"Wake up.. Ed..wake up!"
ခပ်လွင်လွင်အသံက အလွန်အမင်းပျော်ရွှင်နေကြောင်းကို သိသာစေသည်။အဂ္ဂါသည်စောင်ကိုပြန်ဆွဲယူလိုက်ကာ သူ့ကိုလှုပ်နိုးနေသော Taraxacum ကို ကျောပေးကာပြန်အိပ်လိုက်သည်။
"Ed~~~"
Taraxacum၏သံရှည်ဆွဲပြီးခေါ်တဲ့အသံကိုကြားရသော်လည်း မျက်လုံးမဖွင့်ချင်သေးပါ။
"Ed~~ထတော့ ဒီနေ့က Christmas နေ့လေ"
"ဟာသွားကွာ..မနေ့ကမှစာမေးပွဲပြီးထားတာကို!ငါအိပ်ဦးမှာ..သုံးနှစ်လောက်အိပ်မှာ"
Taraxacum သည် အဂ္ဂါ၏ငြုတုတုအသံကြောင့်မပြုံးဘဲမနေနိုင်...
မနေ့က တစ်ကျောင်းလုံး၏လပတ်စာမေးပွဲနောက်ဆုံးရက်ပင်။
စာမေးပွဲပြီးသွားတာက တစ်ကြောင်း၊ စနေနေ့ပိတ်ရက်ဖြစ်နေတာကတစ်ကြောင်း၊ ခရစ်တော်မွေးဖွားသည့် Christmas နေ့ဖြစ်နေတာကတစ်ကြောင်း၊စသည်ဖြင့်အကြောင်းအမျိုးမျိုးကြောင့် ကျောင်းအုပ်က ယနေ့တွင် စာသင်ချိန်၊စာကျက်ချိန်များအနားပေးကြောင်း Board မှာကပ်ကာကြေညာထားလေသည်။"Ed.. အခုကို ဆယ်နာရီထိုးနေပြီလေ။ထပ်အိပ်ရင်ကျောပူလိမ့်မယ်"
အဂ္ဂါသည် Taraxacum ပြောသည့်စကားကို အရေးမလုပ်ချေ။အိပ်မပျော်တော့သည့်တိုင် အိပ်ယာထဲတွင်ခွေခေါက်လှဲနေရသည့် အရသာကိုသူကြိုက်သည်။
"ဘာလဲကွာ...မထဘူး!!"
Taraxacum သည် အဂ္ဂါ၏ကိုယ်တစောင်းလေးကိုဖိလိုက်ကာ အဂ္ဂါကြားနိုင်ရုံလေသံဖြင့်ပြောလိုက်၏။
"နမ်းရင်းနိုးရမှာလား!"
အဂ္ဂါသည် ထိုစကားကြောင့်ငေါက်ခနဲထထိုင်လေသည်။ပြီးနောက် Taraxacum ကိုပေစောင်းစောင်းကြည့်ကာ ရေချိုးခန်းထဲသို့သုတ်သီးသုတ်ပြာဝင်သွားသည်။
အဂ္ဂါထထွက်သွားမှ Taraxacum သည် ပြုံးပြုံး ပြုံးပြုံးဖြင့် အိပ်ယာသိမ်းလေသည်။
သွားတိုက်ရင်းနဲ့ အဂ္ဂါသည် Taraxacum ကို ကျိန်ဆဲမိသည်။သောက်ကလေးရဲ့ confident level က စကြာဝဠာ အပြင်ဘက်ကို ခုန်ထွက်နေပြီ။ကြာရင် သူလည်းလုံးပါးပါးတော့မလားပဲ။
အဂ္ဂါကိုယ်လက်သန့်စင်ပြီး အပြင်ထွက်လာတော့ Taraxacum က အိပ်ယာပေါ်တွင် တင်ပြင်ခွေထိုင်ကာ ပါဆယ်ပုံးအကြီးကြီးကို ဖွင့်ဖောက်နေသည်။
BINABASA MO ANG
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15