwape koze vyolans sou fanm? Lè yon moun te mande m sa men egzakteman kisa m ye reponn.
Vyolans sou fanm lan de baz li ka fizik osinon sikolojik , nan ka fizik lan li ka maltretans osinon bat e nan ka sikolojik la li ka manipilasyon sou anpil fòm, men tout vyolans sa yo gen souvan kòm koz dominasyon Gason sou fanm, otomatikman on moun panse se li menm kap dirije w li ka pèmèt li fèw anpil bagay ki enjis e si ou menm ou aksepte li se dirijan w wap pran anpil bagay ki enjis nan men l san okenn fòm rezistans serye..........se Sak fè daprè mwen premye bagay ki ka mete bout nan vyolans sou fanm, se on revizyon total de sa nap aprann timoun kap grandi yo, olye nou aprann on tifi pa egzanp pou li pa mete rad kout pou Gason pa agrese l aprann tigason an pito ke li sipoze jere pilsyon l yo, li pa gen dwa agrese moun paske selon li menm lòt la te provokel....deplis m panse ke li enpòtan pou nou ansenye egalite, fòk fanm ak Gason konnen yo egal, pou Gason an pa kontrole fi ah sou preteks se li ki siperyè donk se li ki chèf, fòk li konnen ke fi ah lib menm Jan avèl pou l fè sa lide l di l depi l pa deranje byennèt lòt moun. Pou nou sispann vyolans se devwa nou pou nou aprann tifi ke yo pa inferyè e ke yo pa dwe aksepte tout bagay, lè yo gen konpleks inferyorite ah yo sibi manipilasyon emosyonèl pi byen toujou e lè yo bagay mal rive yo, yo panse ke yo merite l, ke se fòt yo, yo pè, yo pa pote plent, yo pa defann yo, yo selman ap ankese paske daprè yo li nòmal, fòk nou redefini avek presizyon kisa ki nòmal, tankou la yo dwe konnen vyòl pa nòmal menm si yo tap mache toutouni, yo dwe konnen pran bâton nan men Gason pa nòmal menmsi yo te gen tò ou rezon.....sispann avek pil stereyotip komkwa fi la pou l fè mange, lave, pase, marye epi fè pitit, lèkonsa nou limite yo, nou redwi e fè yo panse yo paka f plis ke sa....yo selman la pou tann Gason e se nan konsa tou yap aksepte nenpot bagay nan men yo. Epi aprann tigason yo ke yo ka konn fè mange, lave etc...pa gen travay fi travay Gason, aprann yo tou ke yo ka montre emosyon yo, ke yo ka renmen woz pa egzanp, ke yo ka pa renmen football, ke yo ka kriye tou paske lè nou fè kontrè ah nou panse nou kreye moun ki gen kouraj poutan souvan se yon bann idyo vyolan nou kreye.......bref
Sam vle di se ke m trouve l enpòtan pou nou rewè jan nap leve pitit nou yo, paske se yo pi devan ka p vinn vyolan oubyen kap sibi vyolans, men Sak pi enpòtan toujou se montre yo respè, on nèg respektye pap lève men sou fi osinon fè vyolans sikolojik, on fanm ki konn valè l pap sibi vyolans sanl pa reyaji.
___________________
Vini ak lòt ide tou, mèsi davans!
