Oops! Această imagine nu respectă Ghidul de Conținut. Pentru a continua publicarea, te rugăm să înlături imaginea sau să încarci o altă imagine.
Dandelion လေးတွေရဲ့အမြစ်က မြေကြီးထဲကို နက်နက်ရှိုင်းရှိုင်း ကုတ်တွယ်တတ်ကြတယ်။
မြေကြီးထဲမှာ ကုတ်တွယ်လေလေ ဖယ်ရှားဖို့ခက်လေပဲမလား။
ကျွန်တော့်ရဲ့ dandelion လေးကလည်း အဲ့လိုပါပဲ။ ကျွန်တော့်ရဲ့နှလုံးသားထဲကို နက်နက်ရှိုင်းရှိုင်းကုတ်တွယ်နေလေရဲ့။ဖယ်ထုတ်ဖို့ကြိုးစားရမယ့်အစား ကျွန်တော်ကိုယ်တိုင်ရေလောင်းပေါင်းသင်နေမိလေပြန်တယ်။
ဪ...Dandelion...
🌱🍃🍃🍃🍃🍃🍃🍃🍃🌱
ယနေ့သည် ဆယ်တန်းအခန်းတွင် အုတ်အော်သောင်းနင်း ဖြစ်သည့်နေ့ပင်။
အဘယ်ကြောင့်ဆိုသော် physics မေးခွန်းေဟာင်းတစ်ပုဒ်ကို ဘယ်သူမှ ထွက်မတွက်နိုင်သည့်အချိန်အခါတွင် အဂ္ဂါက ဦးဆောင်၍ ကျောင်းသင်ပုန်းတွင် ပြီးမြောက်အောင် တွက်ပြနိုင်၍ဖြစ်သည်။
တစ်ခန်းလုံးရဲ့ အံ့ဩသံတွေက ဆရာမကိုယ်တိုင်ပင်တားယူရသည်အထိပင်။
"အမလေး အဂ္ဂါ ကြားသားမိုးကြိုး။ဒီနေ့တော့နှင်းတွေကျတော့မလား။"
အဂ္ဂါသည် နေရာတွင်ပြန်ထိုင်လိုက်ပြီး ပြုံးတုံ့
တုံ့လုပ်နေမိသည်။ဘယ်သူကများ ကိုယ့်ကို တော်တယ်ဆိုတဲ့အကြည့်နဲ့ကြည့်တာ မခံချင်မှာလဲ။အထူးသဖြင့် မိမိကြိုက်နေပါတယ် ဆိုသည့် တိမ်လွှာကပင် သူ့ကို အားကျသည့်အကြည့်များဖြင့်ကြည့်နေသည်လေ။
ဒါကယောက်ျားတစ်ယောက်ရဲ့မာနလို့ပြောရမလား။ မိန်းကလေးဘက်က ကိုယ့်ကို အားကိုးအားထား မှီနွဲ့လာသည့်အခါ မြှောက်ကြွမြှောက်ကြွ ခံစားရသည်ပင်။
"အဂ္ဂါ ညတွင်းချင်း ဝိညာဉ် လဲသွားတာလား။"
မိုးညိုက ဘေးခုံကနေပြီး တီးတိုးမေးလေသည်။
CITEȘTI
TARAXACUM
Dragosteမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15
