Dandelion အစေ့ အမွှားလုံးလေးတွေကို ထိကိုင်လိုက်ရုံနဲ့ ကြွေလွင့်သွားတတ်တယ်...
Dandelion တွေက အဲ့သည်လောက်ကို နူးညံ့ပါတယ်...
🌱🍃🍃🍃🍃🍃🍃🌱ညဂိုက်အတန်းချိန်ပြီးသည်နှင့်အလျှိုလျှို အိပ်ဆောင်ဝင်ကြလေသည်။
မိုးညိုနှင့်ကောင်းယံလည်းထိုနည်းတူပင်။
ယခင်ကကောင်းယံက တစ်ယောက်တည်းတစ်ခန်းနေရသော်လည်း Taraxacum သည် အဂ္ဂါအခန်းထဲရောက်လာသည်နှင့်မိုးညိုကနေရာရွေ့ပေးလိုက်ရကာ ကောင်းယံအခန်းတွင်သောင်တင်နေတော့သည်။မိုးညိုသည်မအိပ်ခင် ရေချိုးခန်းထဲဝင်ကာ ကိုယ်လက်သန့်စင်ခြင်းအမှုပြုလေသည်။
သူပြန်ထွက်လာသည့်အချိန်တွင် ညသန်းခေါင်းရောက်ဖို့မိနစ်ပိုင်းသာလိုတော့လေသည်။
သို့သော်ကောင်းယံကတော့ စာရေးနေလေသည်။
ကောင်းယံက စာကြိုးစားသူပီပီ ညနက်ထိ စာလုပ်မှန်းသူသိသည်။သို့သော်လည်း ညဂိုက်ချိန်ပြီးလျှင်နားသင့်ပြီမဟုတ်လား။"ငကောင်း..မင်းမအိပ်သေးဘူးလား..."
ကောင်းယံသည်သူ့အားမော့မကြည့်ဘဲ ပြန်ဖြေလေသည်။
"အေး...ငါ English Essay တစ်ပုဒ် ရေးကျင့်လိုက်ဦးမယ်"မိုးညိုသည် ခြေလက်ဆေးကြောလာတာကြောင့်
အေးလာကာ စောင်ပုံထဲဝင်ရင်း တွေးစစဖြင့်ပြန်မေး၏။"တီချယ် အိမ်စာပေးထားတာရှိလို့လား!"
"မရှိပါဘူး.. Practice လေ.."
မိုးညိုသည် ထိုအခါမှ ထရယ်ကာ
"အဲ့လောက်မကြိုးစားပါနဲ့ကွာ!ဒီတိုင်းလည်း ဆေးမှတ်မှီပါတယ်!"ကောင်းယံကမိုးညိုအား မျက်လုံးလှန်ကြည့်ကာ
"ဘယ်သူက ဆေးကျောင်းတက်မယ်လို့ပြောလို့လဲ..""ဟမ်ဟမ်! မင်းဆေးကျောင်းမသွားဘူးပေါ့..."
"No...ငါက အနုပညာကျောင်းသွားမှာ..!"
မိုးညိုခမျာ မျက်လုံးပါပြူးသွားရသည်။သူ့သူငယ်ချင်းမှာ အဲ့လိုဝါသနာရှိမယ်ဟုမထင်ခဲ့ပေ။
"ဪ...မင်းသားလုပ်မယ်ပေါ့!မဆိုးပါဘူး..မင်းရုပ်မင်းရည်နဲ့ဆို Main Lead ပါပဲ"
YOU ARE READING
TARAXACUM
Romanceမှုတ်ထုတ်လိုက်တဲ့ အမွှားလေးတွေမှာ ကိုယ့်အချစ်တွေပါသွားခဲ့သလား.... မႈတ္ထုတ္လိုက္တဲ့အမႊားေလးေတြမွာ ကိုယ့္အခ်စ္ေတြပါသြားခဲ့သလား.... Start- October-12 End. - January -15