أحببت من كنت أكره 💛(متوقفة مؤقتاً⚠)

الجزء العشرين

سارة:هيهيهي😆،إنها المعدة الحديدية.
يوسف:معدة حديدية شنو!!دي معدة ماسية عديييل.
سليمان:خلو المعط وارحكم برة.
المهم قعدوا و اتونسوا بس الخروف لسع ما وصل،سارة:ياخ الكلام ده ما بنفع الطقة دي إتأخرت ياخ.
لغمان:خلاص ننتظر بس،نعمل شنو؟!.
سارة:لالا انا ما بقدر أتحمل الجوع أكتر من كده اصلا انا فطور ما فطرت زي الناس،ما بقدر أتحمل،مشت على عربية سليمان وطلعت كيس اسود كبييير فنقول ده كيس وساخة كبير.
سليمان:ده شنو ده؟!.
سارة:ده كيس وساخة عشان ما نوسخ.
لغمان:خلاص مالو منفوخ كده؟!.
دعاء:بيكون ملته أكياس.
لغمان:يمكن.الساعة سارة جات فتحت الكيس ما في شئ ما خلته؛اندومي أشكال والوان،شيبس ليز و دريتوز،تايغر،ليون وهلم جرة وأي شيبس يخطر على بالكم والخ...
سليمان:سرورة ياخ😏.
عمار:قدرتي تشتري كيف؟!.
سامي:وأخيرا نطقت.
سارة:ي جماعة دي آخر بضاعة في السوبر ماركت(طبعا أبو سارة تاجر سمسم وعنده سوبر ماركت)والعايز أهلا وسهلا والما عايز هداك الدرب يمشي السوبر ماركت يشتري.طبعا لا يزال هم طلبة مساكين وطماعين مهما كان عندهم من قروش😂ما بحبوا يصرفوا القروش في الفارغة عشان كده أي واحد جر واطي وشال العايزه،مرت دقيقتين كده و الشفاتة جو(قايلينهم ناس الطقة صح لكن...)ديل باقي الشلة الكريمة،اي باقي الشلة،مالكم ي جماعة أي ديل باقي الشلة الكريمة،لكن ما بقدر اوريكم ليهم لانه خشمي تعب،اي خشمي تعب ما يدي🌚.
سليمان:وأخيرا وصلتوا.
دعاء:ياخ انتوا ديل مواسير عشرين بوصة عديل كده أقسم.
رد:ياخ المكان بعيد ياخ فتشناه في قوقل ماب ما ليقيناه بساهل الحتة بعيدة+منبرشين في الطقة.
سارة:عان الوهمي ده،طقة شنو بلاي؛ده مجرد تسالي وتسخينة لبعدين ساي.
رد:لا حولاااا إنتي جادة؟!.
سارة:آي والله.
المهم قعدوا يتونسوا وبقزقزوا وبتاع لحدي ما الدلفري وصل وصل قريب للعصر كده لأنه الحتة كانت بعيدة والوصف شوية صعب عشان كده اتاخروا وطقوا طقة ظابطة واي زول تندل بطنه لما ما قادر يمشي من شدة الشبع وكلهم مرقوا برا وفرشوا ليهم موكيت،منهم الرقد نام ومنهم الكان ماسك تلفونه بتبظ،منهم البقوا بتوتسوا بضاحكوا وبتاع وصبت ليهم مطرة خفيفة كده والجو بقى نسيم عليل وغمام ظابط المهم الجو كان أوروبي🐸💔،سامر:ي سارة عليك دينك مع جو الظابط ده والنسيم العليل ده امعطينا بشعر من اشعارك دي ياخ.(طبعا سارة شاعرة وبتكتب شعر وكده وزولة موهوبة في الشعر وبتحفظ شعر لكبار الشعراء وهيك🌚💖)
سارة:ظابط،احم احم،مع النسيم العليل الهادئ الساري،أهدي إليك تحياتي وأشعاري،مقدرا لك ما أنجزت من عمل،نرنو إليه بإجلال وإكبار،يا قائد العرب في...
وفي مكان آخر:
علت صوت ضحكات زعزعت المكان بصوتها العالي:إنت جادي عملنا كده.
علي:أي ياخ،ياخ كمان أكتر شئ محرج،إنت ي هزبر تتذكر لمن نوني دخلت الأوضة وقبضتك وإنت ما عارف.
هزبر:متين ده؟!.
علي:ياخ لمن شفنا الكاميرات ياخ.
هزبر:أحكي لي ياخ ما متذكر انا.
علي:ياخ دي إلا ندخل الغرفة.
المهم دخلوا وبعد دقائق كده اتفقعت ضحكة زي الفاتت واكعب كمان.
هزبر:ي زول إنت جادي ولا زدت كوزين.
علي:ياخ أنا جادي،لكن إنت نسيت بس،ياخ قانون أثر معاك وعليك وعلي ذاكرتك كمان.
هزبر:ياخ أثر معاي ساي،ياخ بقيت زي العجوز واكعب(ي جماعة ما اخمكم وعارفة الشمار حارقكم لكن بتتعرفوا على القصة لي قدام😁).
علي:ي زول ما نسينا أنه الليلة ليلة الأفلام والسهر.
هزبر:خلاص ما راح شي ورح نجهز طقة السهرة.
مشوا على المطبخ وما خلو شي ما شاله،فشار كتييير وده اهم شئ في السهرة طبعا،شيبس بطاطس معمول في البيت،شيبس ليون ملح بالخل😋،ديريتوز حار و حلو،شوكولاته تويكس و كت كات،ومشوا دخلوا الغرفة قفلوا الشبابيك بالستائر وطفوا الأنوار وقعدوا في نص الغرفة وختوا اللابتوب قدامهم ولابسين فنايل داخلية وشورتات😹(ياخ انتوا ما بتتوبوا😹)وقعدوا ساهروا زي ما أنا بساهر للساعة تلاتة صباحا.
في مكان تاني:
حركت جفنيها واستيقظت بنشاط وبفرح أيضا،ذهبت للحمام وقامت بالاستحمام،أخذت وقتا كاف للاستحمام،نظفت أسنانها تؤضات وصلت صلاة الصبح،ألقت التحية على أفراد عائلتها،واخدت كوبا من الشاي وذهبت إلي الحديقة الخلفية أو كما تقول هي(الزقاق😹)،وجدت ابنتها تذاكر بجد واجتهاد وجنون و(هستيريا😹) ألقت عليها التحية الصباحية:صباح الخير.
بلسم:صباح النور.
آمال:وأخيرا شديتي حيلك في الأسابيع الأخيرة😜.
بلسم:أمي ياخ بطلي مشاغلة😧.
آمال:خلاص خلاص😹.
بلسم وقفت على حيلها وختت يدها في جبهت أمها:هاي أمي إنتي حاجة،حمى؟!عيانة؟!.
آمال والإبتسامة من الضرس لضرس:هاي الليلة راجلي ما جاي(إحساس انتوا مركزين في راجلي دي🌚😹💔).
بلسم وهي رافعة حاجب:أحم أحم،اشي على الرومانسية😏+وانا اقول من قبيل شايفاك تشيلي وتتبسمي وابتسامتك من الضرس للضرس اتقول ماسكاك فريحانة هسع عرفت السبب شنو.
آمال:هي مالك مش بحقي أفرح😌👅+قالوا لي نازلين الأيام دي مراجعة.
بلسم:اي،محن بس،في داعي في الإسبوع الأخير.
آمال:خلي الكلام الكتير والفصاحة،يا هو ده الترحيل جاء
يتبع...
وصوتوا على كل الاجزاء💜🌚⬇🌟