تميم بقلمي نور ( مكتملة )

عودة💚

السلام عليكم ⚘

قبل ما اتكلم الي عندها اي شبب تنزله عشان انا عارفة انا عملت فيكم ايه لما بعدتكم عن تميم و كارين 😁😂😂

طبعا انا عارفة ان الكل زعلان مني عشان فترة توقف الرواية بس والله احيانا في ظروف بتبقى اقوى من اي حاجة عايزنها و اكيد انتو عارفين كده كويس ساعات بتحصل معانا مواقف بتخلينا مش عارفين نعمل ايه و لا نتصرف ازاي المهم انا اسفة على التاخير ده كله بس انا واثقة انكم مقدرين ده بشكر كل وحده سألت و اطمنت عليا و حسستني انها صحبتي و تعرفني بشكر كل وحدة قاومت فضولها لاحداث الرواية و كل الي همها انها تسأل انا حصلي ايه و ليه اختفيت بشكر كل ايد كتبت لي و قالتي اتأخرتي علينا ليه يا قمر بكل حب و عفوية و ما حسستنيش ان حياتها و موتها مرتبطة برواية في النهاية هي مجرد تسلية و هواية و ترفيه لينا كأشخاص شكرا من قلبي ليكم كلكم انا بعتبر كل وحدة فيكم كأنها صحبتي و ده إلى واضح من طريقتنا مع بعض في الكومنتات🤗😅

عايزة اسأل بس سؤال ليه اطلع انسانة مش محترمة و مش بتحترم و مش كويسة لمجرد اني اختفيت لسبب انت كقارئة للرواية متعرفيش عنه حاجة هل انت عايشة معايا عارفة ظروفي عشان تقولي عني انسانة مش بحترم حد اصل كمية الرسائل إلى بتنتقد التاخير بشكل مؤذي مش طبيعية حضرتك لازم تعرفي ان أنا انسانة زي زيك بتحصلي ظروف بتمنعني من الظهور مش معنى اننا كاتبات روايات اننا مش بشر و معندناش حياة طبيعية و خاصة طب انت عارفة ان في ما كاتبة على الواتباد اختفت فجأة و محدش كان عارف ليه غير لما فجأة كاتبة صحبتها أعلنت خبر وفاتها باختصار يا جماعة لازم نتعلم نقدر ظروف الناس دي في النهاية رواية يعني مش هنخسر حياتنا عشان نعرف سير الأحداث الي فيها و احنا بنكتب عشان نفرح و نفرحكم فبلاش الأسلوب الغير تقديري للكاتبات خصوصا في موضوع التاخير ده لأنهم اكيد مش طول الوقت عايشين بس عشان يكتبو روايات هما زيهم زي احد عندهم حياة خاصة فياريت نلتمس العذر للناس

بالنسبة لرواية تميم بقالها بس فصلين و ممكن خاتمة ان شاء الله و بعد بكرة بإذن الله هنزل الفصل 23 عشان لسه بادية فيه النهاردة انا اسفة مرة تانية على التاخير🌼

شكرا ليكم يا اجمل متابعين في الدنيا بحبكم جدااااا💌😍😍😍😍

سبحان الله فرق كبير من وحدة تبعتلك لا تعرفك و لا تعرفيها وحشتينا يا قمر اتأخرتي علينا ليه يارب تكوني بالف خير و وحدة تانية برضو لا تعرفك و لا تعرفيها و تقولك انت مش محترمة عشان ما نزلتيش الرواية مع ان الاتنين عندهم نفس الفضول للأحداث

دمتم بألف خير 😘😘😘😘💚💚💚💚❤❤❤