أحببت من كنت أكره 💛(متوقفة مؤقتاً⚠)

الجزء الرابع

بلسم و نوني كانوا في الغرفة والكهرباء لسع قاطعة بلسم كانت بتقرأ في جغرافيا و نوني ماسكة تلفونها كان شاحن مئة وفعلت الإنترنيت قيقا ونص جددت الفيس،الانستا،الواتس،الاسناب حتى إنه بلسم اتصورت معاها بي الاسناب،المهم بلسم رجعت تاني لي زفت القراية بس بلسم ونوني يسمعوا ليك صوت دق علي باب الغرفة نوني قامت فتحت الباب لقتها أمها قالت ليها:الليلة دايرة اقعد معاكم في الغرفة لأنه ما دايرة اقعد براي.
بلسم لمن سمعت الكلام ده نطت من الكرسي وفنت الكتاب والمذكرة في الدرج البتقرا فيهو وجري للباب🏃وبلسم ونوني قالوها في صوت واحد لااااstop stop stop.
آمال:مالكم ما دايرني أشوفكم ما بتقروا و ماسكين التلفون😂💔ولا شنو؟!! بلسم ردت بسرعة:لالا بس قلنا انحنا نجيك في غرفتك لانو شكله كان المكيف شغال والغرفة بتكون باردة احسن من غرفتنا في النهاية ما حتقعدي براك
قالت ليهم:طيب فكرة والله.
بلسم و نوني شافوا بعض وضربوا كفهم بس بصوت منخفض مشوا وخلوا باب الغرفة مفتوح😣(وياريت لو قفلوه😂💔)مشوا غرفة أمهم ودخلوها،طبعا الغرفة تفتح النفس اي شي في مكانو و مرتبة ونضيفة وريحة البخور والصندلية والخمرة طاقة ومالية الغرفة،بلسم لي نوني:ده حالته ابوي مافي😉
نوني:اي اي تقولي لي انحنا.
بعد شوية كده يادوب أذان الضهر أذن طوالي امال قامت وقالت ماشة تتوضأ بره عشان منها وتمشي المطبخ تشوف العجينة بتاعتها طبعا بلسم و نوني كسلانين مشوا الحمام الداخلي بتاع غرفة أمهم واتوضوا وصلوا بلسم شالت المصحف قرت ليه زي5سور صغيرة ورجعت لقرايتها و نوني تاني رجعت لتلفونها وآمال بهناك القدر جابها جنب غرفة نوني وبلسم و لقت باب الغرفة مفتوح بس مع دخلتها كده الكهرباء جات لقتها تحفة فنية عجيبة لمن شهقت طرحة هنا و جزمة هناك شبشب هدوم في الأرض عدة مطبخ كاملة جوه الغرفة بواقي أكل وأكياس اندومي وشبس وهلم جرة وحاجات وحاجات كتيييرة😂مشت اتوضات وجاتهم جارية ودخلت غرفتها الهم قاعدين فيها وجرت التلفون من نوني وجرتها من اضانها لمن اضانها صنت ونوني شغالة تقول:اي اييييي اي أمي فكيني😢💔
قالت ليها:افكك وين😠💔وجات لي بلسم وادتها لبعة في نص ضهرها خطيرة لمن قفصها الصدري اتهزهز(مركزين في اتهزهز دي🌚)وبرضه أدت نوني لبعة وجرت لي بلسم اضانها يعني تبادل ضربات😂😂😂.
وقالت ليهم بصوت عالي والله لمن اضمينهم صنت:قوموا امشوا نضوفوا زفت غرفتكم دي يا...😠💔(تمت حذف هذه كلمة احتراما لبعض القرأ🌚💔)هسع إنتي ي بلسم بتقري كيف في الغرفة المبرجلة دي والله هي بقت كوشة ما غرفة يلا قوموا رتبوبها ونضفوها بسرعة ي وسخات والله ما تتموا نظافتها في اقل من ساعتين ما كويس معاكم خالص أو ح تكون نهايتكم.
طبعا جري مشوا ينضفوا الغرفة امال تاني لبعتهم مسافة يطلعوا من غرفتها.دخلوا جوه الغرفة سرعة سرعة لغمان جاء من الجامعة لقى آمال فايرة شديد بسبب بلسم ونوني سلم علي امه وسالها ليه زعلانة وهايجة كده امال حكت ليه بي الحصل كله لغمان ركب ليهم فوق وقال ليهم:ده شنو العملتو لي امي ده يا مصايب😂💔.
قال لي نوني:قال لي انتهيتي من الامتحانات خلاص دايرة تعملي مصائب إتلفت لي بلسم وقال:وإنت كمان باقي ليك 3 أسابيع بس دايرة تعملي مصايب أكبر.
بلسم:انت مالك ومالنا و طير من هنا بلاي.
لغمان:امشوا اعتذروا لي أمي انتوا عارفينها كويس بتكره الوساخة وبتحب النضافة،المهم مشوا اعتذروا لها.
بعد تعب حتى نضفوا الغرفة يمكن النضافة استمرت لي حوالي ساعة ونصف شالوا العدة ولا هو مطبخ ما معروف و مرقوا كيسين كبار مليانين وساخة اندومي،شيبس،فشار،بارد بكل الأنواع والأشكال و مرقوا برضه حاجات كتيرة كده،أكياس كيلو،عرديب بالكيلو(هي آمال ما تمشي تسمع)المهم انه نضفوا الغرفة بعد تعب شديد لأنها ليها شهور ما منضفة،طبعا نوني اي قطعة وساخة عارفة قصتها( عان زي الفضيحة دي😂💔)جاء دور تلميع الآسرة و غيره من الاساس الفي الغرفة وانتهوا بعد تعب شديد من النضافة.
نوني:هسع لو سمعتي كلامي قبيل ونضفناها ده كان كله ما حصل لينا وأمي ذلتنا قدر ده.
بلسم:ما ده خشمك الكبير ده جاب لينا المشاكل وبقت تقلد فيها:والله لو أمي شافت الغرفة دي بنطلع جثث من البيت ده😑.
نوني:المهم كلامي طلع صح.والله لبعتني والله ضهري واجعني للآن.
بلسم:إنتي براك،والله أمي دي المفروض يدوها لقب الإمرأة الحديدية.
نوني:مش كده؟!.
بلسم:اي والله وبقوا يضحكوا.
يتبع...
عليكم الله صوتوا علي كل جزء ما حاجة صعبة بس اضغط علي النجمة التحت دي🌚💕👇