أحببت من كنت أكره 💛(متوقفة مؤقتاً⚠)

الجزء الواحد والعشرين

بلسم مشت على البوابة لقت الترحيل منتظرها ما كانت لابسة الزي الرسمي الرمادي،كانت لابسة:بلوزة بيضاء مطبعة بزهور صغيرة وردية تحت الركبة و بنطلون جينز كحلي غامق وأهم شي طرحة وردية شيفون ومسرحة كعكتين😹💜(طبعا شعرها طال)وعباية سوداء ومزررة الزرارة الفي النص بس.
طبعا بلسم محبوبة شديد،عثمان سيد الترحيل:أوه بلسم أم الحفارين،مشتاقييين ياخ.
بلسم:كميات ياخ،كيف إنت؟!.
عثمان:تمام الحمد لله،الله يوقفك.
بلسم:اللهم أمين.
بلسم ركبت في محلها المعروف وراء جنب الشباك الشمالي مع البيست فريندز بتاعينها:سلوى،أماني،حسنة.
بلسم:كنت متوقعكم ما حتجيوا.
سلوى:يابت ما نجي كيف،انا زهجت من قعدة البيت دي ياخ،بعدين أنتي ما اشتقتي لي؟!.
بلسم:عان الوهمية دي قال اشتقت ليك قال،في زول يشتاق ليك إنتي،شوفتك براها بتجيب وجع الوش.
سلوى رصعتها ليك في يدها:وسخة وأنا قلت جيت عشان اتونس معاك.
بلسم:ياخ يدك دي طالوش هي ياخ+إنتي الزول ما يهظر معاك تاني ولا كيف؟!.
سلوى:ياخ جلينا من ده،اها ي فردة جبتي تلفونك؟!.
بلسم:قايلني عويرة أنا ولا عويرة؟!،يب أكيد جبته معاي.
أماني:شاحن كم؟!.
بلسم:ي مؤفنة إنتي سلام ما سلمتي تقولي شاحن كم+شاحن100%.
أماني:بس ظابط ي مانة جيبي الزفتين ده.
حسنة:هاي،ما تبقى طماعة،أنا أول.
أماني:أنا أول.
سلوى:هاي ما تبقوا زي الشفع،أنا أول.
طبعا الكلام ده كله وبلسم ساكتة بس هي سكتتهم.
بلسم:لا إنتي ولا انتي ولا دي،ست الحق طبعا كما تلفوني هم.
أماني نبهت بلسم بأنه تخفض صوتها،طبعا هم قاعدين وراء والترحيل كله مبحلق فيهم طوالي سكتوا وسلوى بقت بتشد في فستانها اللابساه على أساس بتكويه تاني وهيك🐸💔كانت لابسة فستان مخنصر من الخصر وفاري من تحت طوله لحدي الجزمة لونه أسود مطبع بورود حمراء متوسطة وطرحة حمراء وجزمة زحافة سوداء لامعة طبعا سلوى جسمها مشاءالله مليان ومخنصر وجاي مع الفستان و اماني لابسة بلوزة شيفون لونها مارون غامق سادة وبنطلون لججينز قطني تقيل أسود وجزمة فانس بيضاء وطرحة بيضاء شيفون وعباية سوداء فوقها حسنة لابسة الزي الرسمي الرمادي.المهم قعدوا يتونسوا لحدي ما وصلوا بلسم وقفت قدام البوابة وقرت اللافتة:البراري،زمن منك ودخلت وجري للفصل مشت مكان درجها فتشته لقت فيهو قلم عبارة عن قلم حبر ورصاص سنن في قلم واحد من فوق فيهو شكل قلب مجوف ومعلق فيهو نفنوف(طبعا النفنوف ده كرة الفرو ديك ح أنزل صورتها).
بلسم رجعت لي صحباتها،أماني:ياخ اتذكرت حاجة بطالة خلاص،لما أستاذة الفرنسي قالت:إنتي بت ما مربية بلهجتها المكسرة ديك.
سلوى:خليكم من ده انتوا بكرة جاين أنا بديت امل.
أماني:كلبة ما شغالة لينا قبل شوية(انا زهجت من قعدة البيت دي ياخ).
بلسم فكت ضحكة من حيث لا يحتسب المدرسة لمن اتهزهزت(انتوا مركزين في اتهزهزت دي💔🐸)في مكان الخالات خالتو نفيسة:ده شنو ده؟!.
نيكول الجنوبية:ده بلسم أكيد ما زول غيره بضهك بطريقة ده.طبعا بلسم معروف ضحكتها بطااالة😹💔.
عند الشلة،أماني:هاي أنا قلت شنو لمن تضحكي زي ده؟!!.
بلسم:هو منو القاليك أنه أنا بضحك عشانك بضحك عشان شفت أستاذة هديل.
أماني،حسنة:الكريهة،الوسخة دي.
ورجعوا لي ونستهم.
سلوى:وينا وينا.
بلسم:جنب الخالة خهخخ نفيسة هههخه ونيكول،سلمى قبلت تلقى ليك،طبعا أستاذة هديل سمينة شديد وبي كل صراحة كده جعباتها ديل أستغفر الله بس حاجة عجيبة جدا😹😹😹فهمتوا،فهمتوا ما فهمتوا ميتينكم الله يرحمهم🍃💔،طبعا سلوى كانت وافقة زي الصنم ومبحلقة فيها ساي،أماني وهي بتمرر يدها قدام عيون سلوى هاي البت دي اتحجرت في مكانها ولا كيف؟!،سلوى زحت يد أماني وقالت ليها:هاي زحي يدك المعصعة دي من هنا.
حسنة:هاي إنتي مبحلقة زي ده وين؟!.
سلوى أشرت ليهم بي يدها.
حسنة وهي مخلوعة:ده شنو ده؟!،ده شنو الشايفاه أنا ده،انتوا شايفين معاي ولا أنا براي؟!.
أماني وهي ميتة من الضحك:لالا ما إنتي براك.
بلسم وهي ما قادرة تتنفس من الضحك:هسع هههه عرفتوا هخخخ أنا كنت بضحك في شنو😹.
طبعا المنطر البتكلموا عنوا ده منظر أوفر شديد،طبعا هديل سمينة شديد ولابسة عباية ضيقة عليها وخانقة روحها بالحجاب والمشكلة الأكبر أنه هي شايلة فطرتين طعمية بالشطة وبتاكل فيهم الإتنين بشراهة،والمشكلة الأكبر من الكبر أنه بتأكل قرمة من الفطيرة الأولى وقرمة من الفطيرة التانية وخشمها مفتوح أقصد قدومها مفتوح،طبعا الأربعة ديل لو ضحكوا الدنيا دي بتقوم وتقع.
حسنة وهي بتضحك:شوفها واقفة كيف😹.
أماني:هاي ي حسنة أحسن تسكتي وتوقفي ضحك،لأنه ح تشمنا.طبعا بلسم من بتصور فيها بالفيديو بالدس(طبعا بلسم معروف أنه اي حاجة بتوثقها بالفيديو والصور).
حسنة:هاي الأستاذة دي مالا قريبة مننا زي ده؟!.والأستاذة ماشة في تزايد،قرب قرب قرب الساعة التجي بي جنبهم الأستاذة عاينت ليهم بطرف عينها ومشت طبعا هم ماسكين الضحكة.
يتبع...
ماتنسوا التصويت عليكم الله صوتوا علي كل جزء ما حاجة صعبة بس اضغط علي النجمة التحت دي⭐🙂💕
تنويه:
ي جماعة أختي نشرت رواية في حسابها الحالي ده زاته اقروها إسمها My Star...💖💫