Life cycle of dandelion💛
Dandelion တွေရဲ့ Life Cycle တွေက ရိုးမလိုနဲ့ ဆန်းကြယ်ပြီးတော့...
ဆန်းကြယ်မလိုနဲ့ ရိုးရှင်းနေပြန်ရော...
မျိုးစေ့အမွှားလေးကနေ အပင်ပြန်ပေါက် အပွင့်ပွင့်... အဲ့ကနေ မျိုးစေ့အမွှားလေးတွေပြန်ထွက်လာ...
လေနှင်ရာလွင့်ပြီးတဲ့နောက် ကျရာနေရာမှာ ကြုံသလိုရှင်သန်ပေါက်ရောက်ကြတာပဲ...
ကျွန်တော့်ရဲ့ dandelion လေးကလည်း ရိုးရှင်းမလိုနဲ့ ဆန်းကြယ်နေပြန်တယ်...🍃🍃🍃🍃🍃🍃🍃🍃🍃🍃🍃
အဂ္ဂါ မနက် ထလာသည့်အချိန်က ၆:၃၀ အတိ။
ရေကျသံကြားတာကြောင့် ထိုကောင်လေးရေချိုးနေပြီဆိုတာကို သိလိုက်သည်။၁၀တန်းကျောင်းသားတွေက ကျောင်းဆောင်သို့မသွားခင် အခန်းထဲတွင်စာလုပ်ရသည်။
ခဏနေ အဆောင်မှူးလာစစ်မှာ ဖြစ်တာကြောင့် Alarm မြည်သံရဲ့ နှိုးဆော်ချက်ကို ဗဟိုပြုပြီး မသာမယာ မနက်ခင်းကိုစတင်ရသည်။စာရေးစားပွဲပေါ်ထိုင်ပြီး သင်္ချာစာအုပ်ကို လှန်လှောကော လက်တဖက်က ဘောပင်ကို ဟိုလှည့်သည်လှည့် လှည့်နေလိုက်သည်။
သိပ်မကြာခင်အဆောင်မှူးက လာစစ်ဆေးသည်။အဂ္ဂါ စာလုပ်နေတာကိုတွေ့တော့ စာအုပ်ထဲ ဟိုမှတ်သည်မှတ် မှတ်ကာ ထွက်သွားသည်။ထိုအချိန်ထိတိုင် ရေချိုးခန်းထဲကကောင်လေးက ထွက်မလာသေးပေ။ဘယ်လိုပင်ဆောင်းရာသီမရောက်သေးဘူးဆိုပင်မယ့် မနက်ခင်းအချိန်ဆိုတာက အအေးဓာတ်အစအနလေးတွေဝေ့သီနေဆဲမလား။
အဂ္ဂါ ထလိုက်ကာ ရေချိုးခန်းတံခါးကို ခေါက်
မည်အပြု လက်တကမ်းအကွာတွင် ပွင့်လာတဲ့ တံခါးကြောင့် လက်တွေက လေထဲတွင်တန်းလန်းဖြစ်သွားရသည်။
Taraxacum သည် bathrobe အဝါနုရောင်လေးဖြင့်ရေချိုးခန်းထဲက ထွက်လာလေသည်။
အဝါရောင်ရဲ့ ထင်ဟပ်မှုကြောင့် နဂို ဖြူနေသည့်အသားသည် ပိုကာဝင်းလက်နေသည်။
သူ့ရဲ့မျက်လုံးတွေက အဂ္ဂါကို မြင်သည်နှင့် တောက်ပ ဝေဆာသွားလေသည်။
YOU ARE READING
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15