أحببت من كنت أكره 💛(متوقفة مؤقتاً⚠)

الجزء الثاني والعشرين

سلوى:أجروا أجروا الفصل.المهم قعدوا جوه وكملوا ضحكهم وبدوا قطيعة بي لاصقة كمان(فهمتوها،ياخ لاصقة القطيعة ياخ بتاعت وجع الضهر ياخ البتكون فيها صورة نمر في الورقة،المهم العارف يوريني إسمها🐸💔).
جات أستاذة هديل مارة بالشباك وهي بتاكل،قبلوا عليها قطيعة.
أماني:هو انتوا أستاذة البدنية فاضية للأكل بس؟!،ده حالته أستاذة بدنية قال!!.
حسنة:ما تنسي وعسكرية كمان.
بلسم:انتوا شفتوا المشية اتقول شايلة قلابين بي وراء.
سلوى:ياخ زي ميزان الدكان مرة نازل،مرة رافع،مرة تحت،مرة فوق.
أماني:خلوا التفاهة وقلة الأدب البتقولوا فيها دي،وارحكاكم قوموا للطابور إذا اتاخرنا المديرة بتمعطنا وبطلع زيتنا.
حسنة:اي كلامك صاح.
بلسم:صاح،صاح الديك هههههاي.
المهم مشوا والمديرة كانت في المسرح وبتقول في خطابها الصباحي:الليلة انحنا جبناكم هنا علشان المراجعة،فاهمين،يعني تشدوا حيلكم في القراية،والامتحانات على الأبواب،وكمان ما أي إمتحان،ده امتحان شهادة سودانية،دايراكم تقروا علشان تتفوقوا وتنجحوا نجاح باهر وترفعوا راسكم ورأس اهاليكم ورأسي أنا كمان...
بلسم بهمس:سلوى،الحصة الأولى شنو؟!.
سلوى:عربي.
بلسم:لا إله إلا الله.
سلوى:محمد رسول الله.
بلسم:والتانية؟!.
سلوى:دراسات.
بلسم:بس.
سلوى:آي.
المهم الطابور إنتهى وخشوا الفصول ومعطتوهم ستة ساعات،تلاتة ساعات عربي،وتلاتة ساعات دراسات.
في مكان آخر:
كانت تشاهد التلفاز،دخلت إلي المطبخ أخذت مكسرات من فول سوداني وفستق وغيره،رجعت إلي الأريكة المريحة وتمددت عليها،وبعد قليل سمعت طرق على الباب،تعجبت من حضور شخص في هذا الوقت من النهار،استقامت وذهبت نحو الباب وسمعت شخص يقول:افتحوا لي الباب.
نوني في نفسها:الصوت ده ما غريب علي ي ربي بكون ده فهد؟!.
المهم فتحت الباب ولما شافت وشه صرخت بصوت عالي وحضنته بقوة:بابا.وهو بادلها الاحضان وقال ليها وهو بضحك:عارفك مشتاقة لي لكن خليني أتنفس وأدخل.
دخل ونوني شالت معاهو الشنط ودخلوا نوني جرى على المطبخ:أمي،أمي،أبوي جاء.
آمال كانت بتغسل في العدة وختت الحلة البتغسل فيها:عان زي البت الخرفانة دي،ي بت خلي الخرفنة،أبوك بجي بعدين بليل.
نوني:والله ي أمي جاء،اكضب عليك ليه.آمال لمن سمعت صوت مجد الدين بقول:السلام عليك ي أهل الدار.آمال اتخلعت وجففت يدها من الموية سرعة سرعة وجرت علي الصالة طبعا لقته قاعد في الكنبة وبشوف في التلفزيون وبياكل في المكسرات.
آمال:اهلين نورت البيت.
وهو قام سلم عليها بشوق:بنوره،مشتاقييين ياخ.
آمال:والله كميات وشوق بحر.
نوني:إحساس محسسني أنه إنت ضيف وهيك،بعدين بتاكل من مكسراتي ليه؟!،مش قلت عندك كرسترول؟!.
مجد الدين ببرود مصطنع:أيوه.
ونوني رجعت قعدت هي وأبوها وبشوفوا في التلفزيون وبياكلوا في المكسرات وبضحكوا،أما آمال مشت المطبخ وعملت ليه عصير فراولة باااارد،وقالت ليه:هاي،البشوفك يقول ما جاي من سفر.
مجد الدين:إحساس محسساني إني جيت ب رجولي😹.نوني تمت الجملة:وهيك😹وضحكوا الإتنين😹😹😹.
آمال:والله غايتو😂،خلاص إنت أمشي استحم،وصلي،ونوم.
مجد الدين خلاص عايز يقوم آمال سألته:مالك جيت بدري كده مش قلت جاي بليل؟!.
مجد الدين:دي قصة طويلة بحكيها بعدين.
كان الساعة تلاتة والعصر قرب يأذن،جات زهجانة دقت الباب بي زهج وبي قوة.
آمال:لا إله إلا الله،محمد رسول الله،ده منو ده،منى أمشي افتحي الباب ده بسرعة.
نوني:حاضر،مشت على إتجاه الباب والدق بقى أعنف من الأول لمن خافت،اما مجد الدين كان قاعد في الكنبة وبقرا في كتاب الطيب صالح موسم الهجرة إلي الشمال:بسم الله رحمن الرحيم،ده شنو ده،ي نوني افتحي الباب ده بسرعة قبل ما ينكسر.
نوني فتحت الباب لقتها بلسم،بلسم:ياخ ما تفتحوا الباب ده سرعة،ياخ يمكن الزول البدق ده عايز يموت ولا مزنوق للحمام ما ممكن ياخ،وصلحوا زفتين جرسكم ده.
نوني اتخلعت وما قدرت ترد ليها وبلسم توووش خشت ورمت الشنطة والعباية في الأرض وجري للحمام دخلت بمزاج ومرقت بمزاج تاني خالص مرقت وهي بتغني في راب كمان طبعا بلسم بتحب الراب،بتغني في راب سايفر السودان(اكبر غلطة اتضح إني مرقت،قايل مافي أمل قمت شردت...،المهم اسمعوها حلوة شديد🌚❤💋)ما عاينت لزول القاعد في الكنبة زاته من شدة مزاجها رايق وطوالي توووش ركبت فوق غرفتها غيرت ملابسها وشالت كتاب العربي وبدأت تقرأ ولا انتبهت لزول القاعد مرة تانية ومشت توووش(معتطكم بيها صح؟!🌚💔)الحديقة الخلفية،جابت كرسي خشبي(زي الحق العجائز داك ياخ😹)قعدت تتمرجح وتقرأ شوية كده في زول قعد جنبها ومد ليها كوكيز محشوة بالشوكولاتة💚🌍(الله أنا من الكوكيز المحشوة بالشوكولاتة الما ضاقها نص عمره ضاع😋🌚💔)،شالتها بدأت تفتح فيها كده يادب ركزت أنه هو في زول مداها ليها عاينت جنبها لقته أبوها بس ردة فعل بلسم إنه اتخلعت وجرت ورمت الكوكيز مجد الدين أستغرب وبقى بضحك فيها وشال الكوكيز ولحقها أما هي بقت جارية لي جوة بتقول:بسم الله،بسم الله جرت جري علي المطبخ ولقت أمها بتطبخ:أمي،أمي.
يتبع...
وصوتوا⬇🌟💚💫