أحببت من كنت أكره 💛(متوقفة مؤقتاً⚠)

الجزء الحادي عشر

لغمان طلع البسبوسة وكيك الشكولاتة و السامبوسة وبقى بيأكل بمزاج تام قال للناس شيله؛ناس كلهم شاله إلا فهد وتمتم،لغمان شال قارورة موية وبقى بشرب منها لمن ركز في فهد وتمتم الوضعية الهم فيها بقى بكح كح لانه اتشرق بالموية الناس كلهم ركزوا فيهوا امه سألته:مالك؟! لغمان:لالا مافي حاجة بس اتشرقت بالموية ما تشتغلوا بي الناس رجعوا لي حالهم وهو قال في نفسه:ده هو أبو موقف رومانسي؛موقف زي ده ما تفوت إلا افركش ليهم الوضعية دي🙂طبعا لغمان كان جنبهم،لغمان:احم احم(بصوت شوية عال)طبعا بلسم كانت متابعة الموقف كله وصورت قرابة الخمسين صورة😂وختتهم في ألبوم اسمه(فضائح)وقتها فهد وتمتم يادوب ركزوا أنه في زول بحم حم جنبهم فهد وتمتم شعروا بالخجل وعشان لغمان ما يزيد الطين بله قدم ليهم الكيك السامبوسة،وبلسم بهناك انفقعت من الضحك وبقت متابعة الناس لحدي ما وقفت رأسها للمرة التانية ولقت أحمد السواق بيأكل البيتزا ب مزاج وشراهة تقول اول مرة يشوف بيتزا في حياته بلسم شالت تلفونها وكانت عايزة تصوره لكن كسرت والحنك وقالت أحسن تحترم نفسها،طبعا لغمان،هزبر،علي كانوا مشغلين اغنية نار الضلع وبيرقصوا رقيص اشتر ورقيص مجانين عديل وبرقصوا بهستيريا،فهد قاعد علي أساس هو العاقل المهذب الكبير قدام تمتم وكده
تمتم:بلاي أرقص ساي عارفاك عايز ترقص زيهم
فهد:ومنو قال ليك أنه انا عايز أرقص زي المجانين ديل
تمتم:انا عارفاك اكتر من نفسك زاتها أمشي أرقص
فهد:لالا عايز أوفر طاقتي بتاعت الرقيص لعرسنا(Yikes My Small Heart😢💜)
تمتم:خلاص ماله نرقص هسه عشان نعرف نرقص بعدين.
فهد وتمتم بقوا رقصوا اكعب منهم وبجبجيوا ساي واكتافهم دي اليشوفهم بقول حبش بس،ودانية ونوني برقصوا ويكوركوا ساي وحنين وآمال بعاينوا فيهم ساي ويضحكوا أما بلسم صورت قرابة أربعين صورة وفيديو طويل وعريض وهي بتصور بتتكلم مع دانية ونوني:ما شفتوا الفضحتين الأولى:فهد وتمتم في وضع رومانسي كارب وما انتبهتوا لغمان احرجهم كيف وتانية السواق مندمج مع الاكل اندماج عجيب بياكل واحدة وراء التانية طبعا طوالي نوني ردت ليها:لكن بعد ده ما زي شريف اخو تمتم ما بلحق شريف
بلسم:لالا شريف ده خطير عديييل كده مافي زول بفوته ويسبقه،(نقيف شوية ونتعرف علي شريف اخوها لتمتم:اكبر من تمتم ب7سنوات عمره31سنة طبعا من جنس الناس بياكلوا اكل كتير وما بسمنوا نهائى،اسمراني شعره طويل مربيه ومطوله ودائما عامله فلات لي وراء وناعم شديد،وتمتم ما بترضى في شريف ده نهائى،أوقات أكله المفضلة الساعة ثلاثة ونص صباحا وبعد أكله ده كله طويل ومعصعص ما فيهو شي،ناشف من لحم الدنيا)طيب نرجع:اغنية نار الضلع انتهت وكانوا شوية تعبوا من الحت الحتوه ده،شغلوا اغنية ي زولة وكده بلسم لقت ليها فيديو جديد بلسم في نفسها:واي ده احلي واجمل يوم للفضايح عشته في حياتي😂كانوا برقصوا بحماس كامل مع الأغنية بذات علي أما فهد كان برقص وبغني(دقائق؛انت مش قلت ما عايز ترقص🐸💔)وظال الحال في حاله يشغله في الاغاني؛بلسم مرة تصور ومرة ترقص معاهم والشباب برقصوا آمال وحنين وتمتم رجعت تتونس معاهم ومرة دانية ونوني ينضمن لحدي ما الأغنية تقيف كان علي داير يشغل جنا الصيدة لكن زهج قال يرتاحوا من الرقيص،طبعا خلاص الرحلة النيلة إنتهت
بلسم كانت عايزة تشيل بسبوسة للمرة الأخيرة،لقت الصحون كلها إنتهت؛أتخلعت لكن اتذكرت أنه اي زول أكل البسبوسة والسامبوسة والبيتزا اقتنعت انه هي كملت كيف+هي زاتها ما قصرت هي ولغمان،السواق أمن المركب يعني ممكن يمرقوا منو،بلسم كانت ماشة وماسكة تلفونها،نوني:هسع بتقعي انتي وتلفونك ده!!بلسم ما اشتغلت بنوني مشت كأنه هي شايفة الطريق وفجاءة وقعت ما بين المرسى والمركب ولمن رفعوها لقت نفسها كلها طين ملابسها اتبللت وحالتها حالة حالتها بالبلاء والتلفون وقع في الموية وغرق في القاع،نوني:مش قلت ليك خلي بالك ابيتي تسمعي كلامي،سمعت صون بنده عليها كان فهد:بلسم بلسم ي بلسم بلساااااام حتى صحصحت ورجعت للواقع عاينت لي نفسها لقت نفسها نضيفة وجافة وملابسها ما فيها ولا نقطة طين وتلفون في يدها سالم وآمن وفي اللحظة دي أدركت أنه هي بتتخيل
فهد:انت مالك بقيتي بتسرحي كتير كده
بلسم:كنت بتخيل بس
فهد:اهااا
بلسم لمن مرقت من المركب شافت لغمان وهزبر كانوا بتعاوروا ساي كان لغمان خاتي يده في كتف هزبر وهزبر كذلك وواحد يرفع رجله اليمين وتاني الشمال وعلي هذا المنوال،لكن لغمان لمن نزل رجله المرفوعة ختاها في الطين وبي كده:لغمانو حبوبي🌚💜اتزحلق ووقع(طبعا البقرأ الفي الكلام ده بحس أنه لغمان ده في أولى ثانوي ما خريج🐸🌚😂)طبعا ودي لقطة مناسبة جدا للفضيحة بلسم فتحت الكاميرا عشان كان حصل شي محرج تصوره وبالفعل لغمان و اهاته بدأت؛مسك مكان الضربة وبيقول:اه اي وي😂بلسم شغالة في نفسها:(فضحتنا قدام الناس وقدام تمتم  وخالتو حنين الله يفضحك اما انحنا ح نمسكها ليك زلة)طبعا صورت الفيديو.
نوني وفهد وبلسم ما قدروا يمسكوا الضحكة.
يتبع.....
صوت للجزء🌚💜⬇.