أحببت من كنت أكره 💛(متوقفة مؤقتاً⚠)

الجزء التاسع عشر

لحدي يوم،الضهر لغمان قاشر قشرة الزول البشوفه بيقول ماشي يقابل الجكسوة🐸💔كان لابس:قميص أبيض مخطط طوليا وعرضيا باللون الكلحي،بنطلون جينز كحلي بنفس درجة لون خطوط القميص،جزمة كلاسيك بني غامق،مافي داعي نبحت لكن لابس سوكس رمادي🐸💔،المهم الساعة بنفس لون الجزمة،مكفكف القميص كفتين فقط(انا أعشق الكفتين🙂💜)طلع كان في عربية منتظراه ركب العربية؛ركب قدام،السائق كان سليمان،و وراء سارة ودعاء،لغمان سلم عليهم وسأل من سامي.
سليمان:قال جاي براهو بعربته.
لغمان:اهاااا.
سليمان:هاي يا جعفر فكرتك ظابطة لكن(قصده سارة طبعا)سليمان كان لابس تيشرت كحلي،بنطلون أوف وايت والساعة كمان،وجزمة نايك كحلية.سارة:شكرا ياخ🌚💕كانت لابسة بلوزة بيضاء وبنطلون جينز اسود وجزمة رياضية بيضاء(بسيط جدا💜💫).
دعاء:عليك الله انتوا حاسين بشنو؟!،كانت لابسة هاي ويست زيتي وبلورة بيضاء كعب عالي أسود وشنطة كيوت زيتية.
سارة:هسع عليك الله منو ح يضبح ويسلخ.
سليمان وهو بعاين ليها بالمراية ومبتسم إبتسامة جانبية خبيثة:رأيك شنو ي لغمان تضبح؟!.
لغمان:اي أنا بضبح ويوسف بسلخ،وسارة تنضف الكمونية🌚🐸💔.
سارة:بنضفها،بعملها وبسبكها كمان😒💔.
دعاء:إنتي دي غبية خلاص،حنعمل الشية بس.
سارة:شية التخنقك ي بت أمي اعمليها براك.
سليمان وهو بضحك:خلاص بتعملها دعاء.
سارة:خلاص علي كيفكم،حفرتوا قبركم من هسع براكم.
لغمان:خلاص خلوا المعط،بنعرف لما نصل.
المهم وصلوا ولقوا باقي الشلة كلهم وصلوا.
نادر:مالكم اتاخرتوا كده؟!.
سارة:ما ده الحمار ده عامل نفسه عاقل وبسوق بالراحة وبتاع.
نادر:لا لا من حقه،تتذكري المرة الفاتت.
سليمان:لالا خليها،علشان المرة الجاية تكوني شهر كامل في المستشفى.
سارة:لا كان كده طوالي للقبر ولا تعب.
لغمان:مش كده؟!🙂.(طبعا المرة الفاتت سليمان كان سائق بسرعة وكان فيها،سامي،سارة،يوسف،طبعا سليمان هو زول تفحيط وبتاع،المهم العريبة انقلبت بيهم بس ربنا ستر و لطف بيهم،سليمان كسر يده و باقي كلهم سالمين بس شوية رضوخ وجروح سطحية خفيفة).
بعد حوامة وفسحة في المزرعة حتى وصلوا للمجلس الفي المزرعة.كان عبارة عن غرفة كبيرة ومكيفة بمكيفات ومراوح رذاذ،أرضية خشبية ابنوسية،وجلسة عربية لونها أوف وايت،ستائر اوف وايت برضه مطرزة بالدهبي،ومعلقين لوحات راقية وبتاع🙂،المهم ما امعتطكم؛الشلة كلهم وصلوا وكانوا قاعدين وشايلين هم الضبيحة،خلاص جهزوا للضبيحة لكن اتفاجئوا بأنه سارة وسليمان كانوا عاملين فيهم مقلب وأنه جايبين خروف جاهز(هسع عرفتوا ليه قبيل سليمان كان بضحك وقال لي سارة فكرتك ظابطة وما شيل هم لموضوع الضبيحة).
يوسف:كوكتونا ياخ،قال لمن جاي بسكينتي.
سارة:هاي إنت ي مظ هوي(مركزين في مظ دي🌚💔)،إنت لو عارف جبناهو كيف،تشتري اتنين مش واحد.
لغمان:كدي ورونا جبتوا كيف؟!.
سليمان:فنقول سارة عندها خالها شغال في مطعم وكده.
مناسك:فهمونا بالتفاصيل الدقيقة والمملة،لحدي ما يصل الزفتين ده.
سليمان:ياخ جيتي متين عشان تاكلي؟!.
سارة:من حقها،لينا ساعة انحنا في الطريق والوقت اتأخر بس الونسة جرتنا وما مدركين للوقت.
سليمان:لا كان كده معليش.
لغمان:ياخ ما تحكوا لينا وتورونا الحصل!!.
سارة:المهم نرجع لوراء(فلاش باك:كانت في غرفتها ماسكة تلفونها او ممكن نقول ولدها الحبيب كانت ملصقة معاهو كأنه جزء منها ومندمحة،كانت بتدردش مع زول في الواتس آب وبتضحك،وبعد ما دردشت كتير قفلت التلفون وختته وغرقت في التفكير:ي ربي الشئ ده نعملوا كيف؟!،صراحة موضوع أنه نضبح خروف ده ما واقعة لي وما ظريفة،ي ربي أعمل شنو؟!،الباب انفتح جاء شافع داخل شافته وقال بصوت كيوت:ثارة قومي الفطول.
سارة:طيب ي حمودي،بس نسيت شئ.
حمودي:سنو؟!.
سارة:ما استأذن لما دخلت الغرفة.
حمودي:اثف.
سارة:المرة الجاية،يلا إنت أمشي انا جاية.
مرقت من غرفتها المضلمة ونزلت لقت حمودي بتاتي وبنزل بصعوبة في السلم شالته ونزلت بيه تحت قعدت في الصفرة وبعد شوية الصفرة بأكملها كانت عائلة كبيرة سارة بدأت تأكل:أمي أنتي عملتي الشئ ده؟!.
أمها:لالا جابه مهند خالك.
سارة:قلتي لي الأيام دي مرتاحة.
أختها:اي،لكن لو ابوي كان في،ما كان في البشتنة دي.
أمها:انتوا باقي اخواتكم وين،لي ما جو ؟!.
ردت:قالوا ما عايزين.
سارة:إنتي ي أمي قلتي لي خالي مهند ده شغال في مطعم شنو ووين؟!.
ردت:في مطعم نولارا في نهاية شارع الستين.نهاية الفلاش باك).
سارة:المهم،وريت سليمان عشان هو يوافق،مشينا وقال لينا ما بقدر يدينا ليه مجانا لكن بعمل ليكم ديسكاونت.
سليمان:وقلنا ظابط،وقال لي بيجيبوا لينا بمقبلاته ومخللاته ملحقاته كلها.
لغمان:يعني ملح!؟.
سليمان:يب.
نادر:عشان كده.
يوسف:أنها سارة ي جماعة،ملكة الطقة.
لغمان:اي تتذكر التلاتة ساندويتشات؟!.
نادر:والله ما متذكر.
لغمان:الشراط العملناه إنه تأكل ساندويتشتين وتالتة علي حسابنا وإذا قدرت ليهم التلاتة كلهم على حسابنا.
دعاء:اي اي،الغربية أنه اليوم البعديه جات عااادي وأحسن،لا عسر هضم ولا غيره.
يتبع.
وصوت على الجزء🌟⬇🎶💜