أحببت من كنت أكره 💛(متوقفة مؤقتاً⚠)

الجزء الثامن عشر

بلسم جابت ليها موية:يعني أمك خليتك تجي؟!.
مفاذ وهي بتشرب هزت ليها رأسها بمعنى أي.
بلسم:بالجد؟!كنت قايلاك هربتي.
مفاذ:شنو؟!ي بت أنا وقفت مع أمي العلع معاها لمن عطشت.
بلسم:باين😂.
مفاذ:إنتي أمك وين؟!.
بلسم:أمي مشت الخدار.
مفاذ:ومنى؟!.
بلسم:في الغرفة فوق.
مفاذ:ممكن تناديها لي اشوفها.
بلسم:جدا،مافي اي مشكلة.
مفاذ بغمزة:وجيبي معاك التلفون😉.
بلسم نادت نوني وشالت تلفونها(رفيق الدرب و الحياة🙂)من نوني لكن ح ترجعه طبعا،نوني لمن جات نازلة مفاذ سلمت عليها بحب ونوني كمان وقعدت بعيد منهم.
مفاذ:اها وريني الصور+ما تضايقي مني لأني بالجد متحمسة اشوف إخوانك.
بلسم:لالا ياخ مافي اي مشكلة.
بلسم فتحت التلفون وفتحت الأستوديو و ورت مفاذ الصور،طبعا مفاذ ساحت بقت زبدة سايحة.
مفاذ:وتقولي لي إخوانك ما مظظ وناس عاديين،إنت إنت إنت عايشة معاهم كيف؟!والحقيقة كده أختك دي مظة عديل كده.
نوني لمن سمعت الكلام ده رأسها بقى كبييير.بعد ما مفاذ شافت الصور واتمعنت فيهم وساحت سألت بلسم:إنتي جادة لما قلتي لي أنه ح نقرأ.
بلسم:أنا ما جابراك لكن أحسن نقرأ ونمضي وقت طويل أحسن وبعدين تمشي وبلا بلا بلا(كلام كتير)المهم بلف و دوران حتى بلسم اقنعتها إنه تقعد تقرأ معاها،قالوا يبدو من الجغرافيا.
بلسم:أنا ح... والجرس دق فتحت الباب لقتها أمها شايلة خدرة وسلطة سلمت علي مفاذ واتجهت علي المطبخ وقالت:ده شنو الخائن ده،خائن خلاص.
بلسم:أمي في شنو؟!زعلانة وزهجانة زي ده؟!.
آمال:فاروق قال لي الكيلو بتاع الطماطم ب300جنيه زاد فيها100جنيه تاني ما بشتري منه ولا حبة ليمونة(طبعا فاروق ده حق الخدار بتاع الحلة).
بلسم:وما تقولي لي اشتريتها؟!.
آمال:غبيانة انا ولا غبيانة،اشتري منه كيلو طماطم ما جايب حقه ب300جنيه.
بلسم عارفة كلام أمها كتير وما اشتغلت بي الموضوع كتير ومشت لي مفاذ وقالت:معليش ياخ إتأخرت،طيب انا حأحفظ وحأ.... نوني كانت قاعدة جنبهم وكوركت:أمي إنتي ح تعملي الخدرة دي مطبوخة ولا مفروكة.
آمال:أكيد مطبوخة و حتحشيها(تفرميها)إنتي.
نوني:لي ياخ.
بلسم:نوني اسكتي،المهم انا حأحفظ وحأحفظك مع....
آمال:نوني،افتحي التلفزيون في خبر مهم في قناة الحدث،الساعة نوني التفتح ليك التلفزيون والصوت100%وكلام فارغ،بلسم ومفاذ فقدوا تركيزهم.
بلسم:نوني نقصي الصوت ده،اصلو شنو هو،حفلة ياخ.نوني ولا سامعة كلامهم القاله زاتو دخلته بجاي مرقتوا بجاي.
بلسم:إلا ندخل الغرفة وبدأوا يقروا كده ونوني جاتهم بصوت الكيبورد بتاع التلفون:تك تك تك مرقوا الهول نوني تاني جاتهم وهي بتحش في الخردة،بلسم:حل واحد،نمشي الحديقة،مشوا الحديقة وعم السلام اخيرا،قروا الدروس كلها وركزوا في الدروس الملكلكين فيها وحفظوها ومشوا للمادة البعديها لحدي العصر كده انتهوا ومفاذ قررت ترجع البيت بلسم قدمتها للبيتها ورجعت بيتهم لقت لغمان جاء العصر آذن وصلت العصر وفهد اليوم ده جاء بدري وآمال ظبطت ملاح الخدرة المطبوخة وختت ليهم الغداء واتغدوا والوقت مر لحدي المغرب وبلسم أخدت ليها ريست بسيط ورجعت تقرأ تاني وكانت شادة حيلها في القراية والجاء العشاء وصلت ونامت بدري بأمر من أبوها وأمها.
وتمر الثواني والدقايق والساعات والايام وهكذا علي التوالي الصباح جاء ككل يوم والنفس الروتين اليومي والممل ونفس المشكلة ونفس حلها،لغمان و موضوع الطلعة بتاعت الشلة،نوني ومللها بتاع الأجازة،بلسم وقرايتها،آمال وطبيخها وملاحها،لغمان وتجهيزات الطلعة،فهد وعيادته وشغله،كل زول في همه ونفسه،وما بتلاقوا إلا في الغداء وشاي المغرب ونفس الروتين الممل اليومي.
لحدي يوم لغمان بعد الضهر....
يتبع...
ماتنسوا التصويت عليكم الله صوتوا علي كل جزء ما حاجة صعبة بس اضغط علي النجمة التحت دي⭐⬇🌚💕