တစ်နေ့ကြရင်ပေါ့... dandelionပန်းခင်းတွေဆီထပ်သွားမယ်....
မင်းလက်ကို တွဲမယ်...
လေထဲလွင့်သွားတဲ့ အစေ့လေးတွေကိုကြည့်ပြီး မင်းနဲ့မဝေးဖို့ဆုတောင်းမယ်...
🌱🍃🍃🍃🍃🌱
Taraxacum သည် သူ၏ တစ်ဦးတည်းသော ရွယ်တူသူငယ်ချင်း ချမ်းငြိမ်းသာနှင့် Dinning Room ရှိရာကို ထွက်လာသည်။
Taraxacum သည်မမေ့မလျော့ အဂ္ဂါအတွက် မုန့်ဝယ်ကာ မုန့်ဆိုင်က အမဆီမှာ သာ ထားခဲ့ပြီး အဂ္ဂါလာရင်ပေးဖို့မှာခဲ့လေသည်။
ချမ်းငြိမ်းသာသည် နိုင်ငံခြားသားသူငယ်ချင်း၏အပြုအမူထူးထူးဆန်းဆန်းကို ပင်နေသားကျနေပြီဖြစ်သည်။
Dinning Room. ထဲရောက်တော့ အဂ္ဂါတို့အဖွဲ့ကို စားပွဲတစ်ခုတွင်တွေ့ရသည်။
Taraxacum သည်အဂ္ဂါပြောဖူးသည်ကိုမမေ့ထားပါ။
အပြင်မှာဆို မသိသလို နေရမယ် ဆိုတာကိုပေါ့။
အစားအသောက်များအားယူပြီးနောက် ခပ်ဝေးဝေးက ခုံမှာ ထိုင်ရန်ပြင်စဉ် သူ့နာမည်အား လှမ်းခေါ်သောအသံကိုကြားရလေသည်။
"Tarax!"
ရင်းနှီးနေသည့်ခေါ်သံအားမမှတ်မိစရာအကြောင်းမရှိပေ။ဒါကသူ့ရဲ့ရင်နှစ်သည်းချာလေးရဲ့အသံလေ...
Taraxacum လှည့်ကြည့်လိုက်တော့ သူ့ကိုလှမ်းကြည့်နေသည့် အဂ္ဂါနှင့်အကြည့်ချင်းဆုံလိုက်မိလေသည်။
"ဒီမှာလာထိုင်.."
Taraxacum သည် ကြားရသည့်စကားကို မယုံတာကြောင့် သူ့ဘေးက ချမ်းငြိမ်းသာကိုကြည့်လိုက်မိသည်။ချမ်းငြိမ်းသာက သွားလေ ဟု တီးတိုးပြောသည့်အခါမှ အဂ္ဂါရှိရာသို့ ခပ်သွက်သွက်သွားလေ၏။ချမ်းငြိမ်းသာကတော့ နောက်ကနေ ကုတ်ချောင်းချောင်း လိုက်ပါလာလေသည်။
"နောက်နေ့ကစပြီး တူတူ ထမင်းလာစား... မဟုတ်ရင် ငကောင်းကအဖွဲ့ကနေ ခွဲထွက်သွားတာကိုကြည့်ရတာ ပျော်စရာမကောင်းဘူးလေနော့.."
အဂ္ဂါသည် Taraxacum ကို ပြောသလိုလိုနှင့် ကောင်းယံအားအကြည့်ချင်းဆုံကာ ပြောလေသည်။
ကောင်းယံသည် အဂ္ဂါအားမှုန်ပေပေပြန်ကြည့်သည်။
မိုးညိုသည် ခေါင်းတယမ်းယမ်းဖြင့်ဆိုလေသည်။
ESTÁS LEYENDO
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15
