أحببت من كنت أكره 💛(متوقفة مؤقتاً⚠)

الجزء السادس والعشرين

خاتة مؤقت في شكل بيضة جنبها ومنتظرة بلسم سألتها:بتعملي في شنو؟!.
دانية بغباء:بري ما عارفة!!😕.
بلسم في نفسها:دي مالا دي؟!😕،كيف تكون ما عارفة بتعمل في شنو؟!😕.
المهم بلسم شالت عصير أناناس ومشت قعدت في كنبة الصالة ولقت كتاب بعض هذا القرنفل في الكنبة وملصق فيهو ورقة مكتوب فيها:أنا آسفة الرجاء قبول اعتذاري،بلسم اتنهدت بي غضب:هسع البت دي أعمل ليها شنو دي آخر محاولة إذا ما فتحت بكسر الباب ومشت أدت الباب.
بلسم مشت أدت الباب خبطة لكن المرة الباب كان مفتوح،بلسم:الليلة دي الله سترك مني بس،دخلت ما لقت زول فتشت الكتاب بس ما لقته،بلسم زعلت وبلسم ما بتزعل بسرعة لكن لما تزعل صعبة صعبة صعبة،مرقت قفلت الباب بي نرفزة طبعا الباب طاخ،بلسم ركزت في نفسها،استغفرت وبدأت في نوني،فتشت البيت كله بس ما لقتها،فجأة حست بي يد  بتغطي عيونها،بلسم من ليان اليد وراحتها وصغرها عرفت إنه دي نوني،بلسم:نوني ي كلبة فكي لي عيني عشان أطلع عينك من مكانها.
دانية:أنا ما نوني أنا دانية،أمشي قدامي،طبعا بلسم بقت زي الطرطورة😹ماشة ساي وما عارفة حاجة والحاصل شنو،طبعا كانت حفيانة لما حست بي النجيلة الباردة والرطبة عرفت إنه هم في الحديقة المهم مشوا لحدي ما دانية وقفت وفتحت ليها عيونها،كان في ترابيزة خشبية مربعة كبيرة خاتين فوطة كاروهات أحمر بالأبيض وكراسي،طبعا في الترابيزة كان في كب كيك شوكولاتة مزين بالكريمة،ووافل بالشوكولاتة والآيس كريم،ميلك شيك شوكولاتة وفراولة،فطائر دجاج مع شيبس بطاطس،بلسم اتفاجئت وزعلت في نفس الوقت،قبلت لقت نوني وراها ومبتسمة بفرح لأنه بلسم فرحت،بس بلسم قالت:إنتي ي نوني شوفي دانية الظريفة دي عملت شنو؟!،وإنتي عملتي شنو؟!،شلتي مني الكتاب ومنعتيني القراية.
نوني ابتسامتها زالت لمن سمعت الكلام ده:هاي إنتي ما تستبقي الأحداث،واسمعي قبل ما تتكلمي😬.
دانية:أيوه ي بلسم منى كلامها صح،إنتي كدي ي بلسم اقعدي نتفاهم قعدوا حول الترابيزة ودانية بدأت تفهم بلسم الحاصل وهي اصلا خطة مخططين ليها،طبعا بلسم لمن عرفت حست بإحراح كبير تجاه نوني لأنه وبختها وهي العملت ده كله،إحراج عجيب(إحراج ولا إلا إخراج،عارفاها بايخة بس ابلعوها عشاني🙂💔).
بلسم اعتذرت لي نوني الفوني وهي قبلت اعتذارها وبدوا يتونسوا ويطقوا ويتصوروا ويضحكوا وكانوا بالجد فرحانين شديد وفي قمة السعادة بذات بلسم.
طبعا علامات المغرب ظهرت وفي زول بحبها شديد،نشوف ده منو كان واقف في البلكونة ومتكي على سورها والعصافير طايرة بسرعة عشان تمشي لي اعشاشها(دقيقة دقيقة،انا مش هسع قلت طايرة،تاني اقول ماشة،والله عالم🙂💔)،بتحس أنه العصافير بتديه التحية وعلى ملامحه الجميلة،الوسيمة والجذابة،شتت انتباهو صوت امه البتنده عليه:هزبر قوم من سريرك،النوم بجيب اللوم،قوم صلي المغرب،وهي بتهز فيهو.
هزبر:يا أمي خمسة دقائق بس وبقوم،ما صدقت أنه الليلة جيت بدري،خليني انوم ي أمي ياه.
حنين وهي بتديه ضربة في نص ضهره:كمان خليني،قوم صلي ي ود.ومشت.
هزبر قعد في نص السرير وعايز يحك الضربة لكن ما قدر،شوية شوية،الضربة خفت،قام اتوضا وصلى،ونزل تحت(مركزين معاي إني غشيتكم بحلم هو اصلا ما كان حلمان بيه😜💔).
المهم نزل تحت لقى على في التلفزيون وبياكل في مكسرات(حبيبتي أنا😋❤)،وقعد جنبه،بدأ يأكل معاهو،بس علي زح ليهو يده:هي بيجيك كرستلور،نسيت إنك عجوز.
هزبر ببرود قاتل:انا ما عجوز انا شاب.
علي:في نهاية اكبر مني.
هزبر عشان عارف كلام أخوه كتير وما عايز معاه كلام كتير،وانتوا عارفنوا كويس أنه بارد جدا خصوصا الآن،مشى المطبخ فتش المكسرات لقها انتهت،طبعا هزبر ما داير إلا المكسرات؛ففكر في فكرة خبيثة،شال برنيقز الحجم الكبير كان في الدرج،ومشى قعد جنب علي.
علي:لقيت الشيبس ده وين؟!.
هزبر ببرود:ده إسمه برينقز،واشتريته من الجامعة.
علي:جيب معاك ي زول.
هزبر بخبث:في واحدة تانية في الدرج الفي الطرف.
علي جري مشى على المطبخ.
هزبر في رأسه:مسكين،ما عارف أنه العلبة فاضية.
علي ب هناك فتش العلبة ما لقها،وبي هناك هزبر ملئ العلبة مكسرات فل وقفلها وجرى غرفته،علي لمن سمع صوت الباب بفتح وبقفل عرف أنه هزبر غشاهو،علي مشى جري للكورية لقى نصها ملان،علي:الحمدلله😥،خلى لي فيها حاجة كويس.
أما هزبر ب هناك؛جاهو تلفون مرق البلكونة:اها ي حسام لقيت لي الشيتات؟!.
حسام:عليك الله شوف جنس زي ده،بدون السلام عليكم،بس طوالي خاشي لي تووش؟!😕.
هزبر:احم احم،خلاص السلام عليكم😧.
حسام:وعليكم السلام.
هزبر:المهم،لقيتها؟!.
حسام:والله الحقيقة،إنتهت😩.
هزبر:إنتهت!!😕كيف يعني إنتهت؟!😕.
حسام:اي ي زول إنتهت،ما مصدق؟!،لكن عندي ليها صور.
هزبر:تاااني صور؟!😧،لكن ي زول ما حنك،أحسن من العدم.
حسام:خلاص برسلها ليك في الخاص.
هزبر:خلاص ظابط،يلا بعد ده قفل ساي.
حسام:خلاص ي زول.
هزبر قفل الخط وفتح اللابتوب وبدأ بشوف في ون بيز(لوفي)،العشاء آذن هزبر صلى ومشى لللابتوب:الليلة إلا أكمل الحلقات دي،حتى لو ساهرت اصلا انا بكرة ما شغال.
يتبع...
ما تنسوا التصويت...
صوتوا...