أحببت من كنت أكره 💛(متوقفة مؤقتاً⚠)

الجزء الخامس عشر

فهد:شنو؟!.
تمتم:في زولة عايزة تشتغل معانا اسمها لالا عمرها 24 سنة كملت الخدمة الوطنية درست جامعة السودان حتجينا بعد دوام العصر تخصصها أطفال(تقويم)لو عجبتك شغلها ولو لا ح نخليها.
فهد:اصلا كنت محتاج لي زول نفس التخصص بعد ما حولنا القديمة.
المهم الوقت مرة بسرعة والشغل انتهى واستراحة العصر جات والتيم كلو مرق عشان يفطروا يادوب،تمتم ورتهم الخبر كلهم فرحوا.
إبراهيم:متذكرين لمن حولنا براءة.
(نقيف شوية ونعرف القصة بإختصار شديد:براءة عصبية شديد وكانت في تخصص تقويم اطفال؛طبعا الأطفال خوافين مرة بقفلوا فمهم ومرة بفتحوا وبتاع وهي بتكورك فيهم شديد عشان كده فهد نقلها للكبار واستفادوا منها شديييد،مركزين في شديد دي🐸💔 نرجع)اخليكم من ناس فهد ونرجع لي ناس بلسم:كانت قاعدة في الصالة وشايلة كتاب الرياضيات ولغمان بشرح ليها كانت مندمجة مع القراية لمن ماف طريقة؛لحدي ما آمال سألت:انتوا ي جماعة منى وين؟!.
بلسم وهي بتعاين في الكتاب:مشت لي دانية.
آمال:ااا يعني تمرق من دون أذني.
بلسم:دايراها في شنو؟!.
آمال:دايراها تمرق معاي.بلسم اتشتت وقبلت بي نشاط لأمها:ممكن أمشي معاك؟!.
آمال:انتي ممتحنة.
بلسم:امتحان شنو ياخ ونفسي مقفولة.
لغمان:أمس إنتي ما....قبل ما يتم جملته آمال:خلاص ألبسي عبايتك وتعالي.
لغمان:لكن باقي بسيط وننتهي من الشرح.
آمال:قلتها براك(بسيط وتنتهي)لما نرجع ح تكملوا،طيب؟!.
لغمان:طيب.وقفل الكتاب وطلع تلفونه وبقى بتصفح فيه.
بلسم لبست عباية زي الفستان لونها كحلي غاااامق مائل للأسود وطرحة بدرة ناعمة بيضاء.بلسم:جهزت.
آمال:خلاص تعالي ورح.آمال كانت لابسة توب نمري أزرق وشبط اسود زحاف.وهم في الطريق،بلسم:انتي ي أمي انحنا ماشين وين؟!.
آمال:ماشين لي جارتنا الجديدة جات الأسبوع الفات.
بلسم بإستغراب:جارة جديدة؟!.
آمال:أيوه.
المهم وصلوا والبيت كان قريب،دقوا الجرس جات فاتحة مرة كده من شكلها وتصرفاتها بوبارة قالت:السلام عليكم،عايزين حاجة؟!.
آمال:انتوا الناس الرحلتوا جديد هنا؟!.
ردت:أيوه اتشرفنا.
بلسم في نفسها:يا ريت لو ما جينا😑.
آمال:جاين نشرفكم حينا ونتعرف عليكم.
ردت:اتفضلوا شرفتونا ونورتونا.
آمال:بي نوره.
المهم دخلوا وكان البيت تحفة راقي راقي لي درجة لونه ساي قلبك برتاح.
قعدوا في المجلس في كنب لونه ب تدرجات الأصفر،اتعرفوا عليها (إسمها:خلود عمرها 47 او 46 سنة كده عندها أربعة أبناء:فكهاني،سند،لؤي،مفاذ.خلود فنانة تشكيلية ومنهدسة تصميم داخلي وديكور وبيتها صممته براها.أبوهم مطلعين ليهو شهادة وفاة لكن هو مفقود)كلمتهم قصتها ومغامراتها وكده،جات بتها بالصينية فيها عصير وموية ختتها ومشت قعدت جنب أمها وهمست ليها:أمي ممكن البت دي تجي معاي؟!.خلود هزت رأسها بمعنى نعم.
مفاذ جات جنب بلسم وقالت:تعالي معاي.بلسم قامت معها ركبوا السلم ودخلوا أوضة واسعة،البت:انا مفاذ ودي غرفتي.
بلسم:بالجد انتي محظوظة.
مفاذ:خليك من ده😂وانتي إسمك منو؟!.
بلسم:انا اسمي بلسم.
مفاذ:أسمك سمح علي عكسي.
بلسم:لي ياخ اسمك حلو لكن بالجد الأسم ده ما بليق بيك😂.
مفاذ:وأخيرا زول بفهمني.
بلسم:كيف؟!.
مفاذ:خليك من ده،انتي عندك أخوان؟.
بلسم:أي تلاتة.
مفاذ:ذي كده يعني.
بلسم:ايوااا،واحد إسمه فهد وتاني لغمان والتالتة نوني هي اسمها منى لكن بنقول ليها نوني.
مفاذ:أسماءهم حلوة😊.ممكن توصيفهم لي؟😊.
بلسم:ما ناس عاديين😂.
مفاذ:قصدي أشكالهم.
بلسم:الصراحة كده أنا مابعرف أوصف لكن لو كان تلفوني معاي كان وريتهم ليك.
مفاذ:يعني ما ح اشوفهم نهائى.
بلسم:عندي فكرة!!إنتي تعالي لينا.
مفاذ:أمي ما أعتقد تخليني.
بلسم:قولي ليها انا ماشة أقرأ مع بلسم ما دام انتي أدبية زي.
مفاذ:يعني أكذب علي أمي.
بلسم:لا بس ح تشوفيهم ونقرأ سوا بالجد.
مفاذ:متين؟!.
بلسم:بعدين.
مفاذ:بعد بكرة او بعده.
بلسم:قرعة.
مفاذ:ح تخسري.
بلسم:حجر،ورقة،مقص.والفازت مفاذ.
مفاذ:مش قلت ليك ح تخسري.
بلسم:خلاص طيب.سمعوا صوت خلود بتنادي في مفاذ.
طلعت مشت للمطبخ كانت بتجهز في جاتوه،خلود:هاك امسكي ودي دي لي بلسم وشيلي واحدة.
مفاذ:الصحن التالت؟!
خلود:دي لي آمال.
مفاذ رجعت لي بلسم وهي شايلة صحنين و شوكتين.(يالل الرقي🐸💔)
بلسم:لي التعب ده ياخ.
مفاذ:لي؟!هكذا نكرم ضيوفنا.
بلسم:المهم عندك حاجة إنتي ما فاهمها في اي مادة؟!عشان يكون في حجة إنك تجيني.
مفاذ:صراحة انا نص المواد ما فاهمها.
بلسم:لا حولا لاحولا،بتهظري صح؟!
مفاذ:لالا لكن عندي مواد حافظها زي إسمي.
بلسم:لالا لو كده ممتاز وعايزة أسألك حاجة إنتي شايلة شنو قلتي لي؟!.
مفاذ:ما قلت ليك أدبي.
بلسم:أوه نسيت😂😂.
المهم قعدوا معهم قرابة خمسة وأربعين دقيقة.
آمال:يلا اها ي خلود،وما تنسي تزورينا قريب.
خلود:لالا انشاء الله بجيكم ما دام عرفت بيتكم وين.
آمال:انشاءالله،يلا مع السلامة.
مفاذ:باي بلسم.
بلسم:باي،نتلاقى قريب.
ودعواهم وقدموهم لحدي باب البيت.وصوا بيتهم صلوا العصر ولغمان تم لي بلسم الشرح فهد جاء واتغدوا
بلسم رجعت بتقرا تاني وبتركيز شديد.

لحدي المغرب كده صلت المغرب وشربوا شاي بعد المغرب وتاني رجعت تقرأ(الله يعينك ي بلسم😧💔)بعد صلاة العشاء صلت وامها قالت ليها نومي بعد كده نامت الساعة 10:45.
صوت لكل الاجزاء
أنصحكم تعيدوا الرواية من أول وجديد لأني نقحتها🐸💜💙