أحببت من كنت أكره 💛(متوقفة مؤقتاً⚠)

الجزء الرابع عشر

آمال:انا جني وجن شغل البنات الشغالات النئ ده،بعدين انا ما مرة كسلانة وخمجانة ورمدانة عشان يجيبوا لي شغالة تشتغل لي أبسط الشغل بري ي بت أمي،نبرى ونستبرى.
نوني كانت واقفة دايرة تشوف نهايتهم شنو؟!،ختت صحن البسكويت في الترابيزة وقعدت في مكانها وقالت:اها قلتي لي شنو؟!.
بلسم كانت فاتحة خشمها بوسعه من الليلة لباكر ومنططة عيونها ب خلعة وإستغراب،فهد:بت؟!بلسم مالك؟!
بلسم:مافي شئ.
نوني:خلي العباطة و اقفلي خشمك ده ح تدخل ليك ذبابة ومعاها راجلها و ح يرقصوا اسلو دانس(أمل كيفكتمام🐸💔).
بلسم:خلاص؛لكن ي أمي جيبي لي المصحف.
آمال:لي عايزة المصحف؟!.
بلسم:القيامة ح تقوم.
لغمان:يادوب عرفتي.
بلسم:لا القيامة ح تقوم قريب؛الأسبوع الجاي ده ح تقوم.(مقومة لينا القيامة مالك؟!🐸💔).
نوني:عرفتي كيف؟!وريني!!.
بلسم:الصحن مليان بسكويت،دي غريبة دي!!.
نوني في البداية ما فهمت ولا ركزت في كلام بلسم؛شالت كباية الشاي وشالت البسكويت؛وشالت ليها جغيمة(مركزين في جغيمة دي🐸💔)ونزلتها،وعينها مقلعات زي البصل في ملاح الروب الأبيض،نوني بإنفعال:يا تافهة يا عواليق يا مستهبلة ده كلام تقولي لي انا؟!.
لغمان:يادوبك ركزتي ده إذا حرامي سرق حاجاتك كان ح يجري ويربح.
فهد شاف الساعة في يده وكان لابس وجاهز:انا بعد كده لازم اتخارج أمشي،مع السلامة،وشال مفاتيح العربية وسلم علي امه ومرق؛ركب العربية واتوجه نحو العيادة،كان في شوية زحمة في الطريق لكن وصل لأنه العيادة قريبة لقى تمتم مافي لكن لقى بدلها إبراهيم اعرفكم بيه:(شغال موظف إستقبال وخبير في تقويم الأسنان صاحب فهد روح بالروح)كان في منتظرين قرابة خمسة او ستة أشخاص.
إبراهيم:صباح الخير؛وأخيرا جيت في منتظرين كتار والتيم كله مشغول.
فهد:صباح النور،لالا خلاص انا وصلت المشكلة ب تنحل.
أعرفكم بالتيم بتكون من:(براءة،كوثر،محمد،درغام،ليسا)؛براءة:كيوت جدا لونها اخدر صافي شعرها كيرلي اسود ب نتعرف عليها الأيام الجاية.
كوثر:جميلة جمال مبالغة وكيكة محجبة.
محمد:الزول ده وجيه وجاهة كده ما طبيعية ف نقول مظ عديل كده.
درغام:سوداني فيه عرق أردني زول اصفراني شعره ناعم ومواصفات مختلطة بين العرب و الأفارقة.
ليسا:قبطية؛حلبية شديد شعرها أصهب لكن أقول ليكم الحقيقة ما حلوة شديد،شينة شوية بس ما الشنة الما تتقبلها ف نقول وجيهة ولطيفة وظريفة لكن نفسها حاااار.).
فهد لبس اللابكوت بتاعه،طبعا ما وريتكم هو متخصص أطفال دخل العيادة ومنتظر وبعد دقائق جاء عليه طفل بعمر تسعة او عشر سنوات،وكان خايف،لمن جاء داخل فتح الباب براحة ودخل رأسه اول حتى بعدين دخل هو(إحساس لمن تكون سرقت حاجة من المطبخ وعايز تكشف المكان آمن ولا لا🐸💔)لمن دخل،فهد إبتسم ودخل المرافقين المعاه كانوا بتين كانوا بيتكلموا لكن الكلام الوحيد السمعه هو:مش قلت ليك أطباء الأسنان ديل مظظ اقتنعتي هسع،التانية:لا ما اقتنعت،دخلوا وقفلوا الباب وراهم قعدوا في كنبة المرافق وفهد بدأ بسألهم الأسئلة المعتادة:إسمك منو؟!.
الولد:مراد.
فهد:اها ي مراد الجاي معاك منو؟!
مراد:أخواتي؛سهى،أماني.
سألهم:عمره كم؟!.
سهى:8سنوات.
فهد:جميل جدا(بأبتسامة).
أماني بهمس:انتي عارفة ي سهى انا اقتنعت.
فهد قال لي مراد: قول اااا فتح فمه بي تردد.
فهد:ما تخاف عايز افحص أسنانك،بس فهد شال مراية الكشف وخلاص عايز يفحص،قفل فمه وكان بيرجف.
فهد أبتسم:انت خايف من شنو؟!.
مراد:منك.
فهد:لي ياخ حرام عليك،هسع الحيزعجك أكتر منو؟!الألم ولا انا؟!.(حرام عليك بالجد ياخ زول مظ زي ده تخاف منو حرااام🐸💔).
فهد عمل إشارة للمرافقين أنه يخليهم براهم في البداية ما ركزوا لكن المهم في النهاية مرقوا.
فهد:انا ح اديك هدية لكن بشرط أنه تكون شجاع،موافق؟!.
مراد:موافق،بس هي شنو الهدية؟!.
فهد:مفاجأة.
مراد:انا بكره المفاجآت.
المهم فهد كان بفحص أسنانه لقى عنده إلتهاب في اللثة وضرس لبنى.(العارفين عارفين والما عارفين خلي يتلموا🌚💔)،خدر له الضرس لكن لمن كان عايز يقلع الضرس خاف عشان كده قفلوا فمه بسرعة.
فهد:ما تخاف ما حتشعر بي شئ.
مراد:بالجد،وخلعه ليه.
مراد:خلاص؟!.
فهد:أيوه.
مراد:وينها هديتي؟!.(عمك شفقان🐸💔).
فهد:بجيبها ليك،فهد مشى علي إتجاه تلاجة الآيسكريم شال نكهة شوكولاتة😋و فانيلا يعني أتنين وكان في دولاب زجاجي حائطي فيه كمية المنتجات،شيبس وكمان ما اي شيبس ديريتوز وبسكويت ويفير بكل النكهات وحلويات وحلويات مصاصة وحاجات كتيييرة،المهم فتحه وقال ليه اختار العايزه جاء جاري واختار العايزه،مرق عكس ما كان عليه فرحان بمشي مشية الأرنب النطاط(عرفتوها؟!🐸)أخواته لمن اتخلعوا،فهد نادى المرافقين ووراهم أنه عنده شنو ونصحهم أنه يهتموا كيف بضرس اللبني المخلوع جديد وغيره.
فهد كان منتظر المريض الجاي،لكن ما جاء افتكره تأخر اكتر من اللازم مرق لقى المنتظرين كلهم كبار مشى لي إبراهيم لكن لقى تمتم مشى عليها وسألها:انت ي تمتم مافي منتظرين؟!.
تمتم:يب.
فهد:عشان كده.
تمتم:عندي ليك خبر مهم شديد.
فهد:شنو؟!
يتبع وصوتوا...