أحببت من كنت أكره 💛(متوقفة مؤقتاً⚠)

الجزء الرابع والعشرين

نوني مشت المطبخ لي أمها البتعد في الصفرة وقالت ليها:قالوا ليك جاين.
آمال:قولي ليهم تعالوا سريع.
نوني مشت ليهم لقتهم لسع قاعدين وبتونسوا وبضاحكوا كمان قالت ليهم:هاي انتوا،أمي قالت ليكم تعالوا سريع.
قالوا ليها:طيب،بس مسافة السكة.
نوني تاني مشت لي أمها في المطبخ وقالت ليها:قالوا ليك:بس مسافة السكة.
آمال:مسافة السكة في عينهم قولي ليهم تعالوا سريع.
نوني مشت ليهم تاني ووصلت الكلام زي ماهو،قالوا ليها:جاين،تاني رجعت وصلت الكلام لي أمها طبعا بقت زي الماسنجر تشيل وترسل في الكلام بعد شوية ركزت أنه هي بقت عبارة عن ماسنجر بشري عنده رجلين،حست نفسها عايزة تنفجر من الزعل وحست أنه نزلت 10 كيلو من الزعل ومن مشي المطبخ للحديقة،بلسم وأبوها جوا داخلين الصالة وهم بضحكوا،نوني وقفت في نص صالة وقالت بي صوت عالي:انتوا ي كسلانين ي بايخين ي تقيلين انتوا عشان ما جعانين ولا كيف؟!ما تجوا من قلت ليكم تعالوا😬،وإنتي ي أمي،أولا:مقوماني من روايتي بعد ما تشويق بدأ،عشان شنو؟!،عشان ارص الصحون،وثانيا:بقيتيني عبارة عن ماسنجر لايت بشري يمشي على رجلين،طبعا بقيت ماسنجر لايت ليه؟!،لأني نزلت عشرة كيلو من الجوع وبسبب إني اشتغلت ماراثون بين المطبخ والحديقة😬،ويا أمي لما قالوا ليك جاين ما خلاص جاين.
بلسم:ياخ ما تتنرفزي فينا كده ياخ،وإنتي كم ما غبية البخليك تبقى ماسنجر لايت بشري يمشي على رجلين شنو؟!😒😑.
نوني:إنتي قفلي قدومك ده قبل ما ابلعك الصحن ده😠.
طبعا بلسم استغربت لها زمن من تشوف نوني بالشكل ده،طوالي سكتت،طبعا بلسم وأبوها بقوا واقفين وبعاينوا ليها وبعاينوا لي بعض،نوني قعدت في الكرسي بزهج وزعل:انتوا كمان ما تجوا تقعدوا دقيلين،وثقيلين وتقيلين وبي كله😬😒.
بلسم وأبوها قعدوا بصمت وهم كاتمين ليهم ضحكة😂بس خايفين يفكوها تقوم تقلب ليهم الأكل في وشوشهم😂(والله الحركة دي طبعا بايخة وغياظة شديد وحصلت لي كتير في البيت،فاااا نوني من حقها تزعل وتعمل كده🐸💙).
المهم،بلسم لا شعوريا بقت تكحكح إثر كتمة الضحكة الكاتمها بس مهما حاولت تكتمها؛لسع بتكحكح،تأكل كتير،تتكلم أكتر،تنشغل بي آي حاجة عشان ما تضحك،بس برررضه ما نفع،وقدرها كان إنه تضحك وبلسم لما تضحك عارفينها كويس،ما زي ضحكة البنات الكيكات المكتملات ديلك،بما إنه بلسم كيكة من ناحية الجمال بذات طبعا،بس لما تضحك بتبوظ الشغلانية كلها.
طبعا لما ضحكت حفزت آمال ومجد،معها بأنه يضحكوا آمال بدأت تبتسم،ومجد شوية ضحك براحة وبصوت هادئ،وفكوا ليك الضحكة،بلسم وهي بتضحك:شفتوها كانت عاملة كيف؟!،كانت عايزة تسيح من الزعل،قال عشان شنو؟!عشان مراسيل😂،هههههههههاي هههههههه.طبعا نوني في اللحظة دي بالجد ساحت عديل كده من الزعل😹💔،وظهر الغضب على وشها،آمال ومجد بدأوا يوقفوا ضحك لحدي م سكتوا،بلسم فضلت هي الوحيدة البتضحك،وبي هستيريا كمان.
نوني:ي جماعة انتوا عارفين إذا زعلت بعمل وبحصل شنو صح😠؟!.
بلسم:عارفييين😌،وشك ببقى أحمر،وبطلع بخار من اضنيك نخرتك😂،وتفقصي لينا جني صغير يعلمنا الأدب😂،ولا ما كده😂.ورجعت تضحك تاني.
نوني قامت بي زعل نوني:أنا شبعت والحمد لله،وشكرا على الغداء اللذيذ،والاستضافة الحلوة دي،من مشت كده،آمال ومجد عاينوا لي بلسم البتضحك وقالت:هههه شفتوا العوارة الحاصلة دي هههه عاملة فيها جادة،آمال،مجد:بلسم شوفي زعلتي أختك كيف،دي أختك الصغيرة،يعني زي بتك(عليك الله شوف زي آمال دي هو فرقهم كله تلاتة سنوات تقولي ليها زي بتك🐸💔والله غايتو)،كيف تسوي ليها كده.بلسم ولا اشتغلت بيهم لأنه عارفة إنه ح تتعامل معها تصالحها كيف،تمت أكلها ومشت شالت،ستة كوكيز،وكلهم داسهم لأنه إذا آمال شافتها بتمنعها عشان بأثر في بشرتها وهيك🙂،لأنها بشرة دهنية و الكوكيز فيهو شوكولاتة وبرضه عشان السكري وكده،المهم بلسم مشت دقت الباب،نوني:اتفضل،بلسم دخلت لقت نوني راقدة ومتغطية بي بطانية،نوني من شافت بلسم فنت ليك البطانية هناااك مسافة بحري للخرطوم🙂،بلسم:أجي😕،بدون خجلة قاعدة كده،لمن قال اتفضل قال يمكن ما أنا.
نوني:واخحل لي؟!😕و ياخ ح يكون منو غيرك بي دقتك دي أتقول عندي معاك دين ما سددته،واقفلي الباب ده معاك.طبعا نوني كانت لابسة ليها توب رياضي داخلي لونه حلاوي،ليجينز أسود،و مسرحة ضفرتين فرنسيتين(جاميكاتين)و بتقرأ في رواية.
المهم بلسم قفلت الباب وقعدت جنب نوني:هاي زحي كدي ولا كدي كتمتي لي نفسي،بلسم ولا ردت وطلعت من جيب البنطلون بتاعها أتنين كوكيز وقالت:خلاص ما بديك ديل،نوني طوالي زحت ليها:لالا خلاص معليش😆،وقعدت جنبها وادتها كوكيز وشالت التاني،نوني كانت عايزة تفتحه لكن بلسم وقفتها:هاي هاي هاي تأكله بي وين.
نوني بشكل غبي:شنو؟!😳.
بلسم:باللبن والرواية بيكون حاجة ظابطة😉.
نوني:خلاص قاعدة هنا لي شنو؟!،جيبي.
بلسم قبل ما تمرق،مرقت باقي الأربعة كوكيز وختتهم في درج،طبعا نوني بقت واقفة زي الصنم:لكن ما طلعتي حرامية شفتة.
بلسم:خبرة 15 سنة ي بت أمي.(إحساس البت بتسرق من عمرها سنتين🌚💔)
يتبع...
وما تنسوا التصويت...
صوتوا...