بغداد
الساعه : 12 الظهر
الموقع : مدرسة الازهار الابتدائيه
صف العلوم ..
السنه - ٩٨-٩٩
زيد يحجي ويه صديقه ،
زيد : ايع باع هاي شكد تحك بشعرها يمكن بيها كمل ههههه
علي : هههههه دباع الكفشه ملبسيها حجاب اميره وهم مبينه كفشتها جوه حجابها نوب عوبه ومتفتهم عربي عساس كالو جايين من استراليا ههههههع
زيد : هاي شنو؟ زين اكلك اذا اجانب غير لازم حلوين وشكر شو هاي مجولحه
علي : بابا جذب صدكت انت هاي هيج تحجي عود تفيك براسنه
ست ريهام : زيد وعلي شنو رائيكم اكعد اني على الرحله وحضراتكم تجون تشرحولنه الموضوع المهم الي دتسولفون بيه ؟
زيد وعلي : العفو ست
بطلتنه الاولى اسمها الحقيقي الي مقبلت تغيره بالقصه هو ( داليا )
داليا: اني وره زيد وعلي واعرف ديحجون عليه مثل كل مره وانقهر هوايه بس مااعرف شلون ارد عليهم بالعربي واناقشهم ...
تسريع احداث :
خلص صف العلوم وانتقلنه لدرس اللغه العربيه :
ست سهير : البارحه كلتلكم اليوم تحضير الواجب كلش مهم راح اكوم واحد واحد كدام الصف ويقره النشيد
حل نبلش بداليا تفضلي كدام الصف ...
داليا : اول ماكالت اسمي نشف دمي عرفت راح يضحكون عليه .. بس الحمدلله
بهاي الاثناء تدخل المديره سهاد .. بلكت تلتهي عني وتنساني
المديره : العفو ست سهير ممكن من وقتج
سهير : تفضلي ست سهاد
سهاد : ماعرف اذا سمعتي بس الطالبه الجديده الي جتنه هسه اهلها جانو يمي ووصو عليها كالو على كيفج تره عايشين بدوله بره طول حياتهم وبالجديد رجعو يعني طولي بالج عليها يمكن متعرف تحجي او تنطق مضبوط وكالولي اوصي معلماتها .
سهير : ها اي سمعت عنها هيج شي خلص ولا يهمج ذوله مثل ولدي وبناتي اصلا
سهاد : بارك الله بيج يلا من رخصتج
ست سهير : اي وين جنه حبايبي داليا كومي اقري النشيد
داليا : كمت واني ارجف بعدني صف ثاني ابتدائي واخاف من كلشي ونوب بيئه جديده وعالم ميحجون مثلي داحاول اتوالم بس محسيت احد ديفهم وضعي ..
حاولت اركز واذكر الي قرتنياه ماما وبديت اقره النشيد ليهسه اتذكره
شعري طويل شعري طويل
عيوني زرق عيوني زرق تبرق برق
تبرق برق
يامعلم ويامدير صفكولي اربع صفكات
واحد ثنين تلاثه اربعه هيييييييييي
(المفروض هيج القصيده ) عاد اني شلون كلتها الله يسلمكم؟
احم : ...
سائري تاويل سائري تاويل
اوني زوروك اوني زورك توبرك بوروك توبروك بروك
وبلا مااكملكم حتى لا ينلوي لسانكم
خربو عليه من الضحك بالصف والي يأشر عليه والي يهز بايده وماحجيلكم سوالف المزعطه بعد بهاي الاثناء اني ملتهيه ويه الصف وماشوف الا راشدي كلش قوي ضربني على خدي بحيث احس الضربه كلش حاره جانت على وجهي
انداريتلها
ست سهير : شنو تضحكين عليه انتي ؟؟؟ جايه تضيعين وكت وسويتي الدرس مهزله يلا على رحلتج باجر الا يجي ولي امرج يلا ولي ....
يتبع
أنت تقرأ
( الدخيله )
Non-Fictionعندما يجتمع العذاب والظلم مع الحب المستحيل والألم هنا تكتمل قصة الدخيله ... قصة احدى متابعاتي ترويها لكم من خلال الدخيلة ، فلنسافر بالزمن معها 🤍 اول كتاباتي بأذن الله 🤍
