أحببت من كنت أكره 💛(متوقفة مؤقتاً⚠)

الجزء العاشر

خلاص انحنا هسع جاين عليكم وهم في طريقهم مروا علي ناس نوني وتابعوا وهم في الطريق خططوا أنه لمن يصلوا يقولوا ركبوا دورة تانية في السفينة وما في اي شي حصل ليهم لانه لو حنين وآمال عرفوا ح تكون مشكلة كبيرة جدا ح يقلبوا الدنيا راس علي عقب وح يقولوا ليهم إلا نرجع البيت وهم ما عايزين يخربه البرنامج حقهم وسهرتهم،لمن وصلوا حنين وامال و تمتم قعدوا يسألوا فيهم اتاخرتوا ليه؟!
البنات:ركبنا دور تاني!!
آمال ركزت في البنات:يا بنات وشوشكم دي لي مخطوفة كده كأنكم شفتوا ليكم جنية طايرة بجاي؟!
حنين:اي،مالكم؟!بذات انتي ي بلسم!!
بلسم:لالا ولا حاجة بس لو ركبتوا السفينة ديك قلبك ده بقع منك مش كده ي بنات؟!
نوني ودانية:ااا اي والله مخيفة شديد
آمال وحنين:مالكم بتمتموا كده؟!
نوني ودانية:ما قلنا ليكم السفينة مخيفة ياخ!!
والباقين ولا قالوا ولا حرف وبقوا ينسوهم في الموضوع طبعا لانهم متفقين إنهم ما يقولوا أي شيء من الحصل حنين وامال في البداية ما اقتنعوا لكن فهد قال انو في النهاية جو سالمين،حتى بعدين اقتنعوا أما تمتم كانت مرتاحة نفسينا لأنو فهد كويس ركبوا المركب بلسم لاحظت انو السواق المركب بفك حبل،بلسم كانت مايلة لي وراء خلاص لمن المركب اتحرر مالت لي وراء اكتر وقربت تقع لكن لغمان مسكها لغمان:انقذتك المفروض تشكريني،بلسم بي زهج لانو عارفة بعد تقول شكرا حيسوي شنو:شكرا لغمان
لغمان بعد ثواني من الصمت فك ليه ضحكة😂(مجنون رسمي طبعا)المهم دانية كانت مندمجة مع الونسة وكأنه ما،حصل شىء الجميع كانوا منشغلين بالضحك أما بلسم كانت سرحانة وحيرانة في شىء كانت في الحالة دي لحدي ما تموا لفة فهد ركز فيها وجاء جمبها،فهد:بلسم
بلسم:لا رد
فهد:بلسم
بلسم:لا رد
فهد:بلسااام
بلسم:أيوة معاك معاك
فهد:ما تخافي انا معاك ما تفكري في الأمر بلسم:اي أمر فهد: أمر ال...
بلسم:ااا،لكن منو القال ليك انو انا فكر فيهوا انا بفكررر...فهد:بتفكري في شنو!؟
بلسم:في ملاح نعيمية خالتو سلوى
فهد:أصلك ما بتتغيري
بلسم:التغير ما في قاموسي😌✌💜
لغمان بدون مقدمات:سمعت لي سيرة ملاح نعيمية خالتو سلوى
بلسم:اااه ذكرتني بملاح الخدرة المفروكة
لغمان:الخدرة المطبوخة احسن(مفرومة)
بلسم:المفروكة
لغمان:المطبوخة
وظلوا في الحال ده بتغالطوا،فهد مشى لي تمتم وبقوا يضحكوا ويتونسوا
عند آمال وحنين:
حنين:انتي ي آمال صحي نفيسة خطبوها
آمال:اي كمان قالوا شيلتها بعد تلاتة أسابيع من الآن
حنين:بلاي!!
آمال:لكن انتي عارفة؟!الشيلة ح تكلف أهل العريس شديد بتعرفي ناهد ام نفيسة بوبارة شديد ح تتطلب حاجات غالية ومكلفة
حنين:والله كلامك صح ح تكلفهم شديد ولو ما جابوا ليها طلبتها ما بتعرس ليهم البت بعرفها كويس انا حتى مرة قبل كده قالت لي كده لو ما لبوا وحققوا لينا طلباتنا مافي ليهم اي عرس وما بعرس ليهم بتي ولا يحلموا بيها ولا يعشموا فيها،وبقوا بتونسوا في شمارات الحلة
ناس دانية:نفسي يكون لي في...
نوني:دريتوز
دانية:لالا
نوني:كوخ خاص بيك براك ما معاك اي زول زي اكواخ مهندسي الاكواخ بتاع ناتجيوه كيدز
دانية:اصبتي
نوني:شافعة دي+معطتيني معط
دانية:اتحمليني
وبهناك عند ناس هزبر:
هزبر وعلي لغمان ماسكين تلفوناتهم وما شغالين بالناس
علي:عندي فكرة جهنمية
لغمان:شنو؟!
علي:لمن خلاص اللفة الأخيرة نشغل أغاني وعلي الإيقاع ظابط
لغمان:ظابط هزبر معانا
هزبر من دون اهتمام:اي معاكم
بلسم كانت لسع بتتأمل في النيل،فجاء تذكرت البيتزا مشت جنب آمال أمها وقالت بكل ظرافة:ماما؟!ممتي؟!
آمال:نعم؟!
بلسم:البيتزا وين؟!
آمال:جنب سواق المركب ومعاها صحون حاجات تانية ورجعت لي ونستها
بلسم مشت وشالت البيتزا والباقي قعدت في محلها ووزعتهم في صحون غير مرتجعة شالت قطعة بيتزا وشالت تلفونها وفتحت الفيسبوك في نفس الوقت لغمان قبل كدا لقى البيتزا عمك فرح وشال قطعتين بيتزا ادهم لي هزبر و علي هزبر شال القطعة واكلها وهو شال اتنين واكلهم؛هزبر من الزهج والملل أتحول لي فرح وسعادة،هزبر:اوووو ظابط بالمودزريلا سمحة ياخ!!منو العملها
لغمان:بلسم
بهناك:بلسم يادوب كملت البيتزا الأولى كانت دايراة تشيل امال ادتها نظرة كدا كأنه بتقول وزعي للناس،بلسم في نفسها:ده شنو ده ياخ لغمان ما شال اتنين ليه ما سألته؟! المهم شالت صحنين ووزعتهم علي الناس وشالت التانية يادوب وفي اللحظة دي الجولة التالتة يادوب انتهت،بلسم فتحت الانستقرام مسافة ما يحمل المنشورات الجديدة لأنه الشبكة كعبة وضعيفة شوية ختت التلفون جنبها لفتت يمين شمال عشان تشوف ليها حاجة مشوقة وقفت رأسها فجأة؛كانوا فهد وتمتم عاملين وضعية رومانسية جدا كانت تمتم ماسكة يد فهد وخاتة رأسها في كتفه وهو محاوط خصرها بيده،لغمان طلع البسبوسة وكيك الشكولاتة و السامبوسة وبقى بيأكل بمزاج تام قال للناس شيله؛ناس كلهم شاله إلا فهد وتمتم،لغمان شال قارورة موية وبقى بشرب منها لمن ركز في فهد وتمتم الوضعية الهم فيها بقى بكح كح لانه اتشرق بالموية الناس كلهم ركزوا فيهوا امه سألته:مالك؟! لغمان:لالا.