ပန်းပွင့်နတ်သမီးပုံပြင်ကိုဆက်ရအောင်...
နတ်သမီးက နှင်းဆီပန်းကိုသွားမေးတယ်...
ဘယ်မှာနေချင်သလဲတဲ့...
နှင်းဆီပန်းတွေကဖြေတယ်...
သူတို့အတွက်လုံခြုံတဲ့နန်းတော်နံရံမှာနေချင်တယ်တဲ့...
နတ်သမီးလေးက ဝမ်းနည်းသွားတယ်...
သူမကနောက်ထပ် ဒုဓလီပန်းတွေကိုထပ်မေးတယ်...
သူတို့ဘာဖြေမယ်ထင်လဲ??
🍃🍃🍃🍃🍃🍃🍃
ခရစ္စမတ်ကလျင်လျင်မြန်မြန်ကုန်ဆုံးသွားပြီး
ကျောင်းသူကျောင်းသားတွေအတွက် ပျော်စရာပွဲတစ်ခုသာကျန်တော့သည်။
ထိုပွဲသည် New Year ည ကျင်းပမည့် နှစ်သစ်ကိုကြိုဆိုသည့်ပွဲပင်။
ကျောင်းသားတွေကို တစ်ယောက်စီကျ ပိုက်ဆံအနည်းငယ်ကောက်ခံကာ New Yearညအတွက် အစားအသောက်တွေ ချက်ပြုတ်ကြမည်ဖြစ်သည်။လိုသည့်ပိုက်ဆံကိုတော့ ကျောင်းအုပ်ကြီးက စိုက်ပေးသည်။
"ဒီည ပွဲပြီးရင်တော့ ဘာပွဲပဲကျန်လဲ??"
သခ်ျာဆရာမ၏မေးခွန်းအဆုံးတွင် ဆယ်တန်းကျောင်းသူကျောင်းသားများ၏ သံရှည်ဆွဲညည်းညူသည့်အသံများက ထွက်ပေါ်လာသည်။
"စာမေးပွဲ~~~"
"အေး စာမေးပွဲရှိတာတော့မှတ်မိကြသားပဲ!"
ထိုစဉ် အလယ်တန်းတွင်ထိုင်သော ကျောင်းသားတစ်ဦးက ထအော်သည်။
"ဆရာမ! ကြားထဲမှာပွဲရက်တစ်ရက်ကျန်သေးတယ်ဗျ"
သခ်ျာဆရာမသည် မကြည်မလင်မျက်နှာဖြင့်
"ဘာပွဲကျန်သေးလို့လဲ!ဪ လွတ်လပ်ရေးနေ့ကိုပြောတာလား...မပူနဲ့ အဲ့နေ့ကြရင် နင်တို့ကလွဲပြီး တစ်နိုင်ငံလုံးလွတ်လပ်တယ်!"
ခုနကအော်ပြောသည့်ကျောင်းသားကပင်ဆက်ပြောသည်။
"မဟုတ်ဘူးဆရာမ.. လွတ်လပ်ရေးနေ့မဟုတ်ဘူး!"
"ဘာနေ့လဲ??"
"Valentine day!"
ထိုကျောင်းသား၏အဖြေအဆုံး တစ်ခန်းလုံး ဆူညံသွားသည်။
သခ်ျာဆရာမသည် စာအုပ်ဖြင့်ခုံကို ဖြန်းခနဲရိုက်ချပြီး အသံများကိုငြိမ်အောင်ထိန်းကွပ်လိုက်သည်။
ပြီနောက်မတည်မတင်းမျက်နှာဖြင့်
"စာမေးပွဲနီးပြီနော်! ဘာသံညာသံမကြားချင်ဘူး... ချစ်ရေးချစ်ရာ ကိစ္စတွေကို တက္ကသိုလ်ရောက်မှလုပ်...အဲ့ခါကြရင်ရိုးရိုးမရွေးနဲ့ ခေါင်းခေါက်ပြီးရွေးကြ..ပြီးတော့ နောက်နေ့ လပတ်စာမေးပွဲ Result အတွက် ကြိုပြင်ဆင်ထားကြ!"
ESTÁS LEYENDO
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15
