¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
အနီနဲ့အပြာကိုပေါင်းလိုက်ရင် ခရမ်းရတယ်။
အပြာနဲ့အဝါကိုပေါင်းလိုက်ရင် အစိမ်းရတယ်။
အဝါနဲ့အနီကိုပေါင်းလိုက်ရင် လိမ္မော်ရတယ်။
ဒါဆိုကိုယ်နဲ့မင်း ပေါင်းရင်ကော...?
ဟဟ---အချစ်တွေရတာပေါ့ကွ။
🌱🍃🍃🍃🍃🍃🍃🍃🍃🍃🍃🍃🍃🍃🌱
Taraxacum သည် ဒူပေဒဏ်ပေ ခံနိုင်သည်ဟုပြောရမလား။ နောက်နေ့မနက်ခင်းရောက်တော့ အဖျားကချက်ချင်းကျသွားကာ အတန်းတက်နိုင်သည့်အခြေအနေဖြစ်သွားသည်။
အဂ္ဂါပြောထားသည့်အတိုင်း Taraxacum သည် အဆောင်ခန်း အပြင်ရောက်သည်နှင့်မျက်လုံးချင်းပင်မဆုံပဲ ဆိတ်ဆိတ်နေသည်။
အဂ္ဂါက တခါတလေ နေ့လည်စာလွတ်တတ်သည့်အပြင် ဗိုက်ဆာလွယ်တတ်သောသူဖြစ်မှန်းသိတာကြောင့် မုန့်ဆိုင်ကအမကို တနေ့တမျိုးမရိုးအောင်သွားပို့ပေးဖို့ မှာထားရသည်။
မုန့်ဆိုင်ကအမပင် သူ့အား တော်တော်အလုပ်ရှုပ်တဲ့ကောင်လေးဟုပင်ခေါ်နေပြီ။
ရက်တွေ ကုန်ဆုံးသွားသည်။သူကတော့ သီတင်းကျွတ်ပိတ်ရက်တွေကို မျှော်လင့်နေမိသည်။Ed နဲ့အတူတူ သူလိုက်သွားရမည်မို့ပင်။သူပျော်လွန်းလို့ ထိုအကြောင်းအရာကိုတွေးမိလိုက်သည်နှင့် လက်တွေပင်တုန်လာသည်။
YanYan ဆိုတဲ့ Ed ရဲ့သူငယ်ချင်းက သူ့ကိုအမြဲ ခေါ်ပြောကာ တရင်းတနှီးဆက်ဆံသည်။YanYan ကခင်ဖို့ကောင်းသည်။အမြဲပြုံးနေတတ်သည်။Ed လည်းသူ့ကို ပြုံးပြရင်သိပ်ကောင်းမှာအမှန်ပဲ။
YanYan ရဲ့အမေက Marco ရဲ့ ကျောင်းနေဖက် သူငယ်ချင်းတဲ့။ Marcoက တကယ်အပေါင်းအသင်းဝင်ဆံ့သည်။သူငယ်ချင်းများသည်။လူချစ်လူခင်လည်းပေါသည်။သူကတော့ Marco ရဲ့ကောင်းတဲ့အချက်တွေကို မရခဲ့သည့်ပုံပင်။ Venice မြို့မှာသူ့အတွက်လွမ်းစရာသူငယ်ချင်းမကျန်ခဲ့ပါ။ Marco ကိုတခါတလေလွမ်းပင်မယ့် တခုတ်တရကြီးမဟုတ်ပါ။
Kaythi ကတော့ သူရည်းစားနဲ့ပျော်နေမယ်ထင်တယ်။ဒီသီတင်းကျွတ်မှာ သူ Kaythi ဆီကို မသွားရင်ကောင်းပါ့မလားလို့တွေးနေမိသည်။
ESTÁS LEYENDO
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15
