أحببت من كنت أكره 💛(متوقفة مؤقتاً⚠)

الجزء الثالث والعشرين

آمال:ب بت وشك مالو مخطوف كده؟!ونفسك قايم؟!.
بلسم وهي بتمتم:في ف ف في،زول ب ب ب بشبه أبوي شبه اداني كوكيز،ده ده ده جني اكيد،لأنه أبوي بجي بليل.
آمال:جني شنو ي بت انتي الإمتحانات دي أثرت عليك ولا كيف؟!.
بلسم:والله ده جني،ده ما أبوي.
آمال فكت ليك ضحكة من شدة الضحك لمن ما قادرة تتنفس:ههههههههههههههههاي ده هههههاي أبو هههاي ده أبوك جاء ي بت الناس هههههاي.
سمعت صوته في الصالة وهو بنده عليها:بيسو،ب بت بلسم،مشيتي وين؟!.
بلسم في الحالة دي قلبها فار من الخوف وبقت تقول في نفسها:بنادي فيني عشان يقتلني صح؟! ومرقت بخوف شديد،طبعا كان واقف قدام باب الصالة وضوء الشمس وراءه وشكله بقى صراحة كده مخيف شديد والحتة مضلمة لأنه أنوار الصالة مطفية،بلسم مشت على الكنبة بخوف وهي بتبسمل قعدت في الكنبة لما شافت شكله المخيف داك وهو بضحك اطرافها اتجمدت وما قدرت تقوم من محلها وهو جاء قعد جنبها وهو لسع بضحك.
مجد الدين:أهدي ي بت أهدي.
بلسم قبلت لقته جنبها من شدة الخلعة قامت بسرعة وهي ماشة حركة خلف وقعت فاظة كانت جنب الكنبة وانتكسرت،مجد الدين جاء عليها بسرعة قبل ما تدوس على القزاز ومسكها من كتفها وبقى بهز فيها براحة:ي بت ده انا،في زول بخاف من أبوه قدر ده؟!.
بلسم وهي لسع ما مصدقة:اعرف كيف؟!.فكرت لمدة ثانية ثانيتين كده وقالت ليه:اها تاريخ ميلادي متين؟!.
رد: 3/5.
هنا بلسم هدأت وقعدت عادي😹:هوف😥،اي ده انت.
مجد الدين:ولي انتي واثقة كده😕،يمكن ما انا😹؟!.
بلسم:لالا مستحيل ما تكون انت،إذا ما كنت إنت ح تكون إنت،لأنك دائما بتلخبط بيني انا ومنى لأنه انا يوم 5/3.
مجد الدين وهو بخت يده في لحيته:أيوه صح والله نوني هي يوم 3/5.وقعد في الكنبة.
بلسم لمت القزاز ورجعت قعدت جنب أبوها وبقت تضحك لمن نفسها اتقطع:إنت عارف ي أبوي أنا دي عويرة وعبيطة خلاص قال جني،جني شنو؟! وعباطة شنو؟!،جني شنو بجيني في وسط النهار؟!،لكن إنت خلعتني بالجد،قعدت جنبي واديتني كوكيز بدون اي مقدمات،المهم جلينا من الحصل قبل شوية ده كله،و وريني إنت ي أبوي لي جيت بدري كده مش قلت جاي بليل؟!.
مجد:ي ستي القصة أنه...إلخ.
بلسم:يعني حكيت لي القصة الطويلة دي كلها عشان تفسر لي أنه بليل الجو ح يكون كعب عشان كده بدلوا ليك التذكيرة بالصباح.
مجد الدين:أيوه😃.
بلسم:وااات؟!😕كان هسع إنتهيت من القراية😹،يلا أستاذنك انا ماشة أقرأ برا😊.
مجد الدين:إذنك معاك😊.
ومرقت قعدت برا وبقت تقرأ،لحدي ما إنتهت،أصلا هي كان قرت النص في اليوم القباله وفضل ليها النص التاني وإنتهت منه،بقت تقرأ من الأول وجديد عشان تعيد المادة،جاها أبوها تاني قعد جنبها عرفت إنه جاء عشان يتونس معاها وما حبت تكسفه وهي بالجد اشتاقت تقعد معاه.
مجد الدين:جيت اتونس معاك لو ما عندك مانع😊اشتقت ليك ياخ😉.
بلسم:جدا ما عندي أي مانع ولا مشكلة اصلا انا إنتهيت من القراية+والله انا مشتاقة ليك أكتر😢💙.
مجد الدين:وافقتي طوالي كده مالك؟!😹،كارهة القراية ولا شنو؟!😹.
بلسم:فنقول شامها🌚.
مجد الدين سألها:دقيقة دقيقة انا في حاجة ما سألتك منها قبل كده.
بلسم:وهي؟!.
مجد الدين:إذا امتحنتي ونجحتي واتفوقتي عايزة تقري وتخصصي شنو؟!.
بلسم:والله،نفسي أقرأ أداب انشاءالله.
مجد الدين:لالا ممتاز جدا،خلاص عندك جامعة محددة؟!.
بلسم:دي دايرة ليها تفكير ي يا أبوي،جامعة الخرطوم أكيد بلا تفكير.
مجد الدين:اووه طموح وأحلام عالية،انشاءالله بتدخليها ما دام إنتي مجتهدة كل الإجتهاد ده.
بلسم ابتسمت:انشاءالله،بالله خلينا من السيرة دي واحكي لي حياتك واعمالك ومغامراتك هناك في تركيا.
مجد الدين:بالتفاصيل المملة؟!.
بلسم:أمم،أيوه،بالتفاصيل المملة.
مجد الدين:هههه،غربية(طبعا أستغرب لانه بلسم بتكره التفاصيل المملة😂)المهم اااا ح أبدا بالأسبوع الفات...إلخ،قعدوا يضحكوا ويتونسوا مسااافة،جات فترة صمت مارة اي زول بفتش ليه في موضوع او حاجة يقولها،بس بلسم كسرت حاجز الصمت ده،أبوي عايزة أسألك سؤال؟!.
مجد الدين:باب الأسئلة مفتوح.
بلسم:قبييييل لمن جريت منك😅مش اديتني كوكيز ختيته وين؟!.
مجد الدين:عليك الله ده سؤال😂،كنت قايلك ح تسأليني أنه أقعد لي متين او حاجة بشكل ده،تقولي لي كوكيز😅.
بلسم:أبوي انا جادة،عارفني ما بهظر في الكوكيز😋🌚.
مجد الدين:والله ما عارف ختيته وين لكن أمشي المطبخ ح تلقي الكرتونة شيلي وجيبي لي معاك.
بلسم:حاااضر.
مشت المطبخ وشالت أتنين وقالت في نفسها:لالا يا بلسم كده ما ظريفة ياخ.
بدت تفكر:اها💡شاي القرفة الأبوي بحبه،عملت الشاي وودته مع الكوكيز.
مجد الدين وهو بشاغل فيها:مشاء الله بقيتي راقية😏.
بلسم:أبوي،أبوي،ولا شكرا زاته،والله هسع بشيله أنا😒.
مجد الدين:لالا خلاص خلاص،يعني الزول ما يهظر معاك ولا كيف؟!+وشكرا.
بلسم:اي ما يهظر😂+لا شكر علي واجب😌✌💙.
مجد الدين عايز يشرب كده جاتهم نوني وهي شامة الوضع لمن ماف طريقة:شاي شنو ليكم؟!،تعالوا الغدا.
بلسم:فقلي خشمك واقطعي وشك ده من هنا،وقولي لي أمي جاين.
يتبع...
وما تنسوا التصويت...
صوتوا...