Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Nagising ako dahil sa malakas at galit na boses ni mommy mula sa baba. Mula noong bata ako, bibihira ko lang itong naririnig na nagtataas ng boses kaya naman bahagya akong nakaramdam ng kaba lalo pa't nababanggit niya ang pangalan ni daddy.
Kahit pa namimintig ang ulo ko dahil sa matinding sakit ay pinilit ko pa ring bumangon mula sa higaan ko. Nakaramdam ako ng kaunting pagkahilo dahil sa ginawa ko kaya naupo na lamang muna ako at isinandal ang ulo ko sa headboard ng kama at mariing pumikit.
Hindi ko alam kung paano ako nakauwi kagabi. Ang natatandaan ko lang, nakipagkita ako doon sa anak ng kaibigan ni daddy at biglang sumama ang pakiramdam ko kaya nagpaalam ako na pupunta akong powder room. Everything that happened after that was a bit hazy. Para akong nasa pagitan ng panaginip at reality. Hindi ko alam kung nangyari nga ba talaga ang mga malabong alaala na naglalaro sa utak ko ngayon o nagpapantasya lang ako.
Whatever. I'll just asked my mom what really happened last night.
Pinalipas ko muna ang ilang sandali bago ako muling magmulat ng mga mata. Nang maramdaman kong hindi na umiikot ang buong paligid ay dahan-dahan akong naglakad palabas ng kwarto ko. Habang bumababa ako ng hagdan ay palinaw nang palinaw ang mga boses na tila nagtatalo. Those voices belong to my mom and dad.
Nasa sala sila habang prenteng nakaupo lamang si tita Alice sa mahabang sofa na nanunuod pa ng palabas sa t.v na wala namang tunog. Tila wala itong pakialam sa bangayan ng dalawa.
My heart suddenly felt heavy the moment I realized that I am the reason why they were having an argument right now.
"Kahit kailan talaga, hindi ka marunong pumili ng kakaibiganin. Look what happened! Ipapahamak mo pa ang anak mo dahil diyan sa kagagawan mo!" nanggagalaiting bulyaw ni mommy kaya bahagya akong napaigtad.
"I told you! Hindi ko rin naman ginusto na mangyari 'yon! Sino bang magulang ang gustong mapahamak ang sariling anak?"
"Ikaw!" Dinuro-duro ni mommy si daddy kaya napayuko na lang ito at hindi na makuhang umimik pa dahil sunod-sunod ang naging litanya ni mommy. "Ikaw lang naman ang mahilig magpahamak sa amin ng anak mo! Mula noon hanggang ngayon, hindi ka na talaga nagbago, Sergio. You promised me, no harm shall fall with our daughter, but what are you doing right now? I told you to stop making connections with those people who will just use you for their own gain, but you never listen! Hindi ka na ba natuto sa mga nangyari noon?"
Naguguluhang napatitig na lamang ako sa namumulang mukha ni mommy. Parang hindi lang tungkol sa nangyari kagabi ang ikinagagalit niya. Parang meron pa siyang malalim na pinaghuhugutan at may isang bahagi sa utak ko nag-uudyok sa akin na alamin kung ano 'yon.
