Ikaw Ang Sansinukuban (Quaranthings The Series Sequel)

''Sasama ako kahit saan ka magpunta.''
''Wala ka nang kinakatakot?''
''Wala!''

Kasabay ng pagtanggap ni Rocky sa kanyang tunay na pagkatao ay ang paghanda niya rin sa sarili sa mga magiging reaksyon ng mga tao sa kaniyang sekswalidad at sa kung anong meron sa kanila ni Judah.
Hindi man sigurado sa mga susunod na mangyayari ngunit alam niyang handa na siya sa kung ano man ang darating. Ang pagtanggap ni Lolly at pagpayag nito na sumama siya kay Judah at itong nararamdaman niya para sa minamahal ang tanging mga sandata niya upang lalo pang maging matibay sa panibagong yugto sa kanyang buhay.

Ngayon, hinding hindi na siya matatakot o magkakaroon ng alinlangan pa kasi kahit nawala man ang kaisa-isang taong unang umintindi sa kanya, may isang tao naman siyang nakilala't alam niyang hinding-hindi magsasawang alalayan siya, si Judah iyon.

Ating ipagpatuloy ang ikalawang yugto ng kwento ng dalawang estrangherong nagkakilala't nagsama sa isang silid dahil sa pandemya at kung ano ang nangyari pagkatapos ng matamis at punong-puno ng pagmamahal na halik na iyon ni Rocky kay Judah.

Ikaw Ang Sansinukuban - Quaranthings The Series Sequel